Astana kúnine oraı «Ashyq esik kúnderi» ótedi

Astana kúnine oraı elordadaǵy Qazaqstan Respýblıkasynyń Tuńǵysh Prezıdenti – Elbasynyń kitaphanasynda «Ashyq esik kúnderiniń» onkúndigi ótedi. Táýelsizdigimizdiń 25 jyldyǵy men Astana qalasynyń 18 jyldyǵyn aıshyqty atap ótý maqsatymen uıymdastyrylyp jatqan baǵdarlamada 5 kórme zaly bolady. Mundaı málimetter Elbasy kitaphanasynyń atqarýshy dırektory  Beısembaı Jumabekov pen Geosaıasat jáne aımaqtyq zertteý­ler qyzmetiniń jetekshisi Erjan Sal­tybaev jáne Jurtshylyqpen baılanys qyzmetiniń jetekshisi Oksana Loskýtovanyń qatysýymen ótken Ortalyq kommýnıkasııalar qyzmetindegi brıfıng barysynda aıtyldy. Kitaphana dırektorynyń aıtýynsha, qyzmetkerler «Ashyq esik kúni» aıdarymen on kún boıy qala turǵyndary men qonaqtarynyń nazaryna bes baǵyt boıynsha arnaıy kórme zalyn jabdyqtaǵan. «Atap aıtqanda, fotoderekti mu­raǵat kórmesine Memleket basshy­synyń ómiri men qyzmeti arqaý etilgen. «Elbasy álemi: Tulǵa. Saıa­satker. Jasampaz» kór­me­si­niń avtorlary Qazaqstan Res­pýb­­lıkasynyń Tuńǵysh Prezı­den­tin – Elbasyn tulǵa, álemdik deń­geıdegi saıasatker, eldiń qoǵam­dyq-saıası jáne áleýmettik-eko­no­mıkalyq ómirindegi kóregendi jáne jasampaz ózgeristerdiń bastamashysy, jetekshisi jáne qatysýshysy retinde sıpattaıtyn túpnusqalyq tarıhı qujattardy usynady. Al «Estelikke qoltańba» kórmesi shetel memleketteri basshylarynyń, tanymal tulǵalardyń Elbasynyń atyna syıǵa usynǵan sýretterimen erekshelenedi. Sonymen qatar, ekspozısııada biregeı 40 fotoqujat qamtylǵan», deıdi B. Jumabekov. Mamandar pikirine súıensek, qalǵan úsh kórme Astana taqy­ry­byna arnalǵan. «Astana bola­shaǵy – balalar kózimen» taqyry­byndaǵy kórmede ulttyq máde­nıettiń damý tarıhyna arnalǵan bal­ǵyn­dardyń sýretteri pash etiledi. Jasóspirimderdiń sheber­ligin shyńdaý maqsatynda Sýret­shiler odaǵynyń múshesi Aman­jol Mýsalımov pen Álisher Bes­palınovtiń arnaıy dárisin  uıym­dastyrý da josparlanǵan. Al «Eý­razııa júreginde» atty fotokórmede Jýrnalıster odaǵynyń múshesi Aleksandr Parhomenkonyń As­tana qalasyndaǵy ǵajaıyp kóri­nisteri beınelengen 60 fotosýret jurtshylyq nazaryna usynylmaq eken. Nurlybek DOSYBAI, «Egemen Qazaqstan»