Jaqsy tilek, jarasymdy qurmet

Azııa oıyndarynda qazaq­standyq­tardyń jeńip alǵan 70 medaliniń teń jartysy kendi Altaı sheberleriniń úlesine tıesili. Almaty men Astanada ótken Aq Azıadaǵa Shyǵys Qazaqstan ob­ly­synan 47 sportshy attanǵan edi. Onyń ishinde: shańǵy jary­synan 6, taý shańǵysynan 1, bıatlonnan 4, frıstaıl boıynsha 4, qysqy sporttyq baǵdarlaýdan 3, qyzdar arasyndaǵy shaıbaly hokkeıden 5, dopty hokkeıden 1 adam qatysty. Hokkeıden Qazaqstan quramasynyń sapynda júrgen jigitterimiz taǵy bar. Jerlesterimiz namysty janyp, 15 altyn, 11 kúmis, 7 qola barlyǵy 33 medalǵa ıe boldy. Shyǵys Qazaqstan oblysynyń ákimi Berdibek Saparbaev el namysyn joǵary ustap, aıshyqty básekelerde top jarǵan sańlaq­tarǵa el esinde qalarlyqtaı qur­met kórsetti. Charterlik reıspen top jarǵan sportshylarmen birge qazaqtyń dańqty balýany Dáýlet Turlyhanov, ánshi Roza Rymbaeva, aqyn Ulyqbek Es­dáýlet birge ushyp keldi. О́ńir basshysy Berdibek Máshbekuly 33 medaldi qorjynǵa salǵan jerlesterimizdi áýejaıda qarsy alyp, qut­tyq­taǵan soń aıshyqty top orta­lyqtaǵy Respýblıka ala­ńyna bet aldy. Bul jerde 5 myńǵa jýyq óskemendikter úki­legen úmitti aq­tap, baı­ra­ǵy­myz­dy kókke kóter­gen sańlaqtardy kútip turǵan. Roza Rymbaeva, Erbolat Qudaı­ber­gen, basqa da ánshiler sahna tó­rinde án shyrqady. – Kendi Altaıdyń sport­shy­lary baıraqty básekelerde únemi top jaratyny belgili. Olımpıada chempıony Borıs Aleksandrov, muhıttyń arǵy jaǵynda óner kórsetip júrgen ataqty hokkeıshilerimiz el maqtanyshy. Azııa oıyndarynda shańǵyshy Alekseı Poltoranın 4 altyn, 1 qola medaldi, Oksana Iаskaıa men Elena Kolomına árqaısysy 2 altyn, 2 kúmis, 1 qolany jeńip alsa, frıstaıldan Iýlııa Galysheva 2 altyn, 1 kúmis, Dmıtrıı Barmashov 1 al­tyn, 1 qola, Dmıtrıı Reıherd 1 al­tyndy jeńip aldy. Sonymen birge, bıatlonnan Olga Poltoranına, Inna Mojevıtına, Iаn Savıskıı árqaısysy bir-birden al­tyn alqany ıelendi. Qysqy sport­tyq baǵdarlaý boıynsha jer­lesterimiz, altyn, kúmis, qo­lasy bar 8 alqany omyraýlaryna taqty. Taý shańǵysy sportynan da 5 medalǵa ıe boldyq. