Múbárak saılaýǵa túsýden bas tartty

Egıpet prezıdenti Hosnı Múbárak 2011 jyldyń qyr­kúıegine belgilenip otyrǵan kezekti prezıdenttik saılaýǵa túsýden bas tartatyndyǵyn málimdedi. Ol óziniń osy nıetin el azamat­tarynyń demokratııalyq erkin bildirýdi qam­tamasyz etý maqsatyn kózdeıtindiginen dep túsindirdi. Álemdik ınternet shyrmaýyǵyna kelip túsip jatqan derekterge qaraǵanda, AQSh ákimshiligi Hosnı Múbárakqa osyndaı keńes bergen sekildi. Degenmen, ol el bıligin áldekimderge aıaqasty bermek nıette emes. Sondyqtan máseleniń saılaý arqyly sheshilýin kózdeıtindigin kóldeneń tartqan. NEMIS ESESShISI SOTQA DEIIN KО́Z JUMDY AQSh-ta ekinshi dúnıejúzilik so­ǵys kezinde Iýgoslavııa aýmaǵynda áskerı qylmys jasady dep aıyp­talyp otyrǵan nemis esesshisi Peter Egner óziniń 88 jasynda qaı­tys boldy. AQSh soty ony el aza­mat­tyǵynan aıyrý týraly sheshim qa­byldaǵan bolatyn. Alaıda onyń ómi­ri sot májilisine deıin jetpedi. Aldyn ala málimdeýlerge qaraǵanda, Peter Egner óziniń fashıstermen áriptestik qarym-qatynas jasaǵandyǵyn moıyn­daǵan. Biraq ta ol óziniń Belgradtaǵy osy el polısııasynda qyzmet etkendigin, konslagerlerge adamdardy jóneltetin esha­londardy kúzetkendigin, biraq áskerı qylmystarǵa aralas­pa­ǵandyǵyn aıtqan. Alaıda, 2008 jyly Serbııa oǵan nemis ásker­leri Iýgoslavııany basyp alǵan kezde SS-tiń jazalaý otrıa­dynyń quramynda bolyp, kóptegen el turǵyndarynyń qazaǵa ushy­raýyna yqpal etti degen aıyp taqqan. TOP MENEDJERLER AIYP TО́LEITIN BOLDY Deutsche Telekom osy kompanııada buryn konsern basshysy jáne onyń baqylaý keńesiniń tóraǵasy qyzmetterin at­qarǵan Kaıem-Ýve Rıke men Klaýs Sýmvınkelmen beıbit kelisimge kelý jóninde sheshim qabyldady. Osy kelisim boıynsha Kaıem-Ýve Rıke men Klaýs Sýmvınkel osydan buryn kon­sernniń qyz­met­kerleri men jýrnalısterge zańnan tys ba­qylaý jasaýdy uıym­dastyrý isine qatysty degen aıypqa baılanysty konsern ótýge tıisti shyǵyndardyń bir bóligin óteý jóninde ýáde bergen edi. О́temaqynyń qanshalyqty so­many quraıtyndyǵy áli jarııa­lanǵan joq. Degenmen, kompanııa óziniń burynǵy menedjerlerinen 1 mıllıon eýro surap otyrǵan kórinedi. 2008 jyly bastalǵan bul daýdyń negizgi aıyptalýshysy retinde kompanııanyń burynǵy ishki qaýipsizdik qyzmetiniń bastyǵy T.Klaýs ótken jyldyń 30 qarashasy kúni 3,5 jylǵa sottalǵan bolatyn. Burynǵy top-menedjerler osyndaı jazalaý sharasyna urynbaý úshin qomaqty qarjy tóleýge amalsyz kelisim bergen. QASTANDYQ JASAÝShYǴA JAZA QATAŃ Vırdjınııanyń apellıasııalyq soty Amerıkanyń burynǵy prezıdenti kishi Djordj Býshqa qastandyq jasamaq bolǵan Ahmed