2016 jylǵy 22 qańtar, Astana qalasy
«Azamattarǵa arnalǵan úkimet» memlekettik korporasııasynyń
qyzmeti qaǵıdalaryn bekitý týraly
«Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasy Zańynyń 9-1-babynyń 1) tarmaqshasyna sáıkes, buıyramyn:
1. Qosa berilip otyrǵan «Azamattarǵa arnalǵan úkimet» memlekettik korporasııasynyń qyzmeti qaǵıdalary bekitilsin.
2. Mynalardyń:
1) «Halyqqa qyzmet kórsetý ortalyqtary qyzmetiniń qaǵıdalaryn bekitý týraly» Qazaqstan Respýblıkasy Kólik jáne kommýnıkasııa mınıstriniń 2013 jylǵy 19 maýsymdaǵy № 463 buıryǵynyń (Normatıvtik quqyqtyq aktilerdi memlekettik tirkeý tizilimde № 8527 bolyp tirkelgen, «Egemen Qazaqstan» gazetinde 2013 jylǵy 23 qazandaǵy № 237 (28176) jarııalanǵan;
2) «Halyqqa qyzmet kórsetý ortalyqtary qyzmetiniń qaǵıdalaryn bekitý týraly» Qazaqstan Respýblıkasy Kólik jáne kommýnıkasııa mınıstriniń 2013 jylǵy 19 maýsymdaǵy № 463 buıryǵyna ózgerister engizý týraly» Qazaqstan Respýblıkasy Investısııalar jáne damý mınıstriniń mindetin atqarýshynyń 2014 jylǵy 26 jeltoqsandaǵy № 303 buıryǵynyń (Normatıvtik quqyqtyq aktilerdi memlekettik tirkeý tizilimde № 10049 bolyp tirkelgen, «Egemen Qazaqstan» gazetinde jarııalanǵan 2015 jylǵy 16 sáýirdegi № 69 (28547) jarııalanǵan kúshi joıyldy dep tanylsyn.
3. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (T.B. Qazanǵap):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq
túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap on kúntizbelik kún ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq akparat ortalyǵyna jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 3-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
4. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
5. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń, biraq 2016 jyldyń 1 naýryzynan buryn emes qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV
Qazaqstan Respýblıkasy Investısııalar jáne damý mınıstriniń
2016 jylǵy 22 qańtardaǵy №52 buıryǵymen bekitilgen
«Azamattarǵa arnalǵan úkimet» memlekettik korporasııasynyń qyzmeti qaǵıdalary
1. Jalpy erejeler
1. Osy «Azamattarǵa arnalǵan úkimet» memlekettik korporasııasynyń qyzmeti qaǵıdalary (budan ári – Qaǵıdalar) «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy (budan ári - Zań) 9-1-babynyń 1-tarmaqshasyna sáıkes ázirlendi jáne «Azamattarǵa arnalǵan úkimet» memlekettik korporasııasy» kommersııalyq emes aksıonerlik qoǵam (budan ári - Memlekettik korporasııa) qyzmetiniń tártibin aıqyndaıdy.
2. Memlekettik korporasııa «bir tereze» qaǵıdaty boıynsha jeke jáne (nemese) zańdy tulǵalarǵa memlekettik qyzmetter kórsetý, jeke jáne zańdy tulǵalardyń mindetti memlekettik tirkeýine jatpaıtyn jyljymaly múlik kepilin tirkeý, ǵımarattardy, qurylystardy jáne (nemese) olardyń quramdastaryn tehnıkalyq zerttep-qaraý, memlekettik jer kadastryn júrgizý, zeınetaqymen jáne áleýmettik qamsyzdandyrý salasynda qyzmetin júzege asyratyn biryńǵaı provaıder bolyp tabylady.
3. Qaǵıdalarda qoldanylatyn uǵymdar Zańǵa sáıkes maǵynalarda paıdalanylady.
4. Memlekettik korporasııa Zańmen, Qazaqstan Respýblıkasynyń ózge zańdarymen, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń akttilerimen kózdelgen ókilettikterdi jáne qyzmetter túrin júzege asyrady.
2. Memlekettik korporasııa qyzmetiniń tártibi
5. О́tinishterdi qabyldaý jáne memlekettik qyzmetterdiń daıyn nátıjelerin berý Memlekettik korporasııa arqyly 2015 jylǵy 23 qarashadaǵy Qazaqstan Respýblıkasynyń Eńbek kodeksine sáıkes, jeksenbi jáne merekelik kúnderden basqa, dúısenbiden senbini qosa alǵanda, saǵat 9.00-dan 20.00-ge deıin úzilissiz, júzege asyrylady.
