2015 jylǵy 26 mamyr ,Astana qalasy
Temeki buıymynyń qorabyna, temeki buıymynyń qaptamasyna shaıyrly zattardyń, nıkotınniń quramy, olardyń deńgeıi jáne júıelik ýlar, kanserogendik jáne mýtagendik zattar týraly málimetterdi ornalastyrý qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 159-babynyń 2-tarmaǵynyń 8) tarmaqshasyna sáıkes buıyramyn:
1. Qosa berilip otyrǵan temeki buıymynyń qorabyna, temeki buıymynyń qaptamasyna shaıyrly zattardyń, nıkotınniń quramy, olardyń deńgeıi jáne júıelik ýlar, kanserogendik jáne mýtagendik zattar týraly málimetterdi ornalastyrý qaǵıdalary (budan ári - Qaǵıdalar) bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde merzimdi baspasóz basylymdarynda jáne Qazaqstan Respýblıkasy normatıvtik quqyqtyq aktileriniń «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V.Soıǵa júktelsin.
4. Osy buıryq ony alǵashqy resmı jarııalaǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 26 mamyrdaǵy №387 buıryǵymen bekitilgen
Temeki buıymynyń qorabyna, temeki buıymynyń qaptamasyna shaıyrly zattardyń,
nıkotınniń quramy, olardyń deńgeıi jáne júıelik ýlar, kanserogendik jáne
mýtagendik zattar týraly málimetterdi ornalastyrý qaǵıdalary
1. Jalpy erejeler
1. Osy temeki buıymynyń qorabyna, temeki buıymynyń qaptamasyna shaıyrly zattardyń, nıkotınniń quramy, olardyń deńgeıi jáne júıelik ýlar, kanserogendik jáne mýtagendik zattar týraly málimetterdi ornalastyrý qaǵıdalary (budan ári – Qaǵıdalar) temeki buıymynyń qorabyna, temeki buıymynyń qaptamasyna shaıyrly zattardyń, nıkotınniń quramy, olardyń deńgeıi jáne júıelik ýlar jáne basqa zııandy qosylystar - kanserogendik jáne mýtagendik zattar (budan ári – zııandy qosylystar) týraly málimetterdi ornalastyrý tártibin aıqyndaıdy.
2. Temeki buıymynyń qorabyna, temeki buıymynyń qaptamasyna shaıyrly zattardyń,
nıkotınniń quramy, olardyń deńgeıi jáne júıelik ýlar, kanserogendik jáne
mýtagendik zattar týraly málimetterdi ornalastyrý tártibi
2. Shaıyrly zattar men nıkotın quramynyń deńgeıi týraly málimetter temeki buıymynyń qorabyna, temeki buıymdarynyń qaptamasyna jazylady jáne temeki buıymy qorabynyń, qaptamasynyń bir jaq búıir betiniń keminde 4 %-yn (tórt) alady.
3. Keminde úsh zııandy qosylystyń quramy týraly málimetter:
1) júıelik ýlar: kúshála, synap, aseton, kógertkish qyshqyl, ammonıı, fenol;
2) kanserogendik zattar: polonıı-210, benzol, formaldegıd, benzpıren, kadmıı, akroleın;
3) mýtagendik zattar: asetaldegıd, tolýol, qorǵasyn, akrılonıtrıl, kómirtegi monooksıdi, 3-amınobıfenıl týraly aqparatty qamtıdy.
4. Zııandy qosylystardyń ataýy kúntizbelik jyl ishinde Qazaqstan Respýblıkasynyń aýmaǵynda óndirilgen, sondaı-aq Qazaqstan Respýblıkasynyń aýmaǵyna ákelingen temeki buıymy qoraptarynyń, temeki buıymy qaptamalarynyń barabar teń mólsherine ornalastyrylady.
5. Zııandy qosylystardyń quramy týraly málimetter:
1) soldan ońǵa qaraı temeki buıymy qorabynyń, temeki buıymy qaptamasynyń sol jaq shetine parallel ornalastyrylady;
2) sol jaq búıiriniń ortańǵy beti kóleminiń keminde 17 %-yn (on jeti) alady.
6. Zııandy qosylystardyń quramy týraly málimetterdiń mátini mynadaı talaptarǵa sáıkes kelýi tıis:
1) memlekettik jáne orys tilderinde basylady;
2) qariptiń ataýy – Nelvetisa kz;
3) sol jaq shetten bos jer - keminde 1 mm;
4) túsi - qoraptyń negizgi aıasynyń túsine qarama-qarsy;
5) basqa baspa aqparatymen nemese aksızdik markamen búrkelmeýi tıis;
6) jyrtylatyn jerinde ornalaspaýy tıis.
Buıryq Qazaqstan Respýblıkasynyń Ádilet mınıstrliginde 2015 jylǵy 22 maýsymdaǵy Normatıvtik quqyqtyq kesimderdi memlekettik tirkeýdiń tizilimine № 11412 bolyp engizildi.