Qazaqstan Respýblıkasy Indýstrııa jáne jańa tehnologııalar mınıstrliginiń buıryǵy №388

2010 jylǵy 17 qarasha, Astana qalasy Taýardyń shyǵý tegin rastaıtyn qujattardyń tizbesin bekitý týraly «Saýda-ónerkásip palatalary týraly» Qazaqstan Respýblıkasy Zańynyń 18-1 baby 2-tarmaǵy 3) tarmaqshaǵa sáıkes buıyramyn: 1. Qosa berilip otyrǵan taýardyń shyǵý tegin rastaıtyn qujattardyń tizbesi bekitilsin. 2. Qazaqstan Respýblıkasy Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıteti zańnamada belgilengen tártipte: 1) Qazaqstan Respýblıkasy Ádilet mınıstrliginde osy buıryqtyń memlekettik tirkelýin; 2) memlekettik tirkeýden keıin buqaralyq aqparat quraldarynda onyń resmı jarııalanýyn qamtamasyz etsin. 3. Osy buıryqtyń oryndalýyn baqylaýdy Qazaqstan Respýblıkasy Indýstrııa jáne jańa tehnologııalar vıse-mınıstri N.K. Ábdibekovke júktelsin. 4. Osy buıryq birinshi resmı jarııalanǵan kúninen bastap on kúntizbelik kún ótken soń qoldanysqa engiziledi. Mınıstrdiń mindetin atqarýshy A.RAÝ. Qazaqstan Respýblıkasy Indýstrııa jáne jańa tehnologııalar mınıstriniń mindetin atqarýshynyń 2010 jylǵy 17 qarashadaǵy №388 buıryǵymen bekitilgen Taýardyń shyǵý tegin rastaıtyn qujattardyń tizbesi 1. Quqyqtyq mártebesin rastaıtyn qujattar: jeke basty kýálandyratyn qujattyń kóshir­mesi (salystyryp tekserý úshin túpnusqa usy­nylmaǵan jaǵdaıda kýálandyrǵan kóshirme) – jeke tulǵalar úshin; zańdy tulǵalardyń memlekettik tirkeý (qaıta tirkeý) kýáligi jáne jarǵysynyń kóshirmesi (sa­lys­tyryp tekserý úshin túpnusqa usynylmaǵan jaǵdaı­da kýálandyrǵan kóshirme) – zańdy tul­ǵalar úshin; jeke kásipkerdiń zańdy tulǵalardyń memlekettik tirkeý kýáliginiń kóshirmesi (salystyryp tekserý úshin túpnusqa usynylmaǵan jaǵdaıda kýálandyrǵan kóshirme) – jeke kásipkerler úshin. 2. Syrtqy saýda kelisim-shartynyń (shart­tyń) túpnusqasy men kóshirmesi. 3. Taýardyń tolyǵymen Qazaqstanda shyǵa­rylǵany týraly rastaıtyn qujattardyń túp­nusqasy men kóshirmesi (taýardy óndirýshimen jáne taýardy alý týraly kelisim, shıkizatty ónimdeý jáne jasaý quqyǵy bar qujat, taýardy alys-beris týraly qujattary). 4. Qyzmet túrine beriletin lısenzııanyń túpnusqasy men kóshirmesi. 5. Taýardy jetkilikti dárejede qaıta óńdeý ól­shemderin aıqyndaýǵa arnalǵan qujattardyń túpnus­qasy men kóshirmesi (taýardyń óndirýinde qoldany­latyn shıkizat pen quraýyshtarǵa kelisimder men tólemdi qujattar, tehnıkalyq pro­sestiń qysqasha sıpattamasy, normatıvtik qu­jattar, shetelde shyǵa­rylǵan paıdala­nylatyn shıkizat nemese quraýysh baǵasyn eskere otyryp taýardyń ózindik qun esebiniń shyǵyn kalkýlıa­sııasy, sonymen qatar kóliktik jáne basqa júkqujattar). 6. Eger taýar janýarlardan alynǵan, ózen jáne teńiz kásipshiliginen shyqqan bolsa, vete­rı­narııalyq sertıfıkattyń túpnusqasy men kóshirmesi. 7. Qoımadaǵy taýardyń bar ekendigi jáne mólsheri týraly qoımanyń meken-jaıy kórse­tilgen qoımalyq anyqtamanyń túpnusqasy men kóshirmesi (qajet kezinde). 8. Jemis-kókónis ónimderi úshin: taýar óndi­rýshimen jasalǵan sharttyń túpnusqasyn nemese notarıaldy kýálandyrylǵan kóshirmesin mindetti túrde usynýmen, ótinish berilgen ónim leginiń kórsetilgen aýmaqta ósirilgeni týraly Qazaqstan Respýblıkasynyń tıisti aýmaqtyq birliginiń jergi­likti atqarýshy organynyń rastaý anyqtamasynyń túpnusqasy men kóshirmesi jáne ónimdi óndirýshimen jasalǵan shart, taýardy satyp alý sharty. 9. Qazaqstan Respýblıkasynan taýardy keri eksporttaý kezinde: taýardy alý týraly qujattar (kelisim, shot-faktýra), Qazaqstan Respýblı­ka­synyń terrıtorııasyna taýardy jetkizýdi ras­taıtyn qujattar (kedendik júk deklarasııasy, taýardyń shyǵý tegi týraly sertıfıkatt). Eskertpe: Qujattardyń túpnusqalary olar­dy kóshirmelerimen salystyryp teksergennen keıin ótinish berýshige qaıtarylady. –––––––––––––––– Buıryq Qazaqstan Respýblıkasynyń Ádi­let mınıstrliginde 2010 jylǵy 13 jeltoq­sanda Normatıvtik quqyqtyq kesimderdi mem­lekettik tir­keýdiń tizilimine №6673 bolyp engizildi.