6. Memlekettik korporasııamen kórsetiletin memlekettik qyzmetterdiń tizimi Qazaqstan Respýblıkasy Úkimetiniń 2013 jylǵy 18 qyrkúıektegi № 983 qaýlysymen bekitilgen Memlekettik kórsetilgen qyzmetter tizilimimen aıqyndalady.
7. Memlekettik korporasııamen memlekettik qyzmetterdy kórsetý tártibi Zańǵa sáıkes ýákiletti memlekettik organdarmen bekitilgen memlekettik kórsetiletin qyzmetter standarttarymen jáne reglamentterimen aıqyndalady.
8. Qujattardy qabyldaý jáne daıyn qujattardy berý elektrondy kezek tártibinde júzege asyrylady.
Jumys oryndary Memlekettik korporasııa qyzmetkerleriniń tegi, aty, ákesiniń aty (ákesiniń aty bar bolǵanda) jáne laýazymy kórsetilgen taqtaıshalarmen jabdyqtalady.
9. Memlekettik qyzmetti Memlekettik korporasııa arqyly kórsetý kezinde kórsetiletin qyzmetti alýshynyń tulǵasyn sáıkestendirýdi Memlekettik korporasııa qyzmetkerleri júzege asyrady.
10. Memlekettik qyzmetterdi kórsetýdi qamtamasyz etý maqsatynda Memlekettik korporasııa «Aqparattandyrý týraly» 2015 jylǵy 24 qarashadaǵy Zańyna jáne Zańǵa sáıkes Qazaqstan Respýblıkasynyń memlekettik qyzmetterdi kórsetý úshin qajetti málimetterdi saqtaıtyn, aqparattyq júıelerden málemetter bar bolǵan kezde olardy alady.
Memlekettik korporasııa qyzmetkerleri memlekettik qyzmetterdi kórsetý kezinde, eger Zańmen ózgeshe kózdelmese, aqparattyq júıelerde saqtalatyn, zańmen qorǵalatyn qupııany quraıtyn málimetterdi paıdalanýǵa kórsetiletin qyzmetti alýshynyń jazbasha kelisimin alady.
11. Elektrondyq nysanda memlekettik qyzmetterdi usyný Zańǵa sáıkes júzege asyrylady jáne memlekettik kórsetiletin qyzmetter standarttarymen jáne reglamentterimen retteledi.
12. Memlekettik korporasııa arqyly memlekettik qyzmetti elektrondy nysanda kórsetý kezinde kórsetiletin qyzmetti alýshynyń jazbasha ruqsaty negizinde onyń elektrondy qujat nysanyndaǵy suranýy Memlekettik korporasııa qyzmetkeriniń oǵan qyzmettik maqsatta paıdalaný úshin berilgen elektrondyq sıfrlyq qoltańbasymen kýálandyrylady.
13. Memlekettik korporasııanyń úı-jaılary vızýaldy baqylaý úshin foto jáne beınekameralar kómegimen jabdyqtalýy múmkin. Beınekameralar júıesi bolǵan jaǵdaıda, kire beriste beınebaqylaý júıesi bar ekeni týraly eskertetin mańdaısha ilinedi.
14. Memlekettik korporasııa qyzmetti kórsetý, memlekettik qyzmetti alý týraly azamattardy aqparattandyrý, sondaı-aq máseleleri boıynsha azamattarǵa keńes berý úshin memlekettik kórsetiletin qyzmetter standarttaryn ornalastyrýdy qamtamasyz etedi.
15. Memlekettik korporsııa ózine-ózi qyzmet kórsetý sektorynyń jumys isteýin qamtamasyz etedi, onda «elektrondyq úkimettiń» veb-portaly servısterin paıdalaný jáne elektrondyq sıfrlyq qol tańbaly paıdalaný máseleleri boıynsha konsýltasııa berý, sondaı-aq, azamattarǵa «elektrondyq úkimettiń» veb-portaly arqyly kórsetiletin ózine-ózi memlekettik qyzmetti alý múmkindigi beriledi.
16. Memlekettik korporasııa:
melekettik qyzmetti kórsetý tártibi týraly kórsetiletin qyzmetti alýshyǵa qol jetimdi nysanda, onyń ishinde, kózi jáne (nemese) estýi buzulǵan adamdarǵa qol jetimdilikti eskere otyryp aqparattandyrýdy qamtamasyz etedi;
Memlekettik korporasııa qyzmetkerlerin múgedektermen (dene qımyly) ıkemdi tildesý úshin oqytýlar júrgizedi;
múgedekterdiń kedergisiz teńdeı memlekettik kórsetiletin qyzmetterge qol jetkizý sharalaryn qabyldaıdy.
