2016 jylǵy 20 qańtar, Astana qalasy
Merzimdi baspasóz basylymdarynyń mindetti tegin danalarynyń qaǵaz jáne elektrondyq arhıvterin qalyptastyrý qaǵıdalaryn bekitý týraly
«Buqaralyq aqparat quraldary týraly» 1999 jylǵy 23 shildedegi Qazaqstan Respýblıkasy Zańynyń 4-3-babynyń 13-3) tarmaqshasyna sáıkes, buıyramyn:
1. Qosa berilip otyrǵan Merzimdi baspasóz basylymdarynyń mindetti tegin danalarynyń qaǵaz jáne elektrondyq arhıvterin qalyptastyrý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (T.B. Qazanǵap):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin baspa jáne elektrondy túrde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap kúntizbelik on kún ishinde Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi;
3) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1) jáne 2) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyna baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń
Investısııalar jáne damý mınıstri Á. ISEKEShEV
Qazaqstan Respýblıkasy Investısııalar jáne damý mınıstriniń buıryǵymen bekitilgen
2016 jylǵy 20 qańtardaǵy №36
Merzimdi baspasóz basylymdarynyń mindetti tegin danalarynyń
qaǵaz jáne elektrondyq arhıvterin qalyptastyrý
qaǵıdalary
1. Jalpy ereje
1. Osy Merzimdi baspasóz basylymdarynyń mindetti tegin danalarynyń qaǵaz jáne elektrondyq arhıvterin qalyptastyrý qaǵıdalary (budan ári - Qaǵıdalar) «Buqaralyq aqparat quraldary týraly»1999 jylǵy 23 shildedegi Qazaqstan Respýblıkasy Zańynyń (budan ári – Zań) 4-3-babynyń 13-3) tarmaqshasyna sáıkes ázirlendi jáne merzimdi baspasóz basylymdarynyń mindetti tegin danalarynyń qaǵaz jáne elektrondyq arhıvterin qalyptastyrý tártibin anyqtaıdy.
2. Osy Qaǵıdalarda mynadaı uǵymdar qoldanylady:
1) buqaralyq aqparat quraldary (budan ári - BAQ) - merzimdi baspasóz basylymy, tele-, radıoarna, kınoqujattama, dybys-beıne jazbasy jáne ınternet-resýrstardy qosa alǵanda, buqaralyq aqparatty merzimdi nemese úzdiksiz buqaralyq taratýdyń basqa da nysany;
2) buqaralyq aqparat quralynyń ónimi – merzimdi baspasóz basylymynyń jeke nómiriniń nemese dybys-beıne baǵdarlamasynyń taralymy nemese taralymynyń bir bóligi, radıo-, tele-, kınohronıkalyq baǵdarlamalardyń jeke shyǵarylymy, ınternet-resýrsta ornalastyrylǵan aqparat;
3) buqaralyq aqparat quraly ónimin taratý - merzimdi baspasóz basylymdaryn satý (jazylý, jetkizý, úlestirý), radıo-, telebaǵdarlamalardy efırge shyǵarý, kınohronıkalyq baǵdarlamalardy kórsetý jáne ınternet-resýrstarda aqparatty ornalastyrý;
4) merzimdi baspasóz basylymdarynyń menshik ıesi – merzimdi baspasóz basylymdaryn ıelený, paıdalaný jáne basqarý quqyǵyn júzege asyratyn jeke nemese zańdy tulǵa, ne jeke jáne (nemese) zańdy tulǵalardyń birlestigi;
5) buqaralyq aqparat quraldary salasyndaǵy ýákiletti organ (budan ári - ýákiletti organ) - buqaralyq aqparat quraldary salasynda memlekettik retteýdi júzege asyratyn memlekettik organ;
6) merzimdi baspasóz basylymy – turaqty ataýy, aǵymdaǵy nómiri bar jáne keminde úsh aıda bir ret shyǵarylatyn gazet, jýrnal, almanah, bıýlleten, olardyń qosymshasy;
7) operator – ýákiletti organnyń merzimdi baspasóz basylymdarynyń mindetti tegin danalarynyń qaǵaz jáne elektrondyq arhıvterin toltyqtyrýǵa jáne súıemeldeýge jaýapty qyzmetkeri.
3. Merzimdi baspasóz basylymdarynyń mindetti tegin danalarynyń qaǵaz jáne elektrondyq arhıvterin qalyptastyrý budan ári buqaralyq aqparat quraldarynyń Qazaqstan Respýblıkasynyń zańnamalaryn saqtaý mánine olardyń monıtorıng júrgizýi maqsatynda júzege asyrylady.
4. Merzimdi baspasóz basylymdarynyń menshik ıesimen mindetti tegin danalaryn berý merzimin buzý «Ákimshilik quqyq buzýshylyq týraly» Qazaqstan Respýblıkasy Kodeksiniń 454-babynda kózdelgen ákimshilik jaýapkershilikke ákep soǵady.
2. Merzimdi baspasóz basylymdarynyń mindetti tegin
danalarynyń qaǵaz arhıvin qalyptastyrý tártibi
5. Merzimdi baspasóz basylymdarynyń mindetti tegin danalarynyń qaǵaz arhıvin qalyptastyrý tártibi qaǵaz arhıvi ýákiletti organnyń mekenjaıyna jiberilgen merzimdi baspasóz basylymdarynyń mindetti tegin danalarynyń negizinde qalyptastyrylady.
6. Merzimdi baspasóz basylymdarynyń mindetti tegin danalary merzimdi baspasóz basylymdarynyń menshik ıesi ýákiletti organnyń zańdy mekenjaıyna poshtalyq baılanys arqyly jiberiledi.
7. Dana ýákiletti organǵa túsken kezde operator merzimdi baspasóz basylymy óniminiń jiberý kúnin jáne taratýyn bastaý kúnin salystyrady.
8. Salystyrǵannan keıin operator merzimdi baspasóz basylymdarynyń mindetti tegin danalarynyń qaǵaz nusqasyn sıfrleýden ótkizedi jáne onyń nysanyn merzimdi baspasóz basylymdarynyń mindetti tegin danalarynyń elektrondyq arhıvine engizedi.
3. Merzimdi baspasóz basylymdarynyń mindetti tegin
danalarynyń elektrondyq arhıvin qalyptastyrý tártibi
9. Elektrondyq arhıv ýákiletti organnyń archive@mid.gov.kz elektrondyq poshtasynyń mekenjaıyna jiberiletin bas redaktordyń (redaktordyń) elektrondyq sıfrlyq qolymen kýálandyrylǵan jáne operator danalardyń qaǵaz nusqalaryn sıfrlaǵan merzimdi baspasóz basylymdarynyń mindetti tegin danalarynyń elektrondyq-sıfrlyq nysandary negizinde qalyptastyrylady.
10. Merzimdi baspasóz basylymdarynyń mindetti tegin danalarynyń elektrondyq-sıfrlyq nysany ýákiletti organnyń oǵan arnalǵan archive-press@mid.gov.kz elektrondyq poshtalyq mekenjaıyna jiberiledi.
11. Merzimdi baspasóz basylymdarynyń mindetti tegin danasy ýákiletti organǵa túsken kezde operator merzimdi baspasóz basylymy óniminiń jiberý kúnin jáne ony taratýdy bastaý kúnin salystyrýdy júzege asyrady.
Buıryq Qazaqstan Respýblıkasynyń Ádilet mınıstrliginde 2016 jylǵy 18 aqpanda Normatıvtik quqyqtyq kesimderdi memlekettik tirkeýdiń tizilimine №13126 bolyp engizildi.