Keshe Qazaqstan Respýblıkasy Parlamenti Májilisiniń Tóraǵasy, «Nur Otan» HDP Parlament Májilisindegi fraksııasynyń jetekshisi Oral Muhamedjanovtyń tóraǵalyǵymen fraksııa tóralqasynyń otyrysy ótti, dep habarlady palatanyń baspasóz qyzmeti.
Onda «El Prezıdentiniń 2011 jylǵy 28 qańtardaǵy «Bolashaqtyń irgesin birge qalaımyz» atty Qazaqstan halqyna Joldaýynda júktelgen mindetterdi oryndaý boıynsha «Nur Otan» HDP Qazaqstan Respýblıkasy Parlamenti Májilisindegi fraksııasynyń is-sharalary týraly» másele qaraldy.
Sonymen qatar, tóralqa músheleri atalǵan másele jáne «Nur Otan» halyqtyq-demokratııalyq partııasynyń 2020 jylǵa deıingi jańa baǵdarlamasynyń jobasyn talqylaý boıynsha ótetin aldaǵy jınalysqa daıyndyq barysyn da qarastyrdy.
Tóralqa músheleri, sondaı-aq fraksııa músheleriniń «Nur Otan» HDP-nyń 11 aqpanda ótetin HIII seziniń jumysyna qatysýy jáne depýtattardyń respýblıka óńirlerine jasaıtyn aldaǵy saparlary týraly máselelerdi de talqylady.