2016 jylǵy 19 sáýir,Astana qalasy
«Is júrgizý jáne qujattardy saqtaý salasyndaǵy táýekelderdi baǵalaý
dárejesiniń krıterıılerin bekitý týraly» Qazaqstan Respýblıkasy Mádenıet jáne aqparat mınıstriniń 2012 jylǵy 10 tamyzdaǵy № 124 buıryǵynyń kúshin joıý týraly
«Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańynyń 27-babynyń 2-tarmaǵyna sáıkes buıyramyn:
1. «Is júrgizý jáne qujattardy saqtaý salasyndaǵy táýekelderdi baǵalaý dárejesiniń krıterıılerin bekitý týraly» Qazaqstan Respýblıkasy Mádenıet jáne aqparat mınıstriniń 2012 jylǵy 10 tamyzdaǵy № 124 (normatıvtik quqyqtyq aktilerdi memlekettik tirkeý tiziliminde № 7912 bolyp tirkelgen, «Egemen Qazaqstan» gazetinde 2012 jylǵy 19 qyrkúıekte № 609-614 (27687) jarııalanǵan) buıryǵynyń kúshi joıyldy dep tanylsyn.
2. Qazaqstan Respýblıkasy Mádenıet jáne sport mınıstrliginiń Muraǵattyq is jáne qujattama departamenti zańnamada belgilengen tártipte:
1) osy buıryqtyń kóshirmesin oǵan qol qoıylǵan kúninen bir aptalyq merzimde Qazaqstan Respýblıkasynyń Ádilet mınıstrligine, Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jáne merzimdi baspasóz basylymdaryna jiberýdi;
2) osy buıryqty Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrýdy;
3) osy buıryqqa qol qoıylǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine osy tarmaqtyń 1) jáne 2) tarmaqshalarymen qarastyrylǵan is-sharalardyń oryndalýy týraly málimet berýdi qamtamasyz etsin.
3. Osy buıryq qol qoıylǵan kúninen bastap kúshine enedi.
Mınıstr A.MUHAMEDIULY