Bizdiń elde tań araıly, kún ashyq,
Otanymnyń abyroıy tur asyp.
Jańa Joldaý, Azıada dodasy,
Jańalyqtar jatyr kúnde ulasyp.
Talmaý úshin alǵandaımyz tyń talap,
Samǵaý úshin jaıǵandaımyz myń qanat.
Bizde búgin bar jańalyq bastaýy,
Bizge búgin búkil dúnıe tur qarap.
Elde birlik, yntymaq, baq ornady,
Eńkeımeıdi kók týymyz qoldaǵy.
Janymyzǵa shýaq bergen, nur bergen,
Elbasynyń árbir jańa Joldaýy.
Jańa Joldaý appaq jańa jaýǵan qar,
Jańa baǵyt, jańa talap, taldaýlar.
Senim men kúsh, jiger, qaırat, qulshynys,
Úmit, tilek, san bıikke samǵaýlar.
Júrekterge bergen qýat, jylýyn,
Elbasy men el tilegi bir uǵym.
Jańa Joldaý jańa jarqyn bolashaq,
Jańa tabys, jańa shyǵar bıigim.
Kóp úmitti uıalatqan kóńilge,
Jańa Joldaý jańa órleý elimde.
Aldymyzda júr Elbasy jarqyldap,
Adal árkez sertine de senimge.
Qadamymyz alǵa basqan talmasyn,
Jaqsylyqtar taba bersin jalǵasyn.
Bar baqyttyń, berekeniń bastaýy,
Elim tynysh, bolsyn aman Elbasym.
Mahmutbaı ÁMIREULY, Qazaqstan Jazýshylar odaǵynyń múshesi.
Qyzylorda.