Arnaıy operasııa keshe, 9-nan 10-na qaraǵan maýsym kúni «Pantera» dúkeniniń mańynda boldy. Quqyq qorǵaýshylar Y.Altynsarın kóshesin Janqoja batyrǵa deıingi aralyqty qorshaýǵa aldy. Kýágerlerdiń aıtýynsha, myltyq daýysy túngi saǵat 02:00 shamasynda estilgen. Al resmı emes málimetter súıensek, áskerıler arnaıy operasııany qarý-jaraq satatyn «Patera» jáne «Otyrar» dúkenderiniń mańynda júrgizgen. Mundaǵy kópqabatty úıdiń turǵyndary qaýipsiz jerge kóshirilip, jeke úılerdiń adamdaryna syrtqa shyqpaý tapsyryldy.
Ázirge shabýyl jasaǵan lańkesterdiń naqty sany anyqtalǵan joq. Arnaıy operasııa tańǵa deıin jalǵasqan. Turǵyndar myltyq daýysyn azańǵy saǵat 08:00 shamasynda estigen.
«Qazir lańkesterdi quryqtaý sharalary jalǵasýda. Olar qarsylyq tanytýda. Oqıǵaǵa baılanysty qosymsha aqparattardy taǵy da jarııalaıtyn bolamyz», – deıdi UQK resmı saıtynda.
Talǵat Raıymbek.
Derek, foto: diapazon.kz.