Eńbekte de, turmysta da

jarasym tapqan otbasylardan alar úlgi-ónege kóp Jurtshylyq tarapynan keń qoldaý tap­qan, otbasylyq qundylyqtar men úlgi-ónegelerdi, ulttyq salt-dástúrlerdi, ádet-ǵuryp­tardy, ata-anaǵa degen berik syılasym­dylyq pen kishipeıildilik qasıet­terdi nasıhattaýdy, taratýdy, tájirıbege aınaldyrýdy basty maqsat etken «Mereıli otbasy» baıqaýy Qyzyljar óńirinde de keńinen atap ótildi. Jyl ótken saıyn ıgi sharaǵa qatysýshylardyń qatary kó­beıip, sapalyq jaǵynan da qýat­tana túskenin ańǵarý qıyn emes. Elbasy jastardy berik otbasy ınstıtýty shańyraqtaǵy jara­symdyq pen tatýlyq arqyly ornaıtynyn únemi aıtyp keledi. Sol sebepti bolar, jaqsy bastama dástúrli arnasyn taýyp, osymen úshinshi ret keń qanat jaıyp otyr. Saıysqa barlyq aýdandar men Petropavl qalasynan shashasyna shań juqtyrmaǵan kileń ozyq otbasylar qatysty. Olardyń qaı-qaısysy bolsyn eńbekte de, turmysta da óz ornyn tapqan, tamyrlaryn tereńge jaıǵan máýeli báıterek ispettes. N.Pogodın atyndaǵy orys drama teatryna jınalǵandar al­dynda sóılegen sózinde aı­maq basshysy Erik Sultanov Prezıdenttiń «Otbasy – bizdiń qoǵa­mymyzdyń qundylyqtaryn saq­taýdyń asa mańyzdy ıns­tıtýty», degen pa­ıymy­n alǵa tarta otyryp, ár adam alǵashqy tárbıeni altyn dińgek otbasynan alatynyn, áke-sheshege, týǵan-týystarǵa degen qurmet, elge, jer­ge degen mahabbat otbasy, oshaq qasynan bastaý alatynyn jetkizdi. Otbasy eńbekke, jaýapkershilikke, bereke-bir­likke, izgi tatýlyqqa, dostyqty, jol­dastyqty qadirleı bilýge, meıirim men ınabattylyqqa úı­retedi. Kópbalaly, eńbekqor ot­basylar qaı kezde bolsyn eldiń maqtanyshy sanalady. О́skeleń urpaq ata-babalarymyzdan jalǵasyp kele jatqan osyndaı sabaqtastyqtardy boılaryna sińirip ósse, Qazaqstannyń maqtan tutar azamattary bolyp óseri kámil, dedi Erik Hamzauly. Baıqaýǵa qatysýshylardyń jaqsy daıyndyqtarmen kelgeni, jeńisten úmitti ekendikteri sóz­derinen de, is-qımyldarynan da anyq baıqalyp turdy. Bı­ylǵy saıystyń ereksheligi sol, jekelegen atalymdar boıynsha 28 otbasynyń arasynan kil myqtyny anyqtaý qazylar al­qasyna ońaı soqqan joq. Maǵjan Jumabaev aýdany­nan kelgen Polıakovtar, shal­aqyn­dyq Rahymberlınder, Ýá­lı­hanov aýdanynyń namysyn qor­ǵaǵan Kýharenko otbasylary «Jasampaz ustaz» atalymy boıyn­sha júldeger atandy. «Sport sala­syndaǵy kórsetkishter» atalymynda Petropavl qalasynan Drobıazko, Ǵabıt Músirepov atyn­daǵy aýdannan Qalyqovtar otbasylary top jardy. «Eńbeksúıgish otbasy» atalymynda Tımırıazev aýdanynan Álıevter, Maǵjan Jumabaev aýda­nynan Qusaıy­novtar, Aqqaıyń aýda­nynan Qasymovtar, Jambyl aýdanynan Mamedovtar otbasylary erek­shelendi. «Úzdik