Bıatlon berenderi

Soldatsaıdaǵy bıatlon sta­dıonynda 12,5 km. qashyqtyq bo­ıyn­sha erler arasyndaǵy bıatlon jarysy (izge túsý) bolyp, on­da Azııanyń jeti elinen kelgen 14 sportshy baq synady. «Júzden júırik, myńnan tul­par» degen ras. Alataýdyń aq qar­ly ádemi bókterine serýendeý úshin emes, tek qana jeńiske jetem degen jigermen kelgen on tórttiń arasy­nan Aleksandr Chervıakov mejeli qashyqtyqty 35:42.5 mınótte ba­ǵyn­dyrdy. Sóıtip, aqpannyń ekinshi juldyzy kúni qazaqstandyq sport­shylardyń altyn qorjynyn taǵy bir joǵary deńgeıli medalmen tolyqtyrdy. Sórege ekinshi bo­lyp jetken japon eliniń bıat­lon­shysy Nagaı Djýndjı ekinshi oryndy enshilep, kúmis medalǵa ıe boldy. Úshinshi oryndy qytaı­lyq sportshy Jen Long qanaǵat tutty. Aıta keteıik, Aleksandr Chervıakov – Azıada básekesine Aq­mola oblysy­nyń jurtshylyǵy úki­lep qosqan azamat. Al ol ózine ar­tylǵan senimdi aqtady. Bárekeldi! Biz Soldatsaıdaǵy baspasóz ortalyǵynda Qytaı eliniń Sınhýa aqparattyq agenttiginiń ókili Chjao Iýı degen jas jýrnalıstke jolyǵyp, elimizde ótip jatqan Azıada týraly pikirin sura­ǵany­myzda ol: – Azıada jaqsy uıymdas­ty­ryl­ǵan, kemshilikter de joq deı almaı­myn, biraq olar maıda-shúıdeler ǵana. Tujyryp aıtsam, Qazaq eliniń Qysqy Azıadany ǵana emes, sony­men birge Olımpıada, álem chem­pıonattary sııaq­ty mártebeli ja­rys­tardy da oıdaǵydaı uıymdas­tyrýǵa tabı­ǵa­ty turǵysynan da, ekonomı­ka­lyq jaǵynan da, sport­shy­lary­nyń sheberligi jóninen de tolyq múmkindigi bar, – dedi. – Qytaı, Japonııa sııaqty elder Qazaqstan Azıadasyna óz­deri­niń ekinshi, úshinshi nómirli sportshylaryn jiberdi degen sóz bar. Bul shyndyqqa qanshalyqty janasymdy? Mysaly, búgingi bıatlon jarysyn alaıyq. – Qytaı eli Qazaq Azıadasyna birinshi nómirli sportshylaryn ǵana jiberdi. Biraq keıbir elderde qysqy sport túrlerinen úlken jarystar qatar ótip jatqan­dyq­tan ol jaqqa ketken sportshy­lary­myz da bar. «Syrt kóz synshy». Mine, alyp el – Qytaı jýrnalısiniń pikiri osyndaı. Kósemáli SÁTTIBAIULY.