2015 jylǵy 30 qarasha, Astana qalasy
Jumys berýshiniń eńbek qaýipsizdigi jáne eńbekti qorǵaý jónindegi nusqaýlyqty ázirleý, bekitý jáne qaıta qaraý qaǵıdalaryn bekitý týraly
Qazaqstan Respýblıkasynyń 2015 jylǵy 23 qarashadaǵy Eńbek kodeksiniń 16-babynyń 31) tarmaqshasyna sáıkes buıyramyn:
1. Qosa berilip otyrǵan Jumys berýshiniń eńbek qaýipsizdigi jáne eńbekti qorǵaý jónindegi nusqaýlyqty ázirleý, bekitý jáne qaıta qaraý qaǵıdalary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek jáne áleýmettik áriptestik departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrligi Zań qyzmeti departamentine osy tarmaqtyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri B.B. Nurymbetovke júktelsin.
4. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 30 qarashadaǵy №927 buıryǵymen bekitilgen
Jumys berýshiniń eńbek qaýipsizdigi jáne eńbekti qorǵaý jónindegi nusqaýlyqty ázirleý,
bekitý jáne qaıta qaraý qaǵıdalaryn bekitý týraly
1. Jalpy erejeler
1. Osy Jumys berýshiniń eńbek qaýipsizdigi jáne eńbekti qorǵaý jónindegi nusqaýlyqty ázirleý, bekitý jáne qaıta qaraý qaǵıdalary (budan ári – Qaǵıdalar) Qazaqstan Respýblıkasynyń 2015 jylǵy 23 qarashadaǵy Eńbek kodeksiniń (budan ári – Kodeks) 16-babynyń 31) tarmaqshasyna sáıkes ázirlengen jáne jumys berýshiniń eńbek qaýipsizdigi jáne eńbekti qorǵaý jónindegi nusqaýlyqty ázirleý, bekitý jáne qaıta qaraý tártibin belgileıdi.
2. Jumys berýshiniń eńbek qaýipsizdigi men eńbekti qorǵaý jónindegi nusqaýlyǵy (budan ári – Nusqaýlyq) óndiristik úı-jaılarda, kásiporyn aýmaǵynda, qurylys alańdarynda, kólik quraldarynda jáne osy jumystar júrgiziletin ne qyzmettik mindetter oryndalatyn uıymnyń basqa jerinde jumystardy oryndaý kezinde eńbek qaýipsizdigi jáne eńbekti qorǵaý salasyndaǵy zańnamanyń qoldanylýyn naqtylaıtyn jumys berýshiniń aktisi bolyp tabylady.
2.Eńbek qaýipsizdigi jáne eńbekti qorǵaý jónindegi nusqaýlyqty ázirleý
3. Nusqaýlyqty jumys berýshi jumys berýshiniń múddeli qurylymdyq bólimsheleriniń basshylary men jumyskerler ókilderiniń qatysýymen eńbek qaýipsizdigi jáne eńbekti qorǵaý qyzmeti nemese eńbek qaýipsizdigi jáne eńbekti qorǵaý jónindegi maman (budan ári – jaýapty tulǵa) jasaǵan tizbege sáıkes, ýchaskedegi, sehtaǵy, qyzmettegi, zerthanadaǵy jáne jalpy uıymdaǵy árbir kásip úshin, sondaı-aq jeke jumys túrleri (bıiktegi jumys, synaqtar) men jumys oryndaryna da ázirleıdi.
Sondaı-aq Nusqaýlyqty ázirleýdi jumys berýshiniń (uıym) tapsyrysy boıynsha kelisimsharttyq negizde eńbek qaýipsizdigi jáne eńbekti qorǵaý salasyndaǵy ǵylymı mekemelerdiń mamandary da júzege asyrýy múmkin.
4. Tizbe qoldanystaǵy zańnamaǵa sáıkes bekitilgen Jumystar men jumysshy kásipteriniń biryńǵaı tarıftik-biliktilik anyqtamalyǵy men Qyzmetshiler laýazymdarynyń biliktilik anyqtamalyǵyn esepke ala otyryp bekitilgen jumys berýshiniń shtat kestesiniń negizinde jasalady. Jasalǵan tizbeni jumys berýshi nemese ózge ýákiletti adam bekitedi jáne ol barlyq qurylymdyq bólimshelerge jiberiledi.
5. Nusqaýlyq jabdyqty óndirýshi zaýyttardyń paıdalaný jáne jóndeý qujattamasynda, sondaı-aq jumys berýshiniń tehnologııalyq qujattamasynda baıandalǵan qaýipsizdik talaptary men óndiris jaǵdaılaryn eskere otyryp, eńbek qaýipsizdigi jáne eńbekti qorǵaý jónindegi normatıvterdiń negizinde ázirlenedi.
