Kezekten tys saılaý zańy qoldaý tapty

Keshe Parlament Senatynyń kezekti plenarlyq otyrysy bolyp ótti.  Kún tártibinde Májilis maquldaǵan «Qazaqstan Respýblıkasynyń keıbir konstıtýsııalyq zańdaryna tolyqtyrýlar men ózgerister engizý týraly»  Konstıtýsııalyq zańnyń jobasy qaraldy. Otyrysty palata Tóraǵasy Qasym-Jomart Toqaev sóz sóılep ashty. «Qazaqstan Respýblıkasynyń Konstıtýsııasyna tolyqtyrý engizý týraly» Zań biraýyzdan qa­byldanǵanyn jáne onyń  qolda­nysqa engizilgenin, sonyń negizinde kezekten tys prezıdenttik saılaý ótkizýdiń zańdyq tetigi bekitilgenin Qasym-Jomart Kemel­uly erekshe atap ótti. Bul shara­nyń júzege asýy halqymyzdyń yntymaǵyn nyǵaıtýdyń birden-bir durys formýlasyn tapqan Elbasynyń ekshelgen sheshimi ar­qasynda múmkin boldy. «Elbasy retinde tanylǵan, Qazaqstandy ha­lyqaralyq bedeli zor, órke­nıet­ti memleketter qataryna qos­qan Prezıdent Nursultan Na­zarbaevty qoldaýdaǵy bizdiń qo­ǵamnyń myzǵymastyǵy men birligine álemdik qoǵamdastyqtyń kózi taǵy da jetti», – dedi Q.To­qaev. Prezıdenttiń sheshimi men Ata Zańymyzǵa tolyqtyrý men tıesili Konstıtýsııalyq zańdarǵa túzetýler engizý jónindegi usy­nysy, sondaı-aq «Bolashaqtyń irgesin birge qalaımyz» atty Joldaýy Qazaqstannyń demokra­tııa­lyq qundylyqtarǵa, ha­lyq­tyń ál-aýqatyn kóterýge baǵyt­talǵan ekonomıkalyq jáne saıası reformalardy odan ári jalǵas­ty­rýǵa degen berik ustanymyn kórsetedi. Tóraǵa, sonymen qa­tar, óz sózinde «Nursultan Nazarbaevtaı kemeńger ári jigerli Kóshbasshynyń jetekshiligimen memleketimizdiń jańǵyrtý stra­te­gııasy tabysty jalǵasyn ta­ba­dy»,  dep Senat depýtattarynyń atynan nyq senim bildirdi. Zań jobasy boıynsha depýtattar aldynda baıandamany Prezıdent Ákimshiligi Basshysynyń orynbasary Talǵat Donaqov ja­sa­dy. Zańdyq qujat elimizde kezekten tys prezıdenttik saılaý ótkizý múmkindigin kózdeıtin tú­ze­týdi iske asyrý bolyp taby­lady. Iаǵnı, «Qazaqstan Respýb­lı­kasyndaǵy saılaý týraly» jáne «Qazaqstan Respýblıka­sy­nyń Prezıdenti týraly» Konstı­týsııalyq zańdarǵa tolyqtyrýlar men ózgerister engiziledi. Tarqa­typ aıtqanda, zań jobasynda kezekten tys prezıdenttik saılaý Prezıdent sheshimimen taǵaıyn­dal­sa, sol kúnnen bastap eki aı ishinde saılaý ótkizilýi tıis. Son­daı-aq kezekten tys saılaýdan keıingi Prezıdenttiń kezekti saı­laýy bes jyldan soń taǵaıyn­dal­ǵan merzimde jarııalanady dep kútilýde. Budan basqa zańdyq qujatta kezekten tys saılaý ót­kizilgen jaǵdaıda Prezıdenttiń ant berýi prezıdenttik saılaý qo­rytyndysy jarııalanǵan kúnnen bastap bir aı ishinde ótkizi­le­tindigi qarastyrylǵan. Zań jobasy boıynsha sóz alǵan О́mirbek Baıgeldı «Nazarbaev fenomeni nede?», «El nege Elbasyny qoldaıdy?» degen pi­kirlerdiń aıtylyp júrgenine oraı jaýabynda onyń máni qıyn­shylyq kórgen halyqtyń Elba­symen birge eńse kótergeninde jatqandyǵymen túsindirdi. Elimiz qazirgi tańda aldyńǵy elder qataryna iligip otyr. EQYU-ǵa múshe keıbir elderdiń  kezdespeı jatqanyn kezdestirip, bas qosa bermeıtinderin jolyqtyrǵan Prezıdent kemeńgerligi men iskerligin dáleldep berdi, dedi senator óz sózinde. Budan keıin Rashıt Ahmetov, Iýrıı Kýbaıchýk, Edilbaı Iman­qulov, Serik Aıaǵanov jáne Erbolat Muqaev sóz sóıledi. Depýtattar óz sózderinde Prezıdent Nur­sul­tan Nazarbaevtyń kezekten tys prezıdenttik saılaý ótkizý týraly sheshiminiń oryndylyǵyn tilge tıek etti. Bul qadam Pre­zıdenttiń demokratııalyq prınsıpterge beriktigin, elimizdiń ta­ǵy bir tarıhı synaqtan súrinbeı ótkendigin kórsetedi. Elbasy Negizgi Zańymyzda kórinis tapqan qundylyqtardy basshylyqqa ala otyryp, qıyn jaǵdaıdan shy­ǵý­dyń ońtaıly jolyn taba alaryn taǵy bir dáleldedi. Depýtat­tar­dyń aıtýynsha, Nursultan Ábish­uly memlekettiń eń joǵary laýa­zym­dy tulǵasy retinde moral­dyq qasıeti basym ekendigin kórsete bildi. Ony Elbasynyń qanshama halyq qoldaý bildirgenine qaramastan, óz ókilettigin sozdyryp alýǵa moraldyq jáne zańdyq quqy bolsa da odan bas tartýynan kórýge bolady. О́ziniń bolashaq urpaq aldyndaǵy jaýapkershiligin sezine otyryp, Elba­sy naǵyz lıder jáne Konstıtýsııa kepili ekendigin dáleldeı bildi. Bul óz kezeginde kelesi keletin saıasatkerler úshin durys baǵyt usynatyn sabaq bolýǵa tıis. So­nymen qatar, Memleket basshy­sy­nyń bul qadamy Qazaqstan halqynyń birligi men turaq­ty­lyǵy jolyndaǵy demokratııaǵa degen adaldyǵyn da aıǵaqtaıdy. Osylaısha óz pikirlerin bildirgen senatorlar Májilis ma­qul­daýynan ótken «Qazaqstan Res­pýblıkasynyń keıbir Konstı­tý­sııalyq zańdaryna tolyqty­rý­lar men ózgerister engizý tý­ra­ly» Qazaqstan Respýblıkasy Kons­tıtýsııalyq zańyn qabyldady. Asqar TURAPBAIULY.