Juldyzdaı aqqan júırikter

Qysqy sport túrleriniń ishinde jeńimpazdardyń taǵdyryn se­kóntter sheshetin jarystyń biri kon­kımen syrǵanaý ekeni belgili. Keshe Astanadaǵy Konkımen syr­ǵa­­naý jabyq stadıonynda sport­tyń osy túrinen ótken 500 metrlik qa­shyqtyqtaǵy básekede jeńim­pazdar men júldegerler anyqtal­dy. Mun­da atalǵan jarys boıyn­sha úsh már­te Azııa rekordy tirkeldi. О́kinishke oraı, bul synda jerlesterimiz júl­deli oryndardan kóri­ne almady. Konkımen syrǵanaý stadıo­nyn­da baq synaǵan Azııanyń saıyp­qyrandary birinshi áıelder arasyn­daǵy jarysty qorytyndylady. On myń adam sııatyn stadıonǵa ar­ty­nyp-tartynyp barǵan jergilikti jan­kúıerler olarǵa dem berip otyr­dy. Bul qashyqtyqtaǵy jarys­ta áıelder arasynda qytaı qyz­daryna teń keler eshkim bolmady. Muz aıdynynda qustaı ushqan qy­taılyq qyz Iý Djın óziniń otanda­sy Van Beısınniń 2007 jyly qańtarda kór­set­ken rekordyn 0,17 sekóntke jańa­lap, birinshi júgirýde 37,85 sekónt nátıje kórsetti. Al jalpy esepte ol V.Beısınge tıesili rekordty 0,01 sekóntke jańalap, 76,09 sekónt ná­tı­jesinde Aq Azıa­danyń altyn alqasyn taqty. Kúmis medal Van Beısınge buıyrdy. Ol otandasyna 0,44 sekóntke jol berdi. Aıtýly dodadaǵa júldegerler úshtigin Ońtús­tik Koreıadan kelgen sportshy Lı San Hýa qory­tyn­dylady. Erler arasyndaǵy jarys joly jankúıerlerdi tek jelpindirýmen boldy. Birinshi júgiriste japondyq jampoz Kato Djodjı osydan tórt jyl buryn ornaǵan qurlyqtyq re­kortty jańartty. Ol jarystyq qa­shyqtyqty 35,02 sekóntte syrǵyp ótip, ekinshi júgiriste álgi nátıje­sin taǵy 0,04 sekóntke jaqsartty. Qos júgiristiń qorytyndy esebi boıynsha Kato Djodjı Azıadanyń altyn alqasyn ıelendi. Ol ońtús­tik­koreıalyq sportshy Lı Kan Seoktan 0,35 sekóntke ozdy. Al úshinshi tuǵyrǵa Kato Djodjıdiń jerlesi Nagashıma Keıchıro kóterildi. Jarystyń qyzyqty ótýine oǵan tileýles jurttyń kóptep dem berýi eke­nin osy jarysty tamashalaýda ta­ǵy bir kóz jetkizdik. Ja­pondyq jam­­­pozdardyń jankúıer jurty jan-tán­derimen ja­laý­laryn ustap, uran­dap turǵan­da­ryn kórgen­de erekshe rıza bolasyń. Sportty qaı túrinen bolma­syn, qadir­leýge baryn salatyn japon­d­yq jan­kúıerlerdiń sportshy­laryn jigerlendirip oty­rýy jıyl­ǵan jurt­ty tamsan­dyrmaı qoımaı­dy. Olar jankúıerliktiń na­ǵyz úlgi­sin kór­setti bizge osy oıyn barysynda. Jal­py, qysqy sport túri aıtýǵa da, óner kórsetýge de ońaı emes. Onyń ústine Azııanyń azýyn aı­ǵa bilegen has júırikteri kelip otyrǵa­nyn eskersek, júlde alý­dyń qansha­lyq­ty júgi aýyr ekenin anyq baıqaısyz. Ábdirahman QYDYRBEK.