2010 jylǵy 6 qarasha, Almaty qalasy
Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Qazaqstan Respýblıkasynda bankterdi májbúrlep taratý erejesin bekitý týraly» 2006 jylǵy 25 aqpandaǵy
№ 40 qaýlysyna tolyqtyrýlar men ózgertý engizý týraly
Qazaqstan Respýblıkasynda májbúrlep taratylatyn bankterdiń taratý komıssııalarynyń qyzmetin retteıtin normatıvtik quqyqtyq aktilerdi jetildirý maqsatynda Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttiginiń (budan ári – Agenttik) Basqarmasy qaýly etedi:
1. Agenttik Basqarmasynyń «Qazaqstan Respýblıkasynda bankterdi májbúrlep taratý erejesin bekitý týraly» 2006 jylǵy 25 aqpandaǵy № 40 qaýlysyna (Normatıvtik quqyqtyq aktilerdi memlekettik tirkeý tiziliminde № 4181 tirkelgen, 2006 jylǵy maýsymda Qazaqstan Respýblıkasynyń ortalyq atqarý jáne ózge memlekettik organdarynyń aktiler Bıýlleteninde jarııalanǵan, № 9-10, 219 qujat) mynadaı tolyqtyrýlar men ózgertý engizilsin:
kórsetilgen qaýlymen bekitilgen Qazaqstan Respýblıkasynda bankterdi eriksiz taratý erejesinde:
mynadaı mazmundaǵy 84-1, 84-2, 84-3, 84-4, 84-5, 84-6-tarmaqtarmen tolyqtyrylsyn:
«84-1. Múlikti osy Erejede belgilengen tártippen satqanǵa deıin, taratý komıssııasy taratý shyǵystaryn barynsha azaıtý maqsatynda taratylatyn banktiń múlkin, onyń ishinde taratý komıssııasymen atqarýshylyq is júrgizý sheginde sot aktileri boıynsha qabyldanǵandardy, sondaı-aq bankke keltirilgen zııandy óteý esebinen alynǵandardy jáne belgilengen tártippen tirkelgenderdi jalǵa berýdi taratylatyn banktiń kredıtorlar komıtetimen kelisý boıynsha júzege asyrady.
Múlikti jalǵa berýden alynǵan aqsha taratý massasyna jiberiledi.
Múlikti jalǵa berý taratý komıssııasynyń ony satý boıynsha is-sharalardy júzege asyrýyn toqtata turmaıdy.
Taratý komıssııasynyń jalǵa berý shartyn jasasýy jalǵa alýshynyń múlikti taratý komıssııanyń birinshi talaby boıynsha bosatýǵa (qaıtarýǵa) jáne jaldanǵan múlikti qosymsha jaldaýǵa (sýbarendaǵa) berý múmkin emestigi boıynsha shekteýlerdi qabyldaýǵa kelisimi bolǵan kezde júzege asyrylady.
84-2. Banktiń taratý komıssııasy jalǵa alýshyny tańdaýdy tender ótkizý arqyly júzege asyrady, onyń qorytyndysy boıynsha artyqshylyq eń jaqsy jalǵa alý sharttaryn usynǵan tulǵaǵa beriledi.
84-3. Tender ótkizý týraly habarlandyrý tender ótkizý kúninen keminde on kúntizbelik kún buryn aýmaǵynda jalǵa beriletin múlik ornalasqan oblys nemese qalada taralatyn respýblıkalyq mańyzy bar merzimdi baspasóz basylymdarynda memlekettik jáne orys tilderinde jarııalanady.
Jalǵa alýshyny tańdaý boıynsha tender ótkizý týraly habarlandyrýda:
1) tenderdi ótkizý kúni, orny jáne ýaqyty;
2) taratylatyn banktiń ataýy;
3) jalǵa beriletin múliktiń sıpattamasy;
4) ótinimderdi qabyldaıtyn orny, ýaqyty jáne merzimderi;
5) tender qujattamasyn jáne qosymsha aqparat alýǵa bolatyn telefondar, meken-jaı qamtylady.
84-4. Tenderlik qujattamada mynadaı málimetter qamtylady:
1) habarlandyrýda kórsetilgen aqparat;
2) jalǵa beriletin múlikti kórsetý kúni, ýaqyty jáne orny;
3) jalǵa alý tólemin tóleý sharttary;
4) negizinde tenderdiń jeńimpazy anyqtalatyn krıterııler;
5) jalǵa berý shartynyń jobasy.
84-5. Taratylatyn banktiń burynǵy basshy qyzmetkerleri, taratylatyn banktiń kredıtorlary bolyp tabylatyn tulǵalar, sondaı-aq banktiń taratý komıssııasynyń tóraǵasy, músheleri, tartylǵan qyzmetkerleri tenderge qatystyrylmaıdy.
84-6. Eger tenderge eki qatysýshydan kem qatysqan bolsa tender ótpedi dep sanalady.
Tender ótpedi dep tanylǵan jaǵdaıda taratý komıssııasy tenderdiń jalǵyz qatysýshysymen jalǵa berý shartyn jasasý máselesin qaraıdy.»;
111-tarmaqta:
10) tarmaqshada «.» degen tynys belgisi «;» degen tynys belgisine aýystyrylsyn;
mynadaı mazmundaǵy 11) tarmaqshamen tolyqtyrylsyn:
«11) taratý komıssııanyń tóraǵasy qabyldaǵan taratylatyn banktiń múlkin jalǵa berý týraly sheshimdi jáne tenderlik qujattamany kelisý.».
2. Osy qaýly ol birinshi ret resmı jarııalanǵan kúnnen keıin on kúntizbelik kún ótken soń qoldanysqa engiziledi.
Tóraıym E.BAHMÝTOVA
––––––––––––––––––––––
Buıryq Qazaqstan Respýblıkasynyń Ádilet mınıstrliginde 2010 jylǵy 7 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №6665 bolyp engizildi.