17. Memlekettik korporasııaǵa ótinish berý aldynda ótinish berýshi nemese onyń ókili 1994 jylǵy 27 jeltoqsandaǵy Qazaqstan Respýblıkasynyń Azamattyq kodeksine sáıkes (budan ári - Azamattyq kodeks) jáne basshy kýálandyratyn qujatty usynady, ótinish berýshi ókili onyń ókilettigin rastaıtyn qujatty qosymsha usynady.
Bul rette memlekettik qyzmetterdi kórsetý monıtorıngisiniń aqparattyq júıesindegi (budan ári - MAJ) ótinish berýshi týraly derekterde senimdi tulǵa jónindegi derekter tirkeledi.
18. Memlekettik korporasııa qyzmetkeri kórsetiletin qyzmet alýshynyń ótinishin Zańǵa sáıkes memlekettik kórsetiletin qyzmetter standarttarynda kózdelgen tizbege sáıkes Memlekettik korporasııa qyzmetkeri ótinish berýshi memlekettik kórsetiletin qyzmetterdi alý úshin júgingen kezde onda qujattardyń tolyq paketi bar bolǵan kezde qabyldaıdy.
MAJ-de aldyn-ala tolyqtyrý iske asyrylǵan (ótinishtiń avtomatty qalyptastyrýy) memlekettik kórsetiletin qyzmetterdi qospaǵanda, kórsetiletin memlekettik qyzmetter boıynsha ótinishterdi, blankterdi toltyrýdyń tolyqtyǵyn tekserdi;
ótinishke qol qoıǵan tulǵanyń jeke basyn sáıkestendiredi;
memlekettik kórsetiletin qyzmetter standarttarynde belgilengen, tıisti mindetti tólemderdi bıýdjetke engizgenin rastaıtyn, qujattardyń bar bolýyn jáne rekvızıtterin tekseredi;
ótinish berýshi týraly tıisti aqparatty jáne tapsyrylǵan qujattardyń tizimin MAJ-ǵa engizedi;
ótinish berýshiden qabyldanǵan qujattardy tizbesi, ótinishti qabyldaǵan qyzmetkerdiń tegi, aty jáne ákesiniń aty (bar bolǵan kezde), ótinish berý kúni men ýaqyty, sondaı-aq daıyn qujattardy berý kúni kórsetiletin tıisti qujattardy qabyldaý týraly MAJ ıelengen shtrıh-kodymen qolhatty beredi;
kórsetiletin qyzmetti alýshy memlekettik kórsetiletin qyzmetter standarttarymen kózdelgen tizbege sáıkes qujattardyń tolyq emes paketin usynǵan jaǵdaıda, Memlekettik korporasııa qyzmetkeri ótinishti qabyldaýdy bas tartady jáne joq qujatty kórsete otyryp, qolhat beredi;
qolhatta kórsetilgen merzimde ótinish berýshilerge qujattardy beredi;
Memlekettik korporasııa basshylyǵyn, Memlekettik korporasııanyń tıisti fılıaldarynyń aýmaǵynda ózine belgili bolǵan tártip pen zańnyń barlyq buzýshylyqtary týraly habardar etedi;
MAJ-de ýákiletti organdarǵa qujattardy tapsyrý, ýákiletti organdardan qabyldaý, qujattardy berý sektoryna tapsyrý jáne ótinish berýshige qujattardy berý boıynsha is-qımyldardy (shtrıh-kodty skanerleý ádisimen) belgileıdi.
19. О́tinishterdi qabyldaý jáne qujattardy berý Memlekettik korporasııa qyzmetkerlerimen ótinish berýshiniń nıeti boıynsha qazaq jáne orys tilderinde júzege asyrylady.
20. Aldyn ala, qujattardy tapsyrǵanǵa deıin, Memlekettik korporasııa konsýltanttary ótinish berýshilerge quqyqtary men mindetterin túsindiredi, qyzmetterdi kórsetý talaptarymen tanystyrady, qajetti qujattar toptamasyn qalyptastyrýǵa kómek kórsetedi jáne ótinishterdiń blankilerdiń durys toltyrylýyn tekseredi.
