Bıliktiń qamy úshin emes, halyqtyń baǵy úshin

Jurtshylyqty jigerlendiretin joldaý Elimiz alǵan asýlar Elbasynyń esi­mimen tyǵyz baılanysty desek, bı­ylǵy Joldaý da, Úndeý de solaı. Sol sebepti de Joldaý men Úndeýge baı­lanysty oılarymyzdy Elbasy jaıly tolǵanys-tolǵaýmen bastaǵan­dy jón kórdik. О́mir – óte kúrdeli. Onyń qyry men syryn, muńy men jyryn bir bilse ómirde kóp jaılardy óz basynan ótkerip, kóńiline kóp túıgen ardagerler biledi. Elimizdegi aqylman aǵalarymyzdyń kóshbas­shy­sy Báıken Áshimov osydan birer jyl buryn «Egemen Qazaqstan» gazetine ber­gen «Azamattyń tileýin tileıik, aǵaı­yn» atty kólemdi de kórkem suh­batynda «alystan sermep, júrekten terbep» tolymdy oılar tolǵap edi. Suhbat­tasýshy jýrnalıst Saýytbek Abdrah­manovtyń salmaqty saýalda­ry­na oraı óziniń ómir jolyna sholý jasaı oty­ryp, búgini bekem, keleshegi kemel elimiz ben Elbasymyz jaıly aq­yl­man aqsaqalǵa tán salmaqty, salı­qaly oı­lar órbitken asa qadirli aǵa­myz bylaı dep edi: «Nursultan Ábish­ulynyń Mag­nıtkada gornovoı bola júrip, ottyń ortasynda shynyǵyp, shy­nyq­qany belgili. Elbasymyz so­ny­men birge san túrli adamdardyń, san túrli ulttardyń basy toǵysqan jerde ju­mys isteý arqyly da erekshe shy­nyqty. Eki qoǵam, eki júıe ony za­man­nyń kórigine salyp taǵy shy­nyq­tyrdy. Osynyń arqasynda biz qazir búkil álem biletin, alys ta jaqyn moıyndaıtyn, sanasatyn, syılaıtyn basshyǵa ıe bolyp otyrmyz». «El aman bolsyn, El baǵyna týǵan Er aman bolsyn» dep tolǵanǵan Báı­ken aǵanyń suhbattaǵy sózderi aıdaı anyq, shyǵar kúndeı shyn, shynaıy sóz. Elbasymyzdyń ol kisi sana­ma­la­ǵan «bilim, bilik, namyskerlik, kúres­kerlik, batyldyq, tabandylyq, alǵyr­lyq, tereńdik, keńdik...» atty asyl qasıetterin búginde alys, jaqynnyń moıyndaǵany taǵy ras. Biz aqıyq aǵa­myz aıtqan aqıqatty qýattaı otyryp, óz tarapymyzdan sol sózderge dálel retinde sońǵy jyldary Elbasy basta­ýymen júzege asqan uly isterdi atap ótýdi paryz sanadyq. Eń aldymen erekshe atap aıtary­myz, qaıtalap, qadap aıtarymyz – Nur­sultan Ábishuly Nazarbaev memleket qurýshy. Basqarý júıesi jolǵa qoıyl­ǵan baıaǵydan bar baı memleketti bas­qarý da ońaı emes. Kúl-talqany shy­ǵyp, qıraǵan ekonomıkasy qısaı­yp qal­ǵan elde jańadan memleket qu­rý qııamettiń qyl kópirindeı qıyn eke­ni anyq. Sol qıyndyqtan qııalap shyǵyp, táýelsiz Qazaq memleketin qu­rý – taqyr jerde taý turǵyzǵanmen birdeı. Halyq­tyń senimine ıe bolyp, eline arqa súı­egen Elbasynyń bul tarıhı uly isin onyń kemeńgerligi men erligi dep ba­ǵa­laý ádiletti bolmaq. Nursultan Áb­ish­ulynyń kemeńgerligi men erliginiń taǵy bir aıǵaǵy – qıyn kezde astanany Saryarqaǵa kóshirý, kóshirip qana qoı­maı on jylda jańa qala salǵany. Astana syndy ǵajaıyp qala salý