Sen kimsiń, Zarına?

Azııa oıyndary tanytqan ta­lant­tardyń biri – Zarına Tohtıeva! Qazaqstandyq hokkeıshi áıel­der komandasynyń sapynda tamasha óner kórsetip júrgen sha­býylshy qyz az kúnniń ishinde ózi­niń shyn máninde aty-jóni aıtýǵa turarlyq sheber ekenin dáleldedi. Ásirese, Qazaqstan-Japonııa ara­syn­daǵy kez­­desýdiń jan alysyp, jan berisken qıyn-qystaý eń sońǵy sátinde tamasha sheberlik tanytty. Azıada degen aq qar, kók muz ústindegi jarysty ǵana jazý emes, Azıada degen – el men el, jer men jer, tarıh pen tarıh, adamdar men adamdar arasyndaǵy týystyq, dos­tyq, mahabbat ta­qyrybyn da qoz­ǵaı­tyn qolaıly sát. Mine, biz de osy mezetten bastap «Ta­­lantty arý Zarına Tohtıeva kim bol­dy eken?» dep «bas qatyrýmen» bol­­­dyq. «Tatar qy­zy bolýy kerek» degen joramal, nege ekeni belgisiz, oıy­ma birinshi oraldy. Biraq Qor­ǵan­bek degen aqyn kókem «Uı­ǵyr­lar­dyń famılııasyna uqsaı­dy» dep, nyǵyrlady. Sodan Shym­­bu­laq­taǵy baspasóz ortaly­ǵy kom­pıý­terleriniń birine oty­ryp, Zarına Tohtıeva týraly má­li­met izdeýge kiristim. Biraq bas­pasóz ortaly­ǵy­nyń málimet­ter qory tym mar­dym­syz bolyp shyq­ty. О́mirbaıa­ny múl­de joq. Tapqanym «Zarına Týhtıeva. 1987 jyly 18 maý­sym­da týǵan. Boıy­nyń uzyndyǵy 167 sm, salmaǵy 64 kg.» degen úsh aýyz sóz. Sýreti de berilgen eken, aq sary­nyń na­ǵyz áde­misi. Mundaı qyz­dar, negizinen, qa­zaq, uı­ǵyr jáne tatar ultynda kóbirek kezdesedi. Sosyn shaı­baly hokkeı­diń «sha­ıyn iship, maıyn jep» júrgen tilshimiz Baq­tııar Taıjan birdeńe biler dep telefon shalyp em, ol: «Zarına ma, ol tatar qyzy ǵoı» dedi senimdi únmen. Aıtpaqshy, Azıada baspasóz ortalyǵy kompıýteriniń «qory­nan» tabylǵan Z. Tohtıeva týra­ly qysqa ǵana málimette «Ulty» degen jazý da bar bolatyn. Sol tusqa Qazaqstan týynyń sýreti salynyp, aǵylshyn tilinde «Kaz» dep jazylypty. Ishim jy­lyp qal­dy. О́te durys, óıtkeni Azıada jalaýy astynda Qazaq­stan atynan jarysqa túsken saıyp­qyran­dar­dyń bárin bir-aq aýyz sózben «Qazaq» nemese «Qa­zaq­tar» deımiz. Sheteldik jýrnalıster de otan­daryna jibergen re­portaj­darynda «Qazaq shań­ǵy­shysy Dmı­r­tıı Kosh­kın», «Qa­­zaq­tyń hokkeıshi qy­zy Zarına Tohtıeva» dep aıqaılap ja­tyr emes pe. Endeshe, bizge ne joryq. Saıyp kelgende, munyń bári tili, dini, dili bir halyqtyń bir-birine degen týysqandyq ma­habbatynan týyn­dap jatqan sezim. Áıtpese, qazaq sporty men qazaq sport­shylary degende Qazaq­standy mekendeıtin búkil ult pen ulysty «Qazaq» dep uǵynyp, «Qazaqtar, alǵa!» dep uran­datý birte-birte qalyptasyp keledi. Alǵa, Qazaqtar! Kósemáli SÁTTIBAIULY.