eńbek áýleti» ata­lymynda Tımırıazev aýda­nynan Balseıitovter, Taıynsha aýdanynan Jomartovtar otba­sylarynyń mereıi ústem boldy. «Otbasylyq daryndar» atalymy boıynsha Aqjar aýdanynan Zakarınder, Aqqaıyń aýdanynan Amanjolovtar áýletteri marapattaldy. «Kópbalaly otbasy» atalymynda 10 balany ómirge ákelip, ulyn – uıaǵa, qyzyn – qııaǵa qondyrǵan Aıyrtaý aýdanynyń turǵyndary Nasharbaevtar já­ne Esil aýdanynyń úmitin ar­qalaǵan Jánibekovter otbasy erekshe iltıpatqa bólendi. «In­ternasıonal otbasy» ataly­mynda Aıyrtaý aýdanynan Mý­sıenko, Esil aýdanynan Krı­vorýchko, Qyzyljar aýdanynan Nurmuqanovtar, Jambyl aýdanynan Sobolevter, Mamlıýt aýdanynan Jarkenovter otbasylary jeńimpaz atandy. «Júrek jylýyn balalarmen bólisemin» atalymynda Qyzyljar aýdanynan Kýrbatovtar, Taıynsha aýdanynan Esıneevter otbasylarynyń asyǵy alshysynan tústi. «Me­reıli otbasy» baıqaýynda Ýálı­hanov aýdanynan kelgen Nur­baevtar jáne Petropavl qala­synan Martemıanovtar otbasylary úshinshi orynǵa laıyq dep tanyldy. Ekinshi oryndy Ǵabıt Músirepov atyndaǵy aýdannyń namysyn qorǵaǵan Sultanovtar jáne Mamlıýt aýdanynan kelgen Qarabalaevtar otbasylary ıelendi. Olardyń arasynan Kýr­ba­tovtar jaıly erekshe aıta ketken jón. Úsh balany qamqor­lyǵyna alǵan Andreı men Vıktorııa júrek meıirimin, alaqan jylýyn aıaǵan emes. О́zderi de, balalary da shetterinen ónerli, salamatty ómir saltyn serik etken. Veronıka sýretti jaqsy salady, kúrespen aınalysady. Stas taekvondonyń sheberi bolýdy armandaıdy. Maksımnyń armany – mýzykant bolý. Nurbaevtar áýletin bıyl gaýhar toılaryn atap ótýge nıet etip otyrǵan Oljabaı aqsaqal men Saqypjamal ájeı bastap keldi. Olar bir kindikten 11 ul-qyz, 21 nemere, 4 shóbere órbitip, qyzyǵyn kórip otyrǵan jaılary bar. Birinshi júldeli oryn Okýnev­ter men Jandos Mádıqajynyń áýletine buıyrdy. Okýnevter Shal aqyn aýdanynda aýyl sha­rýa­­shylyǵymen aınalyssa, 5 bala ósirip otyrǵan Jandos otbasymen birge qolóner dástúrin jalǵastyryp keledi. Atamekenniń tutastyǵyn, aǵaıy­nnyń tatýlyǵyn, ata-ana men bala arasyndaǵy ózara syılas­tyqty pash etken baıqaý jeńimpazdary dıplommen jáne sertıfıkattarmen marapattaldy. Baıqaýda jeńgen úzdik otbasylar Astana qalasynda ótetin respýblıkalyq kezeńde oblys namysyn qorǵaıtyn bolady. Yrysy men yntymaǵy sútteı uıyǵan, shańyraǵy shalqyǵan mundaı otbasylar óńirde az emes. Olar memleketimizdiń damýyna óz úlesterin qosyp, ózgelerge úlgi kórsetýdi basty murat etken. Demek, joǵary qoǵamdyq jáne rýhanı-adamgershilik máni zor mundaı baıqaýlardan kókeıge túıerimiz az bolmasa kerek. О́mir ESQALI, «Egemen Qazaqstan» PETROPAVL Sýretterdi túsirgen Talǵat TÁNIBAEV