2015 jylǵy 30 sáýir, Astana qalasy
Densaýlyq saqtaý uıymdarynda aqyly qyzmetter kórsetý
qaǵıdalary men sharttaryn bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 7-baby 1-tarmaǵynyń 87) tarmaqshasyna sáıkes buıyramyn:
1. Qosa berilip otyrǵan Densaýlyq saqtaý uıymdarynda aqyly qyzmetter kórsetý qaǵıdalary men sharttary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Qarjy departamenti:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» Qazaqstan Respýblıkasy normatıvtik quqyqtyq aktileriniń aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń resmı ınternet-resýrsynda jarııalaýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin.
4. Osy buıryq ony alǵash resmı jarııalaǵan kúninen keıin qoldanysqa engiziledi.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 30 sáýirdegi №304 buıryǵymen bekitilgen
Densaýlyq saqtaý uıymdarynda aqyly qyzmetter kórsetý qaǵıdalary men sharttary
1. Jalpy erejeler
1. Osy Densaýlyq saqtaý uıymdarynda aqyly qyzmetter kórsetý qaǵıdalary men sharttary (budan ári – Qaǵıdalar) «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksine sáıkes ázirlendi jáne densaýlyq saqtaý uıymdarynda aqyly qyzmetter kórsetý tártibi men sharttaryn aıqyndaıdy.
2. Aqyly medısınalyq qyzmetter medısınalyq qyzmetterdi tutynýshylar bolyp tabylatyn jeke tulǵalarǵa (budan ári – pasıentter) kórsetiledi.
3. Osy Qaǵıdalarda mynadaı uǵymdar paıdalanylady:
aqyly bólimsheler (palatalar) – densaýlyq saqtaý uıymdarynda aqyly negizde TMKKK-ge kirmeıtin medısınalyq qyzmetterdi kórsetýge arnalǵan bólimsheler (palatalar);
aqyly qyzmetter – TMKKK-ge kirmeıtin, pasıentterdiń jeke qarajaty, jumys berýshiniń, erikti medısınalyq saqtandyrý júıesiniń qarajaty esebinen, Qazaqstan Respýblıkasynyń zańnamasynda tyıym salynbaǵan basqa da kózderden aqy tólenetin qyzmetter;
densaýlyq saqtaý uıymy – densaýlyq saqtaý salasyndaǵy qyzmetti júzege asyratyn zańdy tulǵa;
tegin medısınalyq kómektiń kepildik berilgen kólemi (budan ári – TMKKK) Qazaqstan Respýblıkasynyń azamattaryna jáne oralmandarǵa kórsetiletin medısınalyq qyzmetterdiń tizbesi boıynsha Qazaqstan Respýblıkasynyń Úkimeti aıqyndaıtyn medısınalyq kómektiń biryńǵaı kólemi.
2. Aqyly qyzmetter kórsetý tártibi
4. Aqyly medısınalyq qyzmetterdi memlekettik jáne jeke menshik medısına uıymdary aýrýdyń beıini men medısınalyq qyzmetpen aınalysýǵa memlekettik lısenzııasy sáıkes kelgen kezde kórsetedi.
5. Aqyly qyzmetterdiń túrleri jáne olardyń baǵa preıskýranty medısına uıymdaryndaǵy kórneki aqparat arqyly halyqtyń nazaryna jetkiziledi.
6. Azamattarǵa aqyly qyzmetter kórsetý kezinde esep jáne eseptilik qujattamasyn júrgizý Qazaqstan Respýblıkasy Densaýlyq saqtaý mınıstriniń mindetin atqarýshynyń «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» 2010 jylǵy 23 qarashadaǵy № 907 buıryǵymen (Qazaqstan Respýblıkasy normatıvtik quqyqtyq aktilerdi memlekettik tirkeý tiziliminde № 56272 bolyp tirkelgen) bekitilgen nysandar boıynsha júzege asyrylady.
7. Densaýlyq saqtaý uıymdary aqyly negizde medısınalyq kómek alǵan pasıentterge:
1) ambýlatorııalyq-emhanalyq kómek kórsetken kezde tıisti medısına qyzmetkerleriniń qorytyndysyn;
2) stasıonarlyq, stasıonardy almastyratyn kómek kórsetý, qalpyna keltirý emi jáne medısınalyq ońaltý kezinde aýrý tarıhynan úzindi kóshirme;
3) kórsetilgen medısınalyq kómekke jumsalǵan shyǵystar týraly aqparat usynady.
8. Aqyly medısınalyq qyzmetter densaýlyq saqtaý uıymdarynda aqyly qyzmetter kórsetýge arnalǵan shart negizinde kórsetiledi.
9. Memlekettik densaýlyq saqtaý uıymdarynda aqyly qyzmetterdiń baǵalary medısınalyq, servıstik qyzmetter kórsetýge baılanysty barlyq shyǵyndar jáne ózge de qosymsha shyǵystar eskerile otyryp aıqyndalady jáne jarty jylda bir retten artyq qaıta qaralmaıdy.
Aqyly qyzmetterge baǵa TMKKK arnalǵan bıýdjettik baǵdarlamalar ákimshisi belgileıtin uqsas medısınalyq qyzmet tarıfinen tómen belgilenbeıdi.
3. Aqyly qyzmetter kórsetý sharttary
10. Densaýlyq saqtaý uıymdary aqyly qyzmetter kórsetýdi mynadaı jaǵdaılarda:
pasıentterdiń bastamasy boıynsha, onyń ishinde bastapqy medısınalyq-sanıtarııalyq kómek kórsetý jáne densaýlyq saqtaý uıymdary mamandarynyń joldamasynsyz dıagnostıkalyq jáne emdeý qyzmetterin kórsetkende;
emdik formýlıarǵa engizilmegen emdik quraldarmen emdegende;
TMKKK-ge kirmeıtin medısınalyq zertteýler júrgizgende;
tıisti joldamasyz sanatorıılik emdeýde;
medısınalyq kórsetilimdersiz medısınalyq-genetıkalyq zerttegende;
jumysqa ornalasý jáne oqýǵa túsý úshin azamattardy medısınalyq tekserip-qaraǵanda;
uıymmen shart boıynsha, onyń ishinde erikti saqtandyrý boıynsha medısınalyq kómek kórsetkende;
qosymsha servıstik qyzmetter kórsetkende júzege asyrylady.
Buıryq Qazaqstan Respýblıkasynyń Ádilet mınıstrliginde 2015 jylǵy 12 maýsymda Normatıvtik quqyqtyq kesimderdi memlekettik tirkeýdiń tizilimine №11341 bolyp engizildi.