О́tinish berýshilerdiń nıeti boıynsha MAJ-dan kórsetiletin qyzmetterdi alýǵa qajetti qujattardyń tizbesi basyp shyǵarylady.
21. Kórsetiletin qyzmetti alýshynyń ótinishi boıynsha Memlekettik korporasııa kyzmetkeri kórsetiletin qyzmetti alýshy memlekettik kórsetiletin qyzmetter standarttarynde kózdelgen jaǵdaıda, usynalǵan qujattyń túpnusqasy bar qujatty elektrondyq kóshirmesin kýálandyrady.
22. Operasııalyq zaldan qabyldanǵan qujattardy (eger bar bolsa, qujattar toptamasyn) jınaýdy kestede belgilengen ýaqytta jınaqtaý sektorynyń qyzmetkeri (mamany) júzege asyrady.
Jınaqtaý sektoryna kelip túsken ótinishter (eger bar bolsa, qujattar toptamasyn) baǵyttary boıynsha qalyptastyrylady, qolhattaǵy shtrıh-kodty skanerleý jolymen MAJ-de belgilenedi.
23. Memlekettik korporasııa ótinish berýshilirdiń MAJ-de belgilengen memlekettik qyzmetterdi kórsetý sapasyn baǵalaý múmkindikterin qamtamasyz etedi.
24. Daıyn qujattardy berýdi Memlekettik korporasııanyń jumys kestesine sáıkes, qolhattyń negizinde alý, belgisi bar jeke basyn kýálandyratyn qujattardy kórsetken kezde júzege asyrylady.
О́tinish berýshiniń ókili Azamattyq kodekske sáıkes onyń ókilettigin rastaıtyn senimhatty qosymsha usynady.
Memlekettik korporasııa ótinish berýshige qabyldanǵan sheshimder týraly, zeınetaqy tólemderi, járdemaqylar, bir rettik jáne ózge de tólemder týraly sms-habarlar berý arqyly uıaly telefonǵa habarlaıdy.
25. О́tinish berýshi (ókildiń) júginbeýine baılanysty ýaqtyly berilmegen qujattar bir aı ishinde Memlekettik korporasııada saqtalady, atalǵan merzim aıaqtalǵan soń zeınetaqy tólemderin, járdemaqylardy, bir rettik jáne ózge de tólemderdi, sondaı-aq 18 jasqa tolmaǵan balalarǵa beriletin memlekettik járdemaqyny, mekenjaılyq áleýmettik kómekti taǵaıyndaýǵa arnalǵan qujattardan basqa, alynbaǵan qujat retinde kórsetiletin qyzmetti berý qaıtarylady.
Memlekettik korporasııa Qazaqstan Respýblıkasy azamattarynyń tólqujattaryn, jeke kýálikterin bir jyl ishinde saqtaýdy, ýaqytsha kýálikterdi merzimi aıaqtalǵansha deıin saqtaýdy.
26. Memlekettik korporasııa kyzmetkeriniń memlekettik qyzmetti kórsetýge ótinishterdi qabyldaýǵa jáne daıyn qujattardy berýge baılanysty áreketteri MAJ-da tirkeledi.
Kórsetiletin qyzmet berýshimen is-qımyl MAJ arqyly júzege asyrylady.
27. Qyzmet alýshynyń aqparattyq júıelerden alynatyn qujattardy suratyp alýy ruqsat etilmeıdi.
28. Memlekettik korporasııamen memlekettik qyzmetti kórsetý prosesinde belgini bolǵan azamattardyń derbes derekterin «Derbes derekter jáne ony qorǵaý týraly» 2013 jylǵy 21 mamyrdaǵy Qazaqstan Respýblıkasynyń Zańyna sáıkes úshinshi tulǵalarǵa jarııa etýge ruksat etilmeıdi.
О́zderiniń fýnksıonaldyq mindetterin júzege asyrý barysynda, zeınetaqy jınaqtary men áleýmettik aýdarymdardyń qupııasyn kuraıtyn málimetterge qoljetimdilik alǵan, Memlekettik korporasııa kyzmetkerleri zeınetaqy jınaqtarynyń jáne shartty zeınetaqy shottardyń qupııasyn quraıtyn málimetterdi jarııa etpeıdi.
29. Memlekettik korporasııa Jarǵyǵa sáıkes memlekettik jáne ózge qyzmetterdi aqyly túrde kórsete alady.
30. Memlekettik korporasııa arqyly memlekettik qyzmetterdi kórsetý kezinde ótinishter men qujattardy qabyldaý kúni memlekettik qyzmetti kórsetý merzimine kirmeıdi.
