Astanada ShYU-ǵa múshe memleketter Qorǵanys mınıstrleri keńesiniń ótkizilýi sheńberinde Qazaqstan Respýblıkasynyń Qorǵanys mınıstri Imanǵalı Tasmaǵambetov pen Reseı Federasııasy qorǵanys vedomstvosynyń basshysy armııa generaly Sergeı Shoıgýdyń kezdesýi ótti.
«Bizdiń kezdesýlerimiz jıi ótkiziletin mazmunǵa ıe bolyp otyr. Bul Qazaqstan men Reseı sııaqty strategııalyq seriktester úshin qajettilik bolyp tabylady. Múmkindikti paıdalana otyryp, Sırııadaǵy áskerı operasııanyń sátti ótýimen shyn júrekten quttyqtaǵym keledi», dedi I.Tasmaǵambetov.
«Halyqaralyq lańkestikpen kúresýde jalpy túsinik pen biriktirilgen is-qımyl jasaý qajet. Búginde, jalpy alǵanda, ǵasyrlar boıy jınaqtalǵan barlyq bastamalardyń beriktiligi shyńdalýda. Munda da barshamyzǵa ol jaqta bolyp jatqandy taǵy bir márte talqyǵa salyp, lańkestikpen kúresý jóninde qosymsha birlesken sharalardy qarastyrýymyz qajet shyǵar. Búgin bizde osyndaı múmkindik bolady dep úmittenemin. Yntymaqtastymyzǵa qatysty aıtar bolsaq, onyń strategııalyq tatýlyq sıpatqa ıe ekendigi sózsiz, ádettegideı, aldymyzǵa ómir men zamanaýı ýaqyt qoıyp otyrǵan sol máselelerdi sheshýge birshama senimdi qadam basyp kelemiz», dedi S.Shoıgý.
Keshe Astanada ShYU-ǵa qatysýshy elder Qorǵanys mınıstrleriniń keńesi ótkenin aıta keteıik. Otyrys sheńberinde ShYU-ǵa múshe memleketter áskerı úrmeli orkestrleriniń «Beıbitshilik kerneıi» III halyqaralyq festıvali ótti. ShYU-ǵa qatysýshy elder áskerı mýzykanttarynyń festıvaline Qyrǵyz Respýblıkasy, Qytaı Halyq Respýblıkasy, Reseı Federasııasy, Tájikstan Respýblıkasy men Qazaqstan Respýblıkasy áskerı orkestrleriniń jeke quramy qatysty.
«Egemen-aqparat»