20 mıllıard teńge

Elektrondyq úkimettiń tólem shlıýzi arqyly  ótken qarjy tólemderi osy kórsetkishten asty Osy aıda Qazaqstannyń elektrondyq úkimetiniń tólem shlıýzi arqyly ótken tólem­der somasy, júıeniń iske qosyl­ǵanynan beri, birinshi ret 20 mlrd. teńge belesinen asty. Onyń ishinde 5,5 mıllıardy qazaqstandyqtardyń osy jyl­dyń ishinde, jarty jylǵa jetpeıtin ýaqyt merziminde, eGov arqyly tólengenin atap ótken jón. Al 2015 jyl­dyń tólemder statıstıkasyn qaras­­­tyrsaq, olardyń kólemi 10 mlrd teńgeden asqan. Kóbinese elektrondyq úki­mettiń tólem shlıýzi arqy­ly ótken qarjyny jol qozǵaly­synyń erejelerin buzǵany úshin salynǵan aıyppul tólemderi quraıdy. Barlyq tólemderdiń 74 paıyzy nemese 15 mlrd. teń­ge­den astamy osy kórsetkish ese­binde. Jıi kezdesetin kelesi tólem túri – salyqtar men alym­dar – barlyq tólemderdiń 12 pa­ıyzyn qurady (2,3 mlrd. teńge). Úshinshi orynda – salyq­tar (7 paıyz nemese 1,4 mlrd. teńge). Osyǵan qosa, azamattar elektrondyq úkimet porta­lyn ózderiniń Turǵynúıqu­rylysjınaqbanki shottaryn toltyrý maqsatynda belsendi paıdalanýda. Barlyq tólem­derdiń 6 paıyzy nemese 1 mlrd. teńgeden astamy osy kórsetkish esebinde. Bıýdjetke tólengenin ras­taıtyn qujattardy talap etpeý maqsatynda elekt­ron­dyq úkimettiń tólem shlıýzi­niń ekinshi deńgeıdegi 21 bankpen ıntegrasııasy iske asy­rylǵanyn atap aıtqan jón. «Elektrondyq úkimettiń tólem shlıýzi» aqparattyq jú­ıesi Qazaqstanda 2010 jyl­dan beri jumys isteý­de. Onyń maqsaty – bank­ter men memlekettik organ­dar­dyń aqparattyq júıeleri­niń ıntegrasııasyn iske asyrý arqyly qoǵamdy, elek­t­ron­dyq úkimet sheńberinde kór­setiletin memlekettik qyzmetter úshin, elektrondyq tóleý qural­dary­men qam­tamasyz etý bolyp taby­lady. «Egemen-aqparat»