Úkimet baqylaýynda

Qazaqstan Premer-Mınıstri Kárim Másimov Qaraǵandy obly­synda kúıdirgi (Sibir ja­ra­sy) aý­rýy­nyń taralýyna qatysty jaǵ­­daı­dy kúndelikti baqylaýǵa aldy. Búgin UEM Tuty­ný­shy­­­lardyń quqyq­taryn qor­­ǵaý komıteti  tóraǵa­sy­nyń oryn­basary – Bas mem­­­lekettik sanıtar­lyq dá­ri­g­eri Jandarbek Bek­shın óziniń kezekti baıanda­ma­synda «sońǵy táýlikte Er­­kindik aýyly turǵyn­dary­­nyń arasynda kúıdirgi aý­­rýyn juqtyrǵan oqıǵa tir­­­kel­megenin» atap kór­setti. Sonymen qatar, arnaıy shtab jumys isteýde, aýylda karantın jarııalandy. «Bul aýyldan mal basy men azyq-túlik ónimderin syrtqa shyǵarýǵa tyıym salyndy. Jaǵdaı baqylaýda. Úı-jaılar jáne kúıdirgini juqtyrǵan naýqastarmen qarym-qatynas jasaǵan adam­dardyń túgeli anyqtal­dy, hımııalyq jáne dárilik joldarmen indetke qarsy emdik sharalar júrgizilip ja­tyr», – dedi bas sanı­tarlyq dáriger. Baıandama qorytyndysy boıynsha Kárim Másimov Ulttyq ekonomıka, Aýyl sharýashylyǵy mınıs­tr­likterine jergilikti organdarmen birlesip, juqpaly indetten turǵyndardy qor­ǵaý jumystaryn kúsheıtýdi tapsyrdy. «Birinshiden, aýrýdyń ári qaraı taralýyna jol ber­meı, turǵyndardyń qaýip­sizdigin qamtamasyz etý qajet. Ekinshi mindet – eli­mizde mundaı oqıǵalardyń bolmaýy úshin bizge keshendi is-sharalar kerek. Bul máse­leni sizge turaqty baqy­laýda ustaýdy tapsyramyn», – dedi K.Másimov. Premer-Mınıstr ke­lesi aptada Qaraǵandy oblysyna jumys saparymen baryp, jaǵdaımen tanysatynyn aıtty. Bul másele boıynsha arnaıy jumys keńesi ótetin bolady. Esterińizge sala keteıik, 19 – 22 maý­sym aralyǵynda Qaraǵandy oblysy Shet aýdany Erkindik aýylynda kúıdirgi aýrýyn juqtyrdy degen kúdikpen toǵyz adam aýrýhanaǵa jatqyzylǵan, olardyń ekeýi qaıtys boldy. Indettiń juǵýyna aýrý maldyń eti sebep bolǵan, dep habarlady Premer-Mınıstrdiń baspasóz qyz­meti.