ulttyń, onyń kósemi Na­zarbaevtyń uly erligi men kóregendigi. Nurekeńniń aldaǵyny anyq kóretin, alysty qapysyz bol­jaı­tyn kemeń­ger­liginiń myńnan bir mysa­ly som aı­maǵynyń temir qursaýynda qalmaı, tól teńgemizdi jasaý bolsa, ekinshi bir dáleli – Ulttyq qor qurýy. Sol Ult­tyq qordyń arqasy emes pe, daǵdarys kezinde de jasampaz isterdiń jalǵasyn taýyp jatqany. Aldanǵan úlesker­ler­di qamqorlyǵyna alyp, mol qarjy bergen, «Mádenı mura» syndy uly jobalardy iske asyryp jatqan Qazaq­stannan basqa qaı el bar?! Prezıdenttik bılikten, prezıdenttik-parlamenttik bılikke kóship, saıası refor­ma­lardy jemisti júrgizip, álem dinderin bir shańyraqtyń astyna jınap, ádil sóz aıtyp, EQYU-ǵa tóraǵa bolyp, Sammıt ótkizip, Astana Deklarasııa­syn qabyldaǵan da Qazaqstan. Iаdro­lyq qarýdan bas tartyp, álemge úlgi kórset­ken de, shekarany shegendep, ult­tyq altyn-valıýta qoryn alpys mıllıard­qa jetkizgen de Qazaqstan. Munyń bárin bárimiz de bilemiz. Kári tarıhtyń ózi tańǵalyp, tamsanǵan os­yndaı sanalýan jetistikterimiz jaıly aıtyp ta, jazyp ta júrmiz. Prezıdent bıylǵy Joldaýynda biz bile bermeıtin talaı tabystarymyzdy taǵy taıǵa basqan tańbadaı ap-anyq aı­typ berdi: «1994 jyly jan basyna shaq­qandaǵy ishki jalpy ónim jeti júz dollardan sál ǵana asatyn. 2011 jyl­dyń 1 qarashasyna qaraı bul kórset­kish 12 eseden artyq ósip, 9 myń AQSh dol­la­rynan asyp tústi. Biz bul deń­geıge tek 2015 jyly ǵana jetemiz dep eseptep edik. Álemdik tájirıbe táýel­sizdiktiń al­ǵash­qy 20 jylynda mundaı nátıjege esh­qan­daı el qol jetkize almaǵanyn kórsetedi. Mysaly, egemen damýdyń alǵashqy jıyrma jylynda jan basyna shaq­qan­daǵy ishki jalpy ónim Ońtústik Ko­reıada 3 ese, Malaızııada – 2 ese, Sın­gapýrda – 4 ese, Vengrııada – 5 ese, Polshada 4 ese ósken. Elbasy sózimen aıtsaq, bul «el ilgerileýiniń shoǵyr­lanǵan kórsetkishteri ǵana». Elge baıan etilgen bıylǵy Joldaý bir jyldyń emes, on jyldyń asa aýqymdy baǵyt-baǵdaryn belgilep ber­di. Bul – bir. Ekinshi erekshelik – bıylǵy Joldaý el Táýelsizdiginiń jı­yrma jyldyǵymen oraılas joldanyp otyr. Prezıdent Jarlyǵymen «Qazaq­stan Respýblı­ka­synyń Táýelsizdiginiń 20 jyldyǵy» dep jarııalanyp, «Beıbitshilik pen ja­sampazdyqtyń 20 jy­ly uranymen ót­kiziletin» 2011 jyl­dyń ereksheligi jaı­ynda da kókiregińe saqaǵa quıǵan qorǵasyndaı qona ketetin salmaqty oılar aıtylǵan. Úshinshi erekshelik – áleýmettik sala, sonyń ishinde TKSh burynǵydaı qaldyq saıa­satyna táýeldi bolmaı, arnaıy ınvestısııa bólý ar­qyly jańǵyryp, jańa qýatpen jar­qyraı túspek. Jańa ál­eý­mettik saıasat – áleýmettik jańǵyrý men odan ári jaqsarýǵa – halyqtyń ál-aýqatyn ny­ǵaı­týǵa qýatty serpin bergeli tur. «Men úsh asa mańyzdy memlekettik baǵdarlamalardy – bilim