Japonııada sońǵy bir aptanyń ishinde aptap ystyqtan 880 adam aýrýhanaǵa tústi. Málimetter boıynsha olardyń jartysyna jýyǵy 65 jastan joǵary adamdar. Al osy jyldyń 25 sáýirinen búginge deıin 4 myńnan astam el turǵyny zardap shegip, 1 adam qaıtys boldy.
Japonııanyń ortalyǵynda ystyq aýa raıy birneshe apta buryn tirkelgen. Qazirgi tańda termometr kúndiz 30 gradýs Selsııden joǵaryny kórsetip tur.
Maýsym aıynyń basynda ońtústik jáne ortalyq aımaqtarda jańbyrly maýsym bastalǵan. Osynyń saldarynan aptap ystyqpen qatar aýa dymqyldyǵy da artty. Meteorolog mamandarynyń boljamy boıynsha, bul jaz óte ystyq bolady. Al dárigerler el turǵyndaryna kún astynda kóp júrmeýge keńes berdi.
Aıta keteıik, ótken jyly Kúnshyǵys elinde aýa raıynyń qolaısyzdyǵynan 100-den astam adam qaıtys bolyp, 53 myńǵa jýyǵy aýrýhanaǵa jatqyzylǵan.
Aıan Ábdýálı.
Derek: TASS.
Foto: meteovesti.ru.