О́ndiristegi óreli ister

Aldaǵy ýaqytta Qazaqstan temirjolynyń Semeı jol bó­limshesindegi temirjolshylary úshin erekshe kezeń bastalmaq. Máselen, aımaqtaǵy avtokólik, ushaq qyzmetin paıdalanýshy iri óndiristik kompanııalardyń temirjol qyzmetine kóshýi júk tasymalyn arttyratyn bolsa, jańadan boı kóterip jatqan «Ertis» kólik-logıstıkalyq ortalyǵy, saýda termınaldary tranzıttik áleýetti eselemek. Odan bólek, bólimshe basshysy Marlen Kókirekbaevtyń bastamasymen temirjolshylardyń áleýmettik ahýalyn jaqsartý jáne bólimshe mekemeleri aýmaǵyn abattandyrý salasynda birqatar josparly ister mejelenýde. Al bul rette, «QTJ» UK» AQ Semeı jol bólimshesi fılıaly basshylyǵy óńirdegi atqarýshy bılikpen tyǵyz áriptestikte qarqyndy is-áreketke kóshetin bolady. Elbasynyń «Nurly Jol – bolashaqqa bastar jol» atty Joldaýyn iske asyrý aıasynda, óńirler qýattylyǵyn arttyrýda temirjolshylar men jergilikti bılik arasynda birlesip shesher máseleler kóp. Mine, osy maq­satta, aldaǵy ýaqytta Semeı jol bólimshesi basshylyǵy ákim­­dikpen birlesip, naqty is-sharalar josparyn oryndaýǵa kóshpek. Bul jaıynda óńir basshysy Ermak Sálimovtiń bólimshe mekemelerin aralaýy barysynda keńinen talqylandy. Temirjol salasynyń el shyǵysyndaǵy ekonomıkalyq áleýetine qosar úlesin baǵamdaý maqsatynda jáne jergilikti sala mamandarynyń tynys-tirshiligimen tanysý úshin qala basshysy aldymen birqatar mekemelerdi aralady. Semeı stansasynda bolyp, poıyzdardyń manevrlik qozǵalysy, vagondardy suryptaý jáne qaýipsizdik sharalarymen tanysty. Qazirgi kúni telimdegi konteınerlik jyljymaly quramdardyń júris ónimdiligi úsh esege deıin artqan. О́ndiristegi jetistiktermen ta­nysqan Ermak Bıdahmetuly suryptaý dóńesindegi úderis barysyna da qanyqty. Sondaı-aq, Semeı lokomotıv paıdalaný deposynda otandyq ónim – Evolıýshn teplovozdarynyń qyzmeti, mashınıster eńbegine de kýá boldy. Bul jaıynda depo dırektory Dáýlet Ydyrysov tanystyrdy. Qazirgi kúni lokomotıv sharýashylyǵynda da kompıýterlendirý isi jolǵa qoıylǵan. Máselen, mashınıs­ter brıgadasyn jumysqa ji­berý barysyndaǵy avtomat­tan­dyrylǵan tekserý, ushaq «qara jáshigi» tárizdi teplovoz kabınasyndaǵy is-áreketterdiń dybys jazbasyn saqtaıtyn qondyrǵy qyzmeti, qaýipsizdik t.s.s. sharalar jańashyl tehnologııalar aıasynda júzege asyp otyr. Osy rette, lokomotıv sha­rýashy­lyǵynda qoldanylatyn, qurylysqa arnalǵan qumnyń qajettiligi jaıynda sóz qozǵaldy. Lokomotıvshiler ony irgeles oblystan jetkizedi eken. О́ńir basshysy jergilikti qumdy arnaıy saraptamadan ótkizip, qoldanysqa engizýdi usyndy. Bul tarapta at­qarý­shy bılik kómek jasaýǵa ázir. «QTJ» UK» AQ Semeı jol bólimshesi fılıalynyń basshysy Marlen Kókirekbaev sala mamandarymen kezdesýge aǵymdaǵy jylǵy jetistikter jaıly aqparat­tandyryp ótti. – Búginde jahandyq daǵ­darys saldaryna qaramastan bólimshe boıynsha júk tasymaly onshalyqty kemigen joq. Máselen, osy kezeńge deıin De­geleń stansasynda 900 myń tonna kómir tıelinipti. Bul ótken jylǵy kórsetkishten joǵary. Maý­symdyq jaǵdaıǵa baılanysty júk tasymalynyń 62 paıyzyn qatty otyn quraıdy. Sondaı-aq, óńirdegi kásiporyndar óndiretin qu­rylys materıaldary da basymdy úleske ıe. Onyń ishinde sement pen orman sharýashylyǵynyń ónim­deri mol, – dep atap ótti M.Kó­kirekbaev. Al qala basshysy búginde 6 myńnan asa eńbekkeri bar QTJ-nyń Semeıdegi fılıaly oblystaǵy eń iri salyq tóleýshi mekeme ekenin aıta kele, aımaqtaǵy áleýmettik máselelerdi birlesip sheshýde ortaq kelisim qajet ekenin aıtty. Máselen, shpal men óndiriske qajetti qum alýda jergilikti kásipkerlerge qoldaý jasaýǵa shaqyrdy. Sonymen qatar, Prezıdenttiń «Nurly Jol» baǵdarlamasy aıasynda Semeı óńirin damytýǵa bólingen 1 mlrd. 800 mln. teńgeni ıgerýde temirjolshylardyń da áleýmettik ahýalyn jaqsartý kózdelip otyrǵanyn jetkizdi. Bul rette temirjol vokzaly alańy abattandyrylmaq. Taǵy bir jaıt, jergilikti bıýdjetke 700 mln.-nan asa qarajat temirjolshylardyń salyǵy esebi­nen túsedi eken. Al oblys ákimi Da­nıal Ahmetovtiń tapsyrmasy boıynsha, qalanyń qarjy qor­jynyn ózinde qaldyryp, odan tıisinshe qarajat bólý arqyly sha­hardy kórkeıtý isi jolǵa qoıylyp otyr. Al kreatıvti bas­ta­malary mol bólimshe basshysy Marlen Kárimuly bul rette, temir­jol aýdanyn kóriktendirý josparyn usynýda. Bul sharalar aldaǵy ýaqytta birlesip atqaryl­maq. Raýshan NUǴMANBEKOVA Semeı