berý, densaý­lyq saqtaý jáne tilderdi damytý baǵ­darlamalaryn bekittim, – dedi Prezıdent. – Úkimetke ákimdermen birlese otyryp bıylǵy 1 mamyrǵa deıin my­nadaı qaǵıdatty túrde jańa baǵdar­la­malardy, ıaǵnı: jumyspen qamtýdyń jańa strategııasyn; turǵyn úı-kom­mýnaldyq sharýashylyqty jańǵyrtý; halyqty sapaly aýyz sýmen qamta­ma­syz etý baǵdarlamalaryn jasap, qa­byl­daýdy tapsyramyn. Bul baǵdarlamalar eldiń mıllıon­daǵan qarapaıym adamdarynyń kúnbe-kúngi máselelerin sheshýge baǵyt­tal­ǵan. Olar qazaqstandyqtardyń ómir sapasyn jaqsartady». Budan keıin «jańa áleýmettik saıa­sattyń basty aspektilerine naqtyraq toqtalǵan Prezıdent bylaı dep qadap aıtty: «Búginde damyǵan elderde 1 mıllıon turǵynǵa 1-den 6 joǵary oqý ornyna deıin keledi. Qazaqstanda bar­lyǵy 149 joǵary oqý orny bar. 200 ǵy­lymı keńes kandıdattar men dok­torlardy qalyptan quıǵandaı etip jasap shyǵaryp jatyr. 60 kandıdat­tyń 1-i jáne 37 doktordyń 1-i ǵana ǵylymǵa barady. Osy jyldan bastap ol ǵylymı keńesterdiń jumysy toq­ta­tylady. Budan bylaı magıstrlar men PhD doktorlar daıyndalatyn bo­lady. Biz ýnıversıtettik bilim berý men ǵylymdy damytýdyń jańa deń­geı­in qamtamasyz etýge mindettimiz». Bul da kóptiń kókeıindegi kókeı­kes­ti máseleni dóp basqan sóz. Ja­ýyn­nan keıingi sańyraýqulaqtaı qaptaǵan sany kóp, sapasy joq joǵary oqý oryndaryn, ásirese, jeke menshik jo­ǵary oqý oryndaryn qysqartý qajet-aq. «Kandıdattar men doktorlardy qa­lyptan quıǵandaı etip jasap shyǵa­ryp jatqan 200 ǵylymı keńesterden» bata alyp, jeke basynyń qýanyshyn bazarlap jatqandardyń birazy bılik­tiń bıik baspaldaǵynda júrgender ekendigi eshkimge jasyryn syr emes. Ǵylymda ashqan jańalyǵy turmaq aıtar oıy joq sol solqyldaq, sur tol­qynda mınıstrler men ártúrli deń­geıdegi ákim­der qatary endi olardyń orynba­sar­larymen tolassyz tolyǵyp jatqany ashynyp aıtar ashy shyndyq. Prezı­denttiń der kezinde aıtylǵan sózinen keıin qoǵamdy jaılap bara jatqan bul «aýrýdan» aıyǵarmyz degen úmittemiz. Prezıdenttiń 2015 jylǵa deıin ja­ńadan 400 mektep salynady degen habaryna qýana, bilim berýge qatysty oılaryn tolyq qýattaı otyryp óz tarapymyzdan Bilim jáne ǵylym mınıstrligine, onyń jańashyl, jańa, isker de bilikti basshysy Baqytjan Tursynuly Jumaǵulovqa aıtar tilek-talaptarymyz da bar. Olar: 1. Bilimge memleket bólip jatqan qyrýar qar­jynyń qaıtarymy mol bolsyn desek buryn 35 oqýshyǵa bir kompıýterden keletin kórsetkish búginde 18 oqýshyǵa bir kompıýterden keletin jetistikpen shektelip qalmaı, 2 oqýshyǵa bir kompıýterden keletin bıikke kóterilý qajet-aq! 2. Batys Eýropa elderinde bıýdjet qarjysymen bilim alatyn stýdentter sany on myń turǵynǵa shaq­qanda 300, Reseıde – 200. Bizdiń elimizde bar bolǵany 80 stýdent. О́r­ke­nıet