Ǵylym sapasy – memleket bolashaǵy

Qarashańyraq QazUÝ-dyń oqytýshy-pro­fes­sorlar qu­ramy men belsendi stýdentteri Elba­synyń Joldaýyn tal­qylap, óz kózqarastarymen bólisken bo­la­tyn. Negizinde Joldaýdyń áleý­mettik jaǵdaıyna erekshe kóńil bólindi. Bilim berý, den­saýlyq saqtaý, tilderdi damytý, IJО́, taza aýyz sýmen qam­ta­masyz etý jáne t.b. máse­le­ler­diń sheshim tabýy ár qazaq­standyq úshin asa mańyzdy. Ál-Farabı atyndaǵy QazUÝ rek­to­ry Ǵalymqaıyr Mutanov El­ba­synyń joo-ǵa qoıǵan basty ta­lap­taryn alǵa tartty. Joldaý negizinde eki ýnıversıtet dúnıe júzi boıynsha úzdik joo reı­tıngi­niń quramyna kirýi kerek. joo-nyń 5 paıyzy ın­novasııalyq qyz­metti atqara oty­ryp, óndi­ris­ke ǵylymı jańa­lyq­tardy engizse, 30 paıyzy halyq­aralyq stan­darttarǵa saı akkredıtasııadan ótýi tıis. «Biz bar bilgenimizdi jınaqtaı otyryp, Elbasy Jol­daýynda qoıyl­ǵan talaptarǵa jaýap berýge tyry­sa­myz», dedi rektor óziniń sózinde. Ǵylymı zertteýlerdiń nátı­jele­ri memlekettiń ekonomıkalyq jaǵ­daıyn qalyptastyryp, sura­nystar boıynsha óndiriste qol­danylýy tıis jáne qoǵam úshin paıdaly bolǵany jón. Al sapaly bilim berý júıesi Qazaqstannyń ındýstrııalyq jáne ınnovasııa­lyq salasyn damytýshy qural retinde árdaıym alda júrýi kerek, dedi qatysýshylar. Joldaýǵa qoldaý kórsetý maq­satynda ýnıversıtettiń barlyq fakýltetteri men kafedra­laryn­da stýdentter men oqytýshylar arasynda belsendi túrde talqylaý ótip jatyr. Aınash ESALI. Almaty.