Qazaqstan aýyr atletteri Rıoǵa baratyn bolyp sheshildi

«mır24»

Dopıng janjalyna baılanysty dıskvalıfıkasııaǵa ushyraǵaly turǵan Qazaqstan aýyr atletteri Rıo-de-Janeıroda bıylǵy jylǵy tamyz aıynda ótetin jazǵy Olımpııalyq oıyndarǵa baratyn bolyp sheshildi. «Mır24» telearnasy habarlaǵandaı, Grýzııa astanasy – Tbılısı qalasynda ótken Búkilálemdik aýyr atletıka federasııasy atqarý komıtetiniń otyrysynda osyndaı sheshim qabyldanǵan. Atqarý komıteti osynda úsh kún boıy jabyq esik jaǵdaıynda jumys jasaǵan. Ondaǵylar bul ýaqyttyń bárinde jýrnalıstermen kezdesýden bas tartqan. Munda eń sońǵy sátke deıin Qazaqstan, Reseı jáne Belarýs aýyr atletteriniń Oıyndarǵa jiberiletin-jiberilmeıtin máselesi jan-jaqty talqylanyp kelip, aqyrynda ony bizdiń atletterdiń paıdasyna qaraı sheshti. «Olımpıadaǵa buryn belgilengendeı 10 emes, 8 sportshy barady. Mundaı shara bizdiń jaqyn respýblıkalarymyz Qazaqstanǵa, Belarýs pen Ázerbaıjanǵa da qatysty», dedi atqarý komıtetiniń reseılik múshesi Sergeı telearna tilshisine. Kongress jumysy aqyrǵy sátke deıin óte qaýyrt ta júıke juqartatyndaı dárejede ótken. Oǵan qatysýshylar ártúrli komandalardyń dopıng-janjaldary jaıyn búge-shigesine deıin talqylaǵan. Áńgime Beıjiń men London Olımpııalyq oıyndary kezinde alynǵan testiler týraly bolǵan. Burynnan belgili bolǵandaı,  úsh oń nátıje tutas komandany Oıyndardan shyǵaryp tastaýǵa jetkilikti edi. Damır Qojamqul.