Partııa baǵdarlamasy – fraksııa basymdyqtary

Keshe Parlament Májilisinde «Nur Otan» halyqtyq-demo­kra­tııalyq partııasy fraksııasynyń jınalysy ótti, dep ha­barlady Májilistiń baspasóz qyzmeti. Jınalysta Qazaqstan Respýb­lıkasynyń Prezıdenti Nursul­tan Nazarbaevtyń «Bolashaqtyń irgesin birge qalaımyz» atty Qa­zaqstan halqyna Joldaýynda aı­tylǵan tapsyrmalardy oryn­daý boıynsha fraksııanyń is-sha­ra­la­ry qaraldy. Elbasy Nursultan Nazarbaev­tyń 2011 jylǵy 28 qańtardaǵy Qazaqstan halqyna Joldaýynda aıtylǵan tapsyrmalardy oryn­daý boıynsha «Nur Otan» HDP Par­lament Májilisindegi frak­sııa­synyń mindetteri týraly negizgi baıandamany Parlament Má­jilisiniń Tóraǵasy, «Nur Otan» HDP fraksııasynyń jetekshisi Oral Muhamedjanov jasady. Kún tártibine sáıkes, «Nur Otan» HDP fraksııasynyń mú­she­leri «Nur Otan» HDP-nyń 2020 jylǵa deıingi baǵdarlamasy joba­sy­n jan-jaqty talqylady. Osy oraıda «Nur Otan» HDP fraksııa­sy jetekshisiniń orynba­sary Vladı­mır Nehoroshev baıandama jasady. *  *  * Jınalys qorytyndylary boı­ynsha qabyldanǵan fraksııa sheshimderinde Parlament Májilisi depýtattary – «Nur Otan» HDP fraksııasynyń múshelerine Joldaýda qoıylǵan mindetterdi or­yndaý boıynsha is-sharalardy iske asyrý jáne «Nur Otan» ha­lyqtyq-demokratııalyq partııa­sy­nyń XIII kezekti seziniń ju­my­syna belsendi túrde qatysý tapsyryldy. *  *  * Jınalysqa «Nur Otan» HDP hatshysy – partııanyń Ortalyq appa­ratynyń basshysy Sergeı Gro­mov, Prezıdent Ákimshiliginiń jáne Premer-Mınıstr Keńse­si­niń Qa­zaq­stan Respýblıkasy Parlamentindegi ókildikteriniń bas­shy­lary qatysty.