...JASTAR AKSIIаSY О́TTI
Erjan BAITILES.
Keshe Qyzylorda oblystyq ishki saıasat basqarmasy men «Qyzylorda jastary» qaýymdastyǵynyń uıymdastyrýymen «Bolashaqtyń irgesin birge qalaımyz!» atty jastar aksııasy ótti. Aksııanyń basty maqsaty – Joldaýdyń basym baǵyttary men negizgi mindetterin túsindirý jáne nasıhattaý, Joldaýdyń el damýyndaǵy mańyzy men qundylyǵyn uǵyndyrý jáne jastardyń patrıottyǵy men belsendiligin arttyrý bolatyn.
Aksııaǵa oblystaǵy jastar uıymdarynyń ókilderi, munaıshylar, dárigerler, muǵalimder, joǵary jáne arnaýly orta oqý oryndary stýdentteri men belsendi jastardan turatyn barlyǵy 3000-ǵa jýyq adam qatysty. Shara barysynda oblystyq ishki saıasat basqarmasynyń bastyǵy Rýslan Rústemov táýelsizdik jyldaryndaǵy barlyq jetistikterdiń negizi Elbasy Joldaýynda jatqanyn aıtyp, onyń el damýyna elýli úles qosatynyn basa jetkizdi.
Aksııa barysynda qatysýshylardyń úndeýi jarııa etildi. Shara sońy Syr óńiriniń ónerli ónerpazdarynyń konserttik baǵdarlamasyna ulasty.
Qyzylorda.
* * *
...ONKÚNDIK BASTALDY
Názıra JÁRIMBETOVA.
Oblystyq onkologııalyq aýrýlar dıspanseri men salamatty ómir saltyn qalyptastyrý ortalyǵy birigip, qaterli isik aýrýlary profılaktıkasy boıynsha onkúndik bastady. Dárigerler men mamandar qaterli isik týraly jurtshylyqty kóbirek habardar etý, olardyń sanıtarlyq mádenıetin kóterýdi basty maqsat etip otyr. О́ıtkeni, qaterli isikti erte satysynda anyqtaý adam ómiriniń kepili bolyp tabylady.
Oblysta 2010 jyly 2178 aýrý anyqtalǵan, sonyń 19 paıyzy isiktiń asqynyp ketken kezinde tirkelgen. Búginde Qostanaı oblysy boıynsha 11 myńnan asa osy qaterli aýrýǵa shaldyqqan jandardyń teń jartysyna jýyǵy bes jyldan astam ómir súrýde. Olar qulantaza aıyǵady degen de dárigerler úmiti bar. On kún boıy onkologııalyq dıspanserde dárigerler leksııalar oqydy, tilek bildirgenderdiń tekserilýine de bar múmkindik jasalǵan.
Qostanaı.
* * *
...SOT TО́RELIGI MÁSELESI QARALDY
Elimizde sot tóreligin tek sot qana júzege asyratyny Konstıtýsııada atap kórsetilgen. Demek, sotqa túsken isterdi qaraǵan kezde sot tóreliginiń sapasy zańdylyqtyń saqtalýy, shaǵymdardyń qaralý nátıjesi atalǵan sala qyzmetkerlerinen kásibı biliktilik pen jaýapkershilikti talap etedi. Osyǵan oraı keshe oblystyq sotta óńir sýdıalarynyń ótken jyly sot tóreligin júzege asyrý qorytyndysy qaralǵan májilis ótti.
Májiliste 2010 jyly oblys sottary júzege asyrǵan sot tóreligi qyzmetin alqa tóraǵalary L.Merekenov pen E.Totybaıtegi qorytyndylap, sot aktileriniń sany men sapasyna toqtaldy.
Oblystyq sot tóraǵasy M.Taımerdenov sottardyń tek ádildik, zańdylyq jáne naqtylyqpen qabyldaǵan sheshimderi ǵana jaǵymdy qoǵamdyq pikir qalyptastyrǵanyn jetkizdi. Sot tóreligi kórsetkishterin tómendetken sýdıalarǵa alda talap qatal bolatyny qatań eskertildi. О́tken jyldyń qorytyndysyn ekshegen jıyn bılerdiń kásibı bilim-biligin ekshedi.
Kúmisjan BAIJAN.
Almaty oblysy.