6. Nusqaýlyqty ázirleýge qajetti daıyndyq jumysy:
1) tehnologııalyq prosesti zerdeleý, onyń qalypty aǵymy men qalypty rejımnen aýytqyǵan kezinde paıda bolatyn qaýipti jáne zııandy óndiristik faktorlardy anyqtaý, sondaı-aq atalǵan faktorlardan qorǵaný sharalary men quraldaryn anyqtaýdan;
2) qoldanystaǵy jabdyqtardyń, qural-saımandar men qurylǵylardyń qaýipsizdik talaptaryna sáıkestiligin aıqyndaýdan;
3) nusqaýlyqty ázirleý barysynda qoldanylatyn eńbek qaýipsizdigi men eńbekti qorǵaý máselesi jónindegi materıaldardy jınaýdan;
4) tıisti jumystardy oryndaý barysynda paıdalanylatyn qorǵanysh quraldarynyń konstrýktıvti erekshelikteri men tıimdiligin zerdeleýden;
5) aqparattyq hattardy zerdeleýden;
6) óndiristik jaraqattanýdyń, avarııalyq jaǵdaılardyń jáne osy kásip (jumys túrleri) úshin kásiptik aýrýlardyń sebepterine taldaý júrgizýden;
7) jumystyń qaýipsiz ádis-tásilderin, olardyń retteligin, sondaı-aq Nusqaýlyqqa engizilýge tıis tehnıkalyq jáne uıymdastyrýshylyq is-sharalardy aıqyndaýdan;
8) Kodekstiń 6 jáne 7-taraýlaryna sáıkes jumys ýaqyty men tynyǵý ýaqytynyń rejımin aıqyndaýdan turady.
7. Iske qosylyp jatqan jańa óndirister, tehnologııalar nemese jabdyq úshin obektini memlekettik qabyldaý komıssııasy paıdalanýǵa qabyldaǵanǵa deıingi merzimge ázirlengen nusqaýlyqtar qoldanylady.
3. Nusqaýlyqtyń mazmuny
8. Nusqaýlyqtyń árqaısysyna tıisti ataý beriledi. Ataýda onyń qandaı kásipke nemese jumys túrine arnalǵandyǵy qysqasha kórsetilýge tıis.
9. Nusqaýlyq tehnologııalyq prosestiń qysqasha sıpattamasynan turady jáne eńbek qaýipsizdigin uıymdastyrý máselelerin jan-jaqty qamtıdy.
10. Nusqaýlyqtyń talaptary tehnologııalyq prosestiń rettiligine sáıkes, osy jumystyń oryndalý jaǵdaılaryn esepke ala otyryp kórsetilýge tıis:
1) eńbek qaýipsizdigi jáne eńbekti qorǵaýdyń jalpy talaptary;
2) jumys bastalar aldyndaǵy eńbek qaýipsizdigi jáne eńbekti qorǵaý talaptary;
3) jumys ýaqytyndaǵy eńbek qaýipsizdigi jáne eńbekti qorǵaý talaptary;
4) avarııalyq jaǵdaılardaǵy eńbek qaýipsizdigi jáne eńbekti qorǵaý talaptary;
5) jumys aıaqtalǵandaǵy eńbek qaýipsizdigi jáne eńbekti qorǵaý talaptary.
11. «Eńbek qaýipsizdigi jáne eńbekti qorǵaýdyń jalpy talaptary» degen bólimde:
1) tulǵalarǵa kásibi boıynsha jumystaryn ózdiginen oryndaýǵa nemese tıisti jumysty oryndaýǵa ruqsat berýdiń sharttary (jas, jynys, densaýlyq jaǵdaıy, nusqama júrgizý);
2) eńbek tártiptemesiniń qaǵıdalaryn saqtaý qajettigi týraly nusqaýlar;
3) eńbek jáne tynyǵý rejımin oryndaý jónindegi talaptar;
4) jumyskerge áser etetin qaýipti jáne zııandy óndiristik faktorlardyń sıpattamasy;
5) olarda memlekettik, salalyq standarttar belgileri men olarǵa tehnıkalyq sharttardy kórsete otyryp, osy kásip úshin arnaıy kıim jáne basqa da jeke qorǵanysh quraldaryn berýdiń normalary;
6) órt jáne jarylys qaýipsizdigin qamtamasyz etý jónindegi talaptar;
7) jumysker jumysty oryndaý barysynda saqtaýǵa tıis jeke bas gıgıenasy talaptary kórsetiledi.
12. «Jumys bastalar aldyndaǵy eńbek qaýipsizdigi jáne eńbekti qorǵaý talaptary» degen bólimde:
1) jumys ornyn, jeke qorǵanysh quraldaryn daıyndaý tártibi;
2) jabdyqtyń, qurylǵylar men qural-saımandardyń, qorshaý, dabyldaǵyshtyń, bloktalǵan jáne basqa da qurylǵylardyń, qorǵaýshy jerge tuıyqtaýdyń, jeldetýdiń jáne jergilikti jaryqtandyrýdyń jaramdylyǵyn tekserý tártibi;
3) bastapqy materıaldardyń (jartylaı fabrıkattar, daıyndamalar) bar bolýyn jáne jaı-kúıin tekserý tártibi;
4) úzdiksiz jumys jaǵdaıynda aýysymdy qabyldaý tártibi;
5) óndiristik sanıtarııa talaptary kórsetiledi.