kóshinde shań qaýyp qalmaý úshin osy sıfrlar tóńireginde de oılanyp, jedel shara qoldaný shart. Nursultan Ábishuly basymdylyq bergen «asa mańyzdy memlekettik úsh baǵdarlamanyń» ekinshisi – densaýlyq saqtaý. «Qazaqstan úshin kóliktik medısına óte kókeıkesti, sondyqtan biz ony damytatyn bolamyz. Bıylǵy jyly taǵy bir poıyz jiberiletin bolady. Jumylǵysh medısınalyq keshender-avtoklınıkalar sanyn 50 birlikke deıin jetkizý qajet. Olardy shyǵarý Qa­zaqstanda júzege asyrylýǵa tıis. Úki­metke 2015 jylǵa deıin sanıtarlyq avıasııa muqtajy úshin keminde 16 tik­ushaq uıymdastyrýdy qamtamasyz etýdi tapsyramyn. Sol sııaqty jol boı­yndaǵy medısınalyq-qutqarý pýnkt­te­rin qurý máselesin jedeldete qaras­ty­rýdy da tapsyramyn. Olardy respýb­lı­kalyq mańyzdaǵy joldardyń apat­tyq qaýipti ýchaskelerinde ornalas­ty­rý qajet», – dep atap kórsetti Elbasy. Kólik apaty oryn alǵan kezde myń­daǵan adamdardyń «ómirin qutqaryp qalatyn kóliktik medısına» máse­le­siniń de asa kókeıkesti ekendigi shyǵar kúndeı shyndyq. Sonymen birge Joldaýda: «Aýyl turǵyndary úshin me­dısınalyq kómektiń qoljetimdiligin keńeıtýge aıryqsha nazar aýdarý qa­jettiligimen birge «Qylmystyq atqa­rý júıesindegi týberkýlez ben VICh aýrýlary jáne odan bolatyn adam óli­mi deńgeıin tómendetýge», 2015 jylǵa deıin biryńǵaı densaýlyq saqtaý jú­ıe­sin tolyq aıaqtaýǵa kóp kóńil bó­lingeni de el oıynan shyǵary haq. Halyqtyń densaýlyǵy – memlekettiń baılyǵy ekendigin bir kisideı biletin Elbasy bul oraıda da kóptegen asa qundy oılar aıtty. Osy tusta Densaýlyq saqtaý mınıstri Salıdat Qaıyrbekovanyń qula­ǵyna altyn syrǵa joralǵysymen: Eń kedeı memleketterdiń biri Kýbadaǵy medısına Izraılmen ıyqtasqan jo­ǵary deńgeıde ári tegin ekendigin aı­typ, qýatty, jasampaz Qazaqstannyń solardan keıin turýy bardy uqsata almaýdyń saldary bolyp tabyla­ty­nyn eske sala keteıik. Memleket bas­shy­sy­nyń qamqorlyǵymen qarjydan kemdik kórmeı otyrǵan sala bas­shy­lary osy oryndy syndy eskerer dep senemiz. Bıylǵy Joldaýǵa zer salǵan halyq Elbasy bekitken tilderdi damytý baǵ­darlamasyna oraı alda atqarylar is­terdiń mańyzdylyǵymen birge asa aýqymdylyǵyn biraýyzdan qoldary sózsiz. Kezinde: «Qazaq qazaqpen qazaq­sha sóılessin», dep qadap aıtqan El­ba­symyz ana tiliniń qorǵaýshysy, qol­daý­shysy ǵana emes qamqorshysy da. Nursultan Ábishuly: «Qazaq tili odan ári damýy úshin barlyq kúsh-jige­ri­mizdi salýymyz kerek», degen sertteı berik sózinen taımaǵanyna Joldaý­da­ǵy tilge qatysty aıtylǵan: «Bizdiń mindetimiz – 2017 jylǵa qaraı memlekettik tildi biletin qazaqstandyqtar sanyn 80 paıyzǵa deıin jetkizý. Al 2020 jylǵa qaraı olar keminde 95 paıyzdy quraýy tıis. Endi on jyldan keıin mektep bitirýshilerdiń 100 pa­ıy­zy