en jaıylyp, 57 saıajaıdy sý basty
Sońǵy kúnderi Ertis ózeniniń erneýi tolyp aǵýda. Qalany qaq jaryp aǵyp jatqan aryny qatty ózen keı tusta arnasynan asyp, óskemendikterdiń súıikti demalys oryndary sanalatyn ǵashyqtar alleıasy men Stanıslavskıı jaǵalaýyndaǵy júrginshi joldaryna, Komsomol jáne Pıoner araldaryna tasyǵan sý jaıylyp ketti. Sondaı-aq, jaǵalaýǵa jaqyn 57 saıajaı sý astynda qaldy.
Keshe oblys ákiminiń orynbasary D.Garıkov Ertistegi sý deńgeıiniń kóterilýine baılanysty baspasóz brıfıngin ótkizip, atalǵan jaǵdaıǵa Qytaı elindegi tasqyn men óńirimizdegi jaýyn-shashynnyń tolastamaýy jáne Altaıdaǵy qar massıvteriniń erýi áser etip otyrǵanyn aıtty. Jergilikti bılik Qytaıda 10 maýsymnan bastap ústi-ústine bolǵan tasqyn týraly daǵdarys ortalyqtary arqyly aldyn ala qulaǵdar bolǵan eken. 16 maýsymnan beri Qara Ertistegi sý kóleminiń shamadan tys artýynyń negizgi sebebi – osy. Qytaı tarapynyń tolassyz nóserde lyq tolǵan toǵandaǵy artyq sýdy aǵyzýyna baılanysty Qara Ertiske sekýndyna 2100 tekshe metr sý keldi. Buǵan jol-jónekeı taý ózenderiniń qosylatynyn esepteńiz. Iаǵnı, Buqtyrma sý qoımasyna sekýndyna 3308 tekshe metrge deıin sý quıyldy. Osyǵan oraı Buqtyrma GES-de sońǵy jarty ǵasyrda bolmaǵan sý jınalyp otyr.
Jalpy, О́skemen qalasy boıynsha Ertis sýynyń deńgeıi 300 mıllımetrge kóterilse qaýipti sanalady. Al qazir sý deńgeıi 413 mıllımetrge jetti. Oblys ákiminiń orynbasary sý alǵan saıajaılar ózen jaǵalaýyna jaqyn sý qorǵaý aımaǵyna ornalasqandyǵyn jetkizdi. Bul Zyrıan aýdanynda sý astynda qalǵan demalys bazalaryna da qatysty.
– Qazirgi kezde oblys ortalyǵyndaǵy sý basqan saıajaılardan 105 adam qaýipsiz jerge kóshirilip, qaladaǵy 5 mektep pen áleýmettik nysandarǵa bólinip ornalasty. Tıisti qurylymdar sý basqan aýmaqtarda jumys istep jatyr. Turǵyndarǵa kúrdeli jaǵdaı bolmaıtynyn, 4-5 kúnnen keıin jaǵdaı retteletinin aıtqym keledi. Jaǵdaı tolyǵymen qadaǵalaýda, – dedi D.Garıkov.
Dýman ANASh,
«Egemen Qazaqstan»
Shyǵys Qazaqstan oblysy