Astanada ótetin EKSPO-2017-ge kórmesine bıletterdi onlaın satý iske qosyldy. Bılettik baǵdarlama álemdik tájerıbede qoldanysqa engizilgendeı qazaqstandyqtar úshin jeńildikter qarastyrylǵan. Atap aıtqanda, Uly Otan soǵysynyń ardagerleri, múgedekter, múmkindigi shekteýli azamattar, jetim balalar jáne 6 jasqa deıingi balalar kórmege erkin kire alady. Sondaı-aq, zeınetkerler, kóp balaly analar, stýdentter jáne oqýshylarǵa arnaıy jeńildikter qarastyrylǵan.
Aıta keteıik, EKSPO-2017 kezeńinde 2 - 5 mıllıon adam keledi dep kútilýde. Qazirgi ýaqytta 89 el jáne 15 halyqaralyq uıymdar kórmege qatysýyn rastap otyr.
Sonymen bıletter jáne basqa bılet ónimderi satýǵa kezeń-kezeńmen shyǵady. 10 maýsymnan bastap 10 shildege deıin promo-kezeń ótedi. Ol kezde bılettti barynsha tómen baǵamen satyp alýǵa bolady. Naqtyraq aıtqanda, 10-20 maýsymda 50 paıyz, 21-30 maýsymda 30 jáne 1-10 shildede 20 paıyz jeńildik qarastyrylǵan.
Talǵat Raıymbek.
Derek: «Astana EKSPO-2017» UK» aksıonerlik qoǵamynyń baspasóz qyzmeti.
Foto: egemen.kz.