memlekettik tildi bilip shyǵatyn bolady. Ol úshin biz bárin de jasap jatyrmyz», – degen sózi aıqyn aıǵaq. Taıaý onjyldyqtaǵy strategııalyq jospardyń maqsattaryn saralaı kelip, salmaqty oı aıtyp, baǵdarsham syn­dy baǵdarlama jarııalap, halyq­tyń baǵy úshin úkimet pen jergilikti bı­likke naqty tapsyrmalar bergen bı­ylǵy Joldaýdyń aıtary anyq, boıaýy qanyq. Alda atqarylar jumystardyń aýqymy asa keń. Ol «Kedeıshilik pro­blemalaryn memlekettik járdemaqy arqyly jumsartý emes, naqty sheshýmen», sapaly aýyz sý máselesin túp­kilikti sheshý úshin, «úkimetke jeke kapıtaldy sý sharýashylyǵy sekto­ryna barynsha molynan tartý úshin yntalandyrýdyń tıimdi joldaryn qa­rastyrýdy tapsyrýymen», «jumyspen qamtýdyń jańa strategııasyn» belgileýimen... erekshelenip, kúrmeýi qatty kúrdeli ómirdiń san salasyn qamtydy. Prezıdent «Azamattardyń ómir sa­pasynyń ozyq kórsetkishi – turǵyn úı jaılylyǵynyń deńgeıi. Sońǵy on jylda turǵyn úı qory 30 mıllıon sharshy metrge ulǵaıdy. Bul búginde bir mıllıonnan astam azamat jańa páterlerde turady degendi bildiredi. Bul – bizdiń turǵyn úı saıasatymyzdyń mańyzdy nátıjesi», – deı kelip: «Sýmen, jylýmen, elektr jáne gazben qamtamasyz etý júıelerine keń aý­qymda jańǵyrtý júrgizip, sondaı-aq turǵyn úı qatynasynyń ońtaıly modelin qurýdy qamtamasyz etý qajet. Kúrdeli jóndeýdi qajet etetin ny­san­dardyń úlesi 32 paıyzdan 2015 jylǵa qaraı 22 paıyzǵa tómendeýi tıis. Jań­ǵyrylǵan júıe­lerdiń uzyndyǵy 2015 jylǵa qaraı el boıynsha tutastaı alǵanda 31 myńnan astam shaqyrymdy quraıtyn bolady», degen sózderi qat­ty unady. Bul mindetter oryn­dal­ǵanda tozyǵy jetken qa­zandyqtar da jańaryp, halyq qaqaǵan qysta ja­ryqsyz qalmasy anyq. Prezıdenttiń údemeli ındýstrııa­lyq-ınnovasııalyq jobalardy júzege asyrý baǵytynda atqarylatyn ister jaıly aıtqandary da kókeıge qo­nym­dy. Bir ǵana mysal, 2014 jylǵa deıin 294 iri ónerkásip oryndary ashylyp, 162 myń adam jumyspen qamtylmaq. Oǵan memleket segiz trıllıon teńge qarjy sa­lý­dy josparlap otyr. Meni, ásirese, úde­meli ındýstrııalyq-ın­no­va­sııalyq baǵ­dar­lama jobalarynyń al­tyn besik – aý­ylǵa qaraı bet túze­geni qatty qýantty. «Agrarlyq sektorda et beretin mal sharýashylyǵyn damytýda buryn bol­maǵan joba iske asyrylady. Biz sizdermen birge aýyl sharýashylyǵy úshin kóp nárse atqardyq jáne sonyń arqasynda qurǵaqshylyq jyldarynda da bizdiń astyq alqaptarymyz ónim­men qamtamasyz etedi», – degen El­basy endi qazaq qazaq bolǵaly mal sharýa­shy­lyǵyna zor mán beriletinin jáne aý­yl­daǵy jumyssyzdyq jaıyna basa nazar aýdarylatynyn atap ótti. «Bizdiń josparda 2016 jyldyń ózinde 4 mıllıon tonna astyq eksportyna teń keletin 60 myń tonna et eksport­taý kózdelýde. Bolashaqta bul sandar 180 myń tonnaǵa