Jaqynda «Astana Opera» memlekettik opera jáne balet teatrynda ótetin «Parıj Qudaı Anasy sobory» baletiniń premerasyna oraı baspasóz máslıhaty uıymdastyryldy.
Oǵan «Astana Opera» teatrynyń dırektory Tóleýbek Álpıev, qoıýshy-baletmeıster Lýıdjı Bonıno, balettik trýppanyń kórkemdik jetekshisi Altynaı Asylmuratova, balettik trýppanyń dırektory Tursynbek Nurqalıev, Kvazımodo rólindegi Baqtııar Adamjan, Esmeralda rólindegi Áıgerim Beketaeva, sııaqty tanymal sańlaqtar qatysyp, jýrnalısterdiń qoıǵan suraqtaryna jaýap berdi.
Teatr dırektory Tóleýbek Álpıev HH ǵasyrdyń aıtýly horeografy Rolan Petıdiń áıgili baletin Qazaqstanda sahnalaý «Rolan Petı baletteri» Qorynyń ruqsatymen júzege asyrylǵanyn jáne de elordalyq balet trýppasynyń muny joǵary deńgeıde oryndap shyqqanyn atap ótti. Sondaı-aq, ol tanymal qoıylymdy qazaq sahnasyna alyp kelýge bastamashy bolǵan balet trýppasynyń kórkemdik jetekshisi Altynaı Asylmuratova men fransııalyq arnaıy mamandarǵa zor alǵysyn bildirdi. «Bul partııany oryndaý úshin men biraz ter tóktim. Lýıdjı Bonıno horeografııanyń barlyq qyr-syryn egjeı-tegjeıli aıtyp ta, kórsetip te berdi. Daıyndyqtyń birneshe kezeńinen óttik, tehnıkalyq erekshelikterdi meńgerip, kórkemdik obrazda jumys jasadyq. Repetısııa balet zalynan sahnaǵa aýysqanda, barlyq ártister óz keıipkerin tolyqqandy asha bilýi kerek. Plastıkasy úırenshikti bolmaǵandyqtan, bárimizge qıyndyq týdyrdy. Meniń kásibı qorjynymda basqa da rólder kóp, biraq mundaı partııany alǵash ret oryndaýym. Kvazımodonyń kemistigine qaramastan, men onyń janynyń tazalyǵyn kórsete bilýim kerek. Mundaı baletti, mundaı partııany tek armandaýǵa bolady», – deıdi Rústem Seıitbekov... Tragedııalyq sarynda órbıtin «Parıj Qudaı Anasy sobory» baleti bı óneriniń naǵyz klassıkalyq injý-marjany sanalady.
Araılym TASTEMIR,
Q.A.Iаsaýı atyndaǵy Halyqaralyq qazaq-túrik ýnıversıtetiniń 2-kýrs stýdenti