Parlament Senatynyń Tóraǵasy Qasym-Jomart Toqaev Senat bıýrosynyń otyrysyn ótkizdi, onda Májilisten túsken zań jobalary bólinip berildi, dep habarlady Senattyń baspasóz qyzmeti.
Halyqaralyq qatynastar, qorǵanys jáne qaýipsizdik komıteti Qazaqstan men Aýǵanstan arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly úkimetaralyq kelisimdi ratıfıkasııalaý týraly zań jobasyn pysyqtaýǵa jáne qorytyndy ázirleýge jaýapty bolyp belgilendi.
Qarjy jáne bıýdjet komıteti «Tólemder jáne tólem júıeleri týraly» jáne oǵan ilespe «Qazaqstan Respýblıkasynyń keıbir zańnamalyq aktilerine tólemder jáne tólem júıeleri máseleleri boıynsha ózgerister men tolyqtyrýlar engizý týraly» zań jobalaryna bas komıtet bolyp belgilendi.
Bıýroda palatanyń 2016 jylǵy 29 maýsymda bolatyn kezekti otyrysynyń kún tártibine usynystar da engizildi. Otyrysqa, atap aıtqanda, Qazaqstan men Reseı arasyndaǵy Jer qoınaýyn paıdalanýǵa arnalǵan egemendik quqyqtardy júzege asyrý maqsatynda Kaspıı teńizi soltústik bóliginiń túbin mejeleý týraly kelisimge Hattamaǵa ózgeris engizý týraly Hattamanyń ratıfıkasııasy engizildi. Senat odan basqa tólemder men tólem júıeleri týraly jáne zańnamaǵa tólemder men tólem júıeleri máseleleri boıynsha ózgerister men tolyqtyrýlar engizý týraly (birinshi oqylym) zań jobalaryn qaraıtyn boldy.