deıin artatyn bola­dy. Memleket buǵan kredıt qorl­a­ry­nyń 130 mıllıard teńgesin bóledi. Bul aýyldarda 20 myń­nan astam ju­mys ornyn ashýǵa jaǵdaı jasap, 1400 myńnan astam aýyl halqy úshin tabys kózin beredi», – degen Prezıdent bul sharalardyń barlyǵy mal­dyń barlyq tuqymdarynyń basyn kó­beıtýge sebin tıgizetinin atap ótti. Osynyń bári aý­ylsharýashylyq máshı­ne jasaý, hı­mııa­­lyq, tamaq ónerká­si­biniń, tehnıka­lardy jóndeý sııaqty óndiristiń aralas salalarynyń ósýine múmkindik beredi. «Mine, bul aý­yl­sharýashylyǵyn ındýstrııalandyrý bo­lyp tabylady. Úkimet pen barlyq óń­irdiń ákimderi osy aýyl sharýashylyǵy salasyn ın­dýstrııalandyrý másele­si­men aınaly­sýy kerek», – dedi Elbasy. Jasyratyn ne bar, búginderi aýyl sharýashylyǵy ónimi toqsanynshy jyl­­darmen salystyrǵanda, eki ja­rym ese kemidi. Elimizdegi maldyń sek­sen pa­ıy­zy jeke menshikte turǵan qazirgi jaǵ­daıda mundaı asa aýqymdy joba aýyl sharýashylyǵynyń jedel órken­deýine qýatty serpin bereri aıdan anyq. Beınelep aıtsaq, memleket – alyp báıterek, aýyl onyń tamyry. Tamyry sýalsa báıterek qulap qalady. Aýyl men aýyl sharýashylyǵy egiz. Birinsiz biri ómir súre almaıtyn bul ekeýinsiz memleket ósip, órkendeı almaıdy. Jan-Jak Rýssonyń: «Edınstvennoe sredstvo ýderjat gosýdarstvo – eto selskoe hozıaıstvo. Obladaı hot vsemı bogatstvamı mıra, eslı Vam nechem pıtatsıa – Vy zavısıte ot drýgıh» degen esti sózi búgin de asa aktýaldy. Sol sebepti de biz Nursultan Ábish­ulynyń aýylǵa qatysty kóregen saıa­sa­tyn qyzý qoldaı otyryp, basshyǵa da, qosshyǵa da aıtarymyz: Joldaýda aıtylǵan asa mańyzdy máseleniń biri – sybaılas jemqor­lyqpen kúres. Elbasynyń jemqor­lyq­­qa jol bergen sheneýnikterdi tizbelep aıtýy oryndy deı otyryp, so­lardyń atyn atap, túsin tústeýdi res­pýb­lıkanyń Bas Prokýrory Qaırat Má­mı, Qarjy polısııasynyń bastyǵy Qaırat Qojamjarov, Ishki ister mınıstri Serik Baımaǵambetov, Joǵarǵy Sot tóraǵasy Musabek Álimbekov, «Nur Otan» HDP janyndaǵy jem­qor­lyq­pen kúres jónindegi respýblı­kalyq qoǵamdyq keńestiń tóraǵasy, senator Oralbaı Ábdikárimov syndy bas­shy­larynan kútemiz. Quqyq qorǵaý oryn­darynyń basshylary birigip, jem­qor­lyqqa solqyldata soqqy bermese, dú­nıege toımaıtyn jemqorlar­dyń baı­lyǵynyń esebi joq, adal jumys istep júrgen eńbek adamynyń minerge esegi joq degenniń kebin kıip júre beremiz. Qoǵamnyń ózegine túsken bul dertti julyp tastamaı bilimi men eńbegine, talantyna sengen jeke tul­ǵa­nyń da, búgingiden de nurly bola­shaqqa batyl qadam basyp kele jatqan memlekettiń de juldyzy jan­baıdy. Tyńdar qulaq, uǵar júrek bolsa, Joldaýda aıtylmaǵan sóz qalǵan joq. Elbasy atap aıtqandaı: «Endi bar­ly­ǵy Úkimet pen jergilikti bılik organ­da­ry­nyń bul mindetterdi