Mátibulaq polıgonyndaǵy manevr

Elbasy – Qazaqstan Respýblı­kasy Qarýly Kúshteriniń Joǵary Bas qolbasshysynyń tapsyrma­syna sáıkes áskerlerdiń jaýyn­gerlik daıarlyǵyna, olardyń da­lalyq jaǵdaıdaǵy jattyǵý deń­geıin joǵarylatýǵa, urys qımyl­daryn júrgizý ádisterin jetildirýge barynsha mán berilýde.  Osy­ǵan baılanysty aǵymdaǵy oqý jylynyń negizgi is-sharalarymen respýblıka Qarýly Kúshteriniń Qurlyq áskerlerinde jaýynger­lik daıarlyq boıynsha keń kó­lemdegi oqý-jattyǵýlar jalǵa­sýda. Máselen, qazirgi tańda qo­laısyz qysqy aýa raıyna qara­mastan, «Ońtústik» óńirlik qol­bas­shylyǵynyń jeke quramy qol­basshylyq basshysy general-maıor Álıhan Jarbolovtyń jetekshiligimen «Mátibulaq» polı­go­nynda urys qımyldaryn júr­gizýge jattyǵýda. Qurlyq áskerleriniń «Mátibu­laq» polıgony TMD aýmaǵyndaǵy eń iri polıgon bolyp tabylady. Onyń kólemi 160 myń gektardy quraıdy. Polıgonnyń úlken aý­maǵy artıllerııa men avıasııany qatystyra otyryp, keń kólemdegi taktıkalyq jattyǵýlardy ótkizý­ge tolyq múmkindik beredi. Atalǵan polıgonda óńirlik qolbasshylyqqa qarasty 35748-shi jáne 82796-shy áskerı bólim­deri shoǵyrlanǵan. 35748 áskerı bólimi jańadan qurylǵan qurama ekendigin atap ótken jón. Ol zamanaýı talaptarǵa saı jańa qarý-jaraq pen áskerı tehnıkamen tolyqtaı jasaqtalǵan. Bólimniń jeke quramy dalalyq lagerge uzaq joldy júrip jetti. Olar ózderi shoǵyrlanǵan Shymkent qalasynan «Mátibulaq» polıgo­nyna deıingi aralyqta jaýyn­gerlik tehnıkamen sherý jasady. Bul jaýyngerlik ázirlik salasyn­daǵy oqý-jattyǵýdyń negizgi shart­­tarynyń biri bolyp tabylady. Dál qazir polıgonda shoǵyr­lanǵan motoatqyshtar men tankshiler kez kelgen jaýyngerlik tap­syrmalardy oryndaýǵa saqa­daı-saı dese bolady. Olar ja­ýyngerlik maqsattaǵy aýdanǵa kel­gen kúnnen bastap, jattyǵý túrindegi urys qımyldaryn júr­gizý sharalaryn ótkizip jatyr. Sonymen birge 82796-shy ás­kerı bóliminiń jeke quramy da polıgonda jaýyngerlik daıarlyq boıynsha is-sharalar ótkizýde. Qarýly qaqtyǵystarda qarsy­lasqa oq jaýdyrý tapsyr­ma­synyń 80 paıyzyn artıllerııa oryn­daıdy. Osy artıllerııa­shy­lar «Má­tibulaq» polıgonynda moto­atqyshtar jáne tank bólim­derimen birlesip, oq jaýdyrý men ja­ýyngerlik is-áreketterde qoldaý kórsetý boıynsha oqý-ja­ýyn­gerlik tapsyrmalaryn oryndaýda. Oqýdyń jalpy maqsaty ár býyndaǵy komandırler men jeke quramǵa jaýyngerlik qımyldarǵa daıyndyq pen ony júrgizý tá­jirıbesin pysyqtaý bolyp ta­bylady. Munda tyldyq qam­tamasyz etý máselesine de erekshe nazar aýdarylyp otyr. Soǵystar men qarýly qaqtyǵystar tarıhy kórsetkendeı, dala jaǵdaıynda kıim-keshek, azyq-túlik, janarmaı, medısınalyq qamtamasyz etý sheshýshi ról atqarady. Oqý-jattyǵýlar ótkiziletin aýdandarǵa tyldyq, tehnıkalyq jáne medısınalyq qamtamasyz etý oryndary tolyqtaı jaı­ǵastyryldy. Osyndaǵy dalalyq naýbaıhana, kir jýý orny, monsha talapqa saı. Sherýden soń oqý-jat­tyǵý­lar­ǵa qatysýshylar naqty ja­ýyngerlik is-áreketterge daıar­lyq­ty bastady. Odan keıin sarbazdar jattyǵý túrindegi qarsy shabýyl men jaýyngerlik atysty qoldaný arqyly qorǵaný urystary ótkiziletin mekenge shyǵady. Oqý-jattyǵýlardy ótkizý kezinde jaýyngerlik tártipke, atys júıesine, aımaqty durys qoldaný qabiletine, atys, soqqy men manevrlerdi saýatty úılestirýge úlken kóńil bólinedi. Aqpan aıynyń ortasynda osy «Mátibulaq» polıgonynda brı­gadalyq-taktıkalyq jat­ty­ǵýlar­dyń sheshýshi kezeńi ótetin bolady. Oǵan Qurlyq ásker­leriniń desanttyq-shabýyldaýshy, mehanıkalandyrylǵan jáne ar­tıl­lerııalyq brıgadalary qa­tysyp, naqty jaýyngerlik atys­tardy pysyqtaıdy. Muharbek MAHAMBET, podpolkovnık Qorǵanys mınıstrligi baspasóz qyzmetiniń ókili.