13. «Jumys ýaqytyndaǵy eńbek qaýipsizdigi jáne eńbekti qorǵaý talaptary» degen bólimde:
1) jumysty qaýipsiz oryndaý ádisteri men tásilderi, tehnologııalyq jabdyqty, qurylǵylar men qural-saımandardy paıdalanýdyń talaptary;
2) bastapqy materıaldardy (shıkizat, daıyndamalar, jartylaı fabrıkattar) ustaý qaýipsizdiginiń talaptary;
3) kólik quraldaryn, tehnıkalyq qurylǵylar, ydysty jáne júk kótergish mehanızmderdi qaýipsiz paıdalaný talaptary;
4) jumys ornyn qaýipsiz ustaý jónindegi nusqaýlar;
5) normatıvtik tehnologııalyq rejımnen aýytqýdyń negizgi túrleri jáne olardy joıý ádisteri;
6) avarııalyq jaǵdaılardy boldyrmaýǵa baǵyttalǵan áreketter;
7) jumyskerlerdiń qorǵanysh quraldaryn paıdalaný talaptary kórsetiledi.
14. «Avarııalyq jaǵdaılardaǵy eńbek qaýipsizdigi jáne eńbekti qorǵaý talaptary» degen bólimde:
1) avarııalyq nemese jaǵymsyz saldarǵa ákelýi múmkin jaǵdaılar paıda bolǵan kezdegi jumyskerlerdiń áreketteri;
2) jaraqattanǵan, ýlanǵan jáne kenetten aýyrǵa kezde zardap shegýshilerge medısınalyq kómek kórsetý boıynsha áreketter;
3) jumys berýshini jumyskerdiń jaraqattaný oqıǵalary jáne jabdyqtyń, qurylǵy men qural-saımannyń jaramsyzdyǵy týraly habardar etý tártibi kórsetiledi.
15. «Jumys aıaqtalǵandaǵy eńbek qaýipsizdigi jáne eńbekti qorǵaý talaptary» degen bólimde:
1) jabdyq, qurylǵylar, mashınalar, mehanızmder jáne apparatýralardy qaýipsiz sóndirý, toqtatý, bólshekteý, tazalaý jáne maılaýdyń tártibi, al úzdiksiz prosess kezinde – olardy aýysym boıynsha berý tártibi;
2) jumys ornyn tapsyrý tártibi;
3) óndiris qaldyqtaryn tazalaý tártibi;
4) jeke bas gıgıenasy men óndiristik sanıtarııany saqtaý talaptary;
5) jumys ýaqytynda anyqtalǵan barlyq kemshilikter týraly jumys berýshini habardar etý tártibi kórsetiledi.
16. Normatıvtik quqyqtyq aktilerge siltemelerdi qoldaný qajet bolǵan kezde, bul normatıvtik quqyqtyq aktilerdiń talaptary nusqaýlyqtarda baıandalady.
4. Nusqaýlyqty bekitý jáne qaıta qaraý
17. Nusqaýlyqtardy eńbek qaýipsizdigi jáne eńbekti qorǵaý qyzmeti nemese jaýapty tulǵa jáne basqa múddeli qurylymdyq bólimsheler, laýazymdy tulǵalar men jumyskerler ókilderi keliskennen keıin jumys berýshi bekitedi.
18. Bekitilgen Nusqaýlyqtardy eńbek qaýipsizdigi jáne eńbekti qorǵaý qyzmeti nemese jumys berýshiniń jaýapty adamy Nusqaýlyqtardy esepke alý jýrnalynda esepke alady.
19. Mamandyqtar men jumys túrleri boıynsha Nusqaýlyqty qaıta qaraý 3 jylda bir retten sırek emes júrgizilip turady.
Nusqaýlyqtar mynadaı jaǵdaılarda merziminen buryn qaıta qaraýǵa jatady:
1) Qazaqstan Respýblıkasynyń zańnamalyq aktileri, memlekettik standarttary jáne normatıvtik quqyqtyq aktileri ózgertilgende;
2) jańa tehnıka men tehnologııa engizilgende;
3) óndiristegi jazataıym oqıǵalar, avarııalar men apattardy tergep-tekserýdiń nátıjeleri boıynsha.
Qaıta qaraý nátıjeleri boıynsha Nusqaýlyqtarǵa ózgerister men tolyqtyrýlar engizý qajettigi anyqtalady.
20. Eger osy Qaǵıdalardyń 19-tarmaǵynda belgilengen merzim ishinde jumyskerlerdiń eńbek jaǵdaılary ózgermese, Nusqaýlyqtyń qoldanylýy kelesi merzimge uzartylady, bul týraly Nusqaýlyqtyń birinshi betinde jazylady («Qaıta qaraldy» mórtabany, T.A.Á (bar bolsa), kúni jáne Nusqaýlyqty qaıta qaraýǵa jaýapty adamnyń qoly qoıylady).
Buıryq Qazaqstan Respýblıkasynyń Ádilet mınıstrliginde 2015 jylǵy 26 jeltoqsanda Normatıvtik quqyqtyq kesimderdi memlekettik tirkeýdiń tizilimine №12534 bolyp engizildi.