qalaı or­yn­­daı­ty­nyna, bul jumystyń qa­laı uı­ym­das­tyrylatynyna baıla­nys­ty bolmaq». Sózdiń kıesi men júıesin bir kisideı biletin Nursultan Ábishuly bı­ylǵy Joldaýynda: «Yrys yntymaqqa jolyǵady, dáýlet birlikpen toly­ǵa­dy», «Baq bererde elge yrys qonady, ustanǵan joly durys bolady» dep maqal da aıtty. «Otandy qaltqysyz súıý – onyń sýyǵyna shydap, ystyǵyna kúıýdi talap etedi. Meniń ǵumyrym el taǵdyrymen enshiles. Maǵan Sırat kópirindeı qylpyl­daǵan kezeńde táýelsizdik alyp, memleket qurý isi senip tapsyryldy. Sondyqtan, men senimge sert berip, bar jaýapkershilikti moınyma aldym. Kúrmeýi qıyn túrli taǵdyrly sheshimderdi júregimnen ótkizip qa­byl­dadym. Men 20 jyldan beri bar kúsh-ji­gerim men bilim, tájirıbemdi aıamaı, hal­­qyma qaltqysyz qyzmet etip kelemin. Osy jyldary mártebemizdi kóte­rip, mereıimizdi asyrǵan barsha jetistikterimiz – bizdiń ortaq tabysymyz. Sondyqtan, bastamashy azamattar men tilekshi bolǵan barsha qazaq­stan­dyqtarǵa rızashylyq bildiremin! Men úshin qashanda memleket múd­desi men el ıgiligi jolynda qyzmet atqarýdan artyq baqyt bolǵan emes. Aldymyzda atqarylar qyrýar ister bar. Bul jolda bizdiń eń basty baı­lyǵymyz – berekeli birligimiz. Men aýyzbirshiligi aınymaıtyn aq­jú­rek jurtymnyń qýatty ultqa, shý­aqty ulysqa aınalaryna kámil senemin», – dep aq júrekten aqtarylyp, halqyna jan syryn da symbaty bólek sulý, ishten shyqqan shynshyl, ishti sózben jaıyp saldy. Bıylǵy Joldaýdyń taǵy bir ereksheligi, artyqshylyǵy desek te jara­symdy – dástúrli shynshyldyǵynyń ajaryn asha túsken syrty nurly, ishi syrly osy syrshyldyǵy. Báıken Áshimovtiń sózimen aıtsaq: «El­basymyzdyń bergeni kóp, bereri odan da kóp. Nursultan qazir naǵyz kemeline keldi. Qaı jaǵynan da. Qandaı bıikten qaraǵanda da. Azamattyń tileýin tileıik, aǵaıyn! Tileýin tileý degen El­ba­symyz bastaǵan uly iske tirek bolýdan, qoldaý kórsetýden tanylýy tıis. Ejelden erlikti qadirlegen hal­qymyzdyń memleket muratyn bárinen joǵary qoıa­tynyna men senemin». Ish­ten shyqqan osy ishti sózge men de qosylamyn. О́z sózimen aıtqanda: «ǵumyry el taǵdyrymen enshiles», «qashanda memleket múddesi men el ıgiligi jo­lyn­daǵy qyzmet atqarýdan artyq baqyt bolǵan emes» deıtin, «taǵdyrly sheshimderdi júreginen ótkizip», «senimge sert berip, bar jaýapkershilikti moı­nyna alǵan», bıliktiń baǵy úshin emes, halyqtyń qamy úshin asqan bilgirlikpen jankeshti eńbek etip júrgen kemel oıly kemeńger kósem – Ult Kósh­bas­shysy Nursultan Ábishuly Nazar­ba­evtyń bıylǵy Joldaýdaǵy: «Bola­shaq­tyń irgesin birge qalaımyz» degen sózi júrekten shyǵyp, júrekke jetti. Sábıt DOSANOV, jazýshy, Qazaqstannyń eńbek sińirgen qaıratkeri, M.Sholohov atyndaǵy halyqaralyq syılyqtyń laýreaty.