Omar Abýdy ómir boıy túrmede otyrý jónindegi burynǵy sheshimdi ózgerissiz qaldyrý jóninde ókim shyǵardy. AQSh-ta burynǵy prezıdentti óltirmek bolǵan aıyp­talýshyny osydan biraz buryn 30 jylǵa bas bostandyǵynan aıyrý jóninde sheshim qabyldanǵan bolatyn. Alaıda keıinnen ol ómir boıy túrmege otyrý jazasyna aýystyrylǵan. Aıyptalýshy áli kúnge deıin óz kinásin moıyndar emes. Sotta keltirgen dálelderinde ol bul áreketine Saýd Arabııasy túr­mesinde ózin qınaý saldarynan barǵanyn kóldeneń tartqan. Alaıda Vırdjınııa apellıasııalyq soty onyń bul ýájin eskerýsiz qaldyrdy. BREND MARKALY MUNAI BAǴASY KО́TERILDI Osydan biraz kúngi máli­met­terge qara­ǵanda, bırjalyq saý­dalardaǵy brend mu­naıy­nyń baǵa­sy 1,59 dollarǵa kóterilip, bar­reline 101,1 dollardy quraǵan. Dál osyndaı baǵa 2008 jyldyń qyr­kúıek aıyn­da belgilengen bolatyn. Sol kezde Nıý-Iork bırjasynda atalǵan munaı­dyń baǵasy birden 8 pa­ıyz kóterilgen edi. Atalǵan munaı túri baǵasynyń qazirgi kezdegi bulaısha kó­terilýin sarapshylar Egıpettegi saıası daǵdarys oqıǵalarymen baılanystyryp otyr. Sebebi, Egıpet aýmaǵyndaǵy Sýesk kanaly munaı tasymaldaýdyń negizgi joldarynyń biri retinde qarastyrylady. Bul jolmen táýligine 2,4 mıllıon barrel munaı tasymaldanady. Egıpettegi daǵdarystyń sozylyp ketýine baılanysty Moller-Maersk kompanııasy bul joldy paıdalanýdan ýaqytsha bas tartqan. INNOVASIIаǴA MÁN BERMEGENDIGI ÚShIN Reseı prezıdenti Dmıtrıı Medvedev el ekonomıkasyn qaıta jań­ǵyrtý jónindegi máselelerge arnalǵan jý­yqtaǵy otyrys­tardyń birinde Reseıdiń memlekettik kom­panııalary ınno­vasııalyq baǵdarlamalardy ázirleý isimen nashar aına­lysyp otyrǵandyǵyn málimdedi. Osyǵan oraı Dmıtrıı Medvedev úkimetke eki aptanyń ishinde iri memlekettik kom­panııalardyń basshylaryn qyzmetten bo­satýǵa deıin tár­tipke shaqyrý shara­laryn qoldaný jóninde tap­syrma berdi. Reseı prezıdenti ınnovasııalyq úderisterge mán bermeı otyrǵan kompanııalar qatarynda «Rosneft», MRSK, «Sovkomflot» jáne «Aeroflot» kompanııalaryn atady. Osy iske baılanysty ol kompanııalardy ǵylymı jańalyqtardy ıgerýge baılanysty jumsalatyn shyǵyndardy arttyra túsýge shaqyrǵan. * * * QYSQA QAIYRYP AITQANDA: Kaırdegi ereýilge qatysýshylardyń sany sońǵy derek kózderiniń málimdeýine qaraǵanda 2 mıllıon adamnan asqan. Ázirge ereýilshiler jınalatyn alańdy Egıpet armııasy tolyq baqylaýynda ustap tur. Búkilálemdik valıýta qory Egıpet ekonomıkasyn qaıta qalpyna keltirýge kómek kórsetetindigin jetkizdi. Bul jóninde qordyń dırektor-bólýshisi Domınık Stross-Kan málimdedi. Internet materıaldary negizinde ázirlendi.