31. Memlekettik korporasııanyń ýákiletti organdarmen ózara is-qımyly memlekettik qyzmetti kórsetý salasyndaǵy Qazaqstan Respýblıkasynyń zańnamasyna sáıkes júzege asyrylady.
32. О́tinish berýshiniń Memlekettik korporasııaǵa bergen ótiniminiń oryndalý qozǵalysy men kezeńiniń baǵytyna monıtorıng MAJ kómegimen júrgiziledi.
33. Tıisti ýákiletti organdarǵa usynylatyn qujattardyń tizilimi MAJ-da qalyptasady. Usynylatyn qujattardyń tizilimi eki danada basylady.
Tizilimniń eki danasymen qalyptastyrylǵan ótinishter (eger bar bolsa, qujattar toptamasymen birge) kestege sáıkes kýrerlik jáne (nemese) poshtalyq baılanys, jáne (nemese) aqparattyq júıe arqyly ýákiletti organǵa jiberiledi. Tizilimniń ekinshi danasy ýákiletti organnyń qabyldaǵany týraly belgisi bar Memlekettik korporasııaǵa keri qaıtarylady.
Tıisti ýákiletti organǵa qosa berilgen qujattarymen birge qabyldanǵan ótinishterdi jetkizýdi jáne keri qaıtarýdy atalǵan ótinishterdi qabyldaǵan kúni eki retten kem emes júzege asyrady.
Aldyn ala, daıyn qujattardy bergenge deıin Memlekettik korporasııa men ýákiletti organ beriletin qujattardyń tizilimin quraıdy, onda tizimin alǵanda beriletin qujattar týraly tolyq aqparat jınaqtalady.
34. Tizimniń eki dana qosymshasymen qaǵaz/elektrondyq tasyǵyshta resimdelgen, berýge daıyn qujattar tıisti ýákiletti organǵa kýrerlik, poshta baılanysy jáne (nemese) aqparattyq júıe arqyly memlekettik qyzmetti kórsetýdiń merzimi ótkenge deıin bir táýlikter keshiktirmeı jetkiziledi.
Qolhatqa sáıkes kelesi jumys kúni beriletin qujattar keshki poshtamen nemese buryn keledi.
35. Memlekettik qyzmetti kórsetý nátıjelerin qabyldaý kezinde Memlekettik korporasııanyń jaýapty qyzmetkeri tıisti ýákiletti organdarmen usynylatyn tizilimge sáıkes qujattardyń tolyqtyǵyn tekseredi. Tizilimniń ekinshi danasy, tizilimde kórsetilgen barlyq qujattardyń bar bolǵan jaǵdaıda, ǵana alǵandyǵy týraly belgisimen ýákiletti organǵa qaıtarylady. Qujattar tizimge sáıkes kelmegen jaǵdaıda, ýákiletti organǵa qabyldaýdan bas tartý týraly aktisi qosa berilip qaıtarylady.
36. Qandaı da bir sebepter boıynsha tıisti memlekettik organdar oryndaýdan bas tartqan kórsetiletin qyzmetti berýshilerdiń ótinishteri Memlekettik korporasııaǵa memlekettik kórsetiletin qyzmetter standarttarynda kórsetilgen merzimde tıisti tizilimmen keri qaıtarylady.
37. Memlekettik korporasııa fılıaldarymen tıisti ýákiletti organdardyń aýmaqtyq bólimshelerimen aı saıynǵy negizde kórsetilgen memlekettik qyzmet sany jáne sapasy boıynsha júrgizilgen salystyrýlar júrgiziledi, olardyń nátıjeler boıynsha memlekettik kórsetiletin qyzmetter bólinisinde esepter jasalady.
Memlekettik qyzmetti kórsetý boıynsha esep tıisti ýákiletti organǵa eseptik aıdan keıingi aıdyń 3 kúnine deıin usynylady.
Memlekettik qyzmetti kórsetý sany men sapasy boıynsha júrgizilgen salystyrý nátıjeleri boıynsha akty eseptik aıdan keıingi aıdyn 15 kúnine deıin jasalady.
Memlekettik qyzmetterdi kórsetetin ortalyq atqarýshy organdarmen salystyrý aktileri Memlekettik korporasııanyń ortalyq apparatymen jasalady.
Buıryq Qazaqstan Respýblıkasynyń Ádilet mınıstrliginde 2016 jylǵy 25 aqpanda Normatıvtik quqyqtyq kesimderdi memlekettik tirkeýdiń tizilimine №13248 bolyp engizildi.