Keshendi testileýge ótken jyldardaǵy jalpy orta bilim berý (orta jalpy) uıymdarynyń bitirýshileri, tehnıkalyq jáne kásiptik bilim berý uıymdarynyń bitirýshileri, halyqaralyq oqýshylarmen almasý jelisi boıynsha shetelde oqyǵan oqýshylar, oqytý tili qazaq jáne orys tilderinde emes jalpy bilim beretin mektep bitirýshileri, respýblıkalyq mýzyka mektep-ınternattarynyń bitirýshileri, sondaı-aq oqý ornyn shetelde bitirgen tulǵalar qatysady.
Keshendi testileýge qatysý úshin ótinishter 20 maýsym men 9 shilde aralyǵynda joǵary oqý oryndarynyń qabyldaý komıssııalarymen qabyldaý júrgiziledi.
Testileýge qatysýǵa ótinish berý úshin joǵary oqý oryndarynyń qabyldaý komıssııasyna tómendegideı qujattardy usyný qajet:
* bekitilgen nysandaǵy blanktegi ótinish;
* jalpy orta (jalpy orta), tehnıkalyq jáne kásiptik (bastaýysh jáne orta kásiptik, orta bilimnen keıingi) nemese joǵary bilimi týraly qujat (túpnusqa);
* testileýdi ótkizý úshin tólengeni týraly túbirtek;
* 3x4 kólemindegi 2 fotosýret;
* 086-Ý nysanyndaǵy medısınalyq anyqtama;
*jeke basyn kýálandyratyn qujattyń kóshirmesi.
Talapkerlerdiń keshendi testilenýine qatysý úshin tólem 2242 teńgeni (qosymsha qun salyǵyn qosa eseptegende) quraıdy jáne tólemdi talapkerler Qazposhta nemese Qazaqstan Halyq Bankiniń bólimsheleri arqyly tóleı alady.
Ulttyq testileý ortalyǵynyń rekvızıtteri:
RGKP «Nasıonalnyı sentr testırovanııa» MON RK
010011 g. Astana, pr. Pobedy,60
RNN 600300086081
BIN 000140001853
IIK KZ536010111000001515
BIK HSBKKZKX KBE 16
AO «Narodnyı Bank Kazahstana».
Keshendi testileý 17-23 shilde aralyǵynda 43 testileý ótkizý pýnktiniń bazasynda (bazalyq joǵary oqý oryndary), onyń ishinde 3 óner ulttyq JOO jáne 3 Qazaqstan Respýblıkasy Ishki ister mınıstrligine qarasty JOO-da ótkiziledi.
Keshendi testileý túsýshilerdiń qalaýy boıynsha qazaq nemese orys tilderinde orta bilim berýdiń oqý baǵdarlamalary kóleminde tórt pán: memlekettik nemese orys tili (oqytý tili), Qazaqstan tarıhy, matematıka jáne tańdaý páni boıynsha ótkiziledi.
Árbir pán boıynsha test tapsyrmalarynyń sany – 25. Árbir test tapsyrmasynyń durys jaýaby bir balmen baǵalanady. Keshendi testileýge 2 saǵat 30 mınýt bólinedi.
Keshendi testileýdiń nátıjeleri tapsyrylǵan kúni kópshilik nazaryna aqparattyq taqtalarda jáne Ulttyq testileý ortalyǵynyń www.testcenter.kz saıtyna ilinedi.
QR BǴM «Ulttyq testileý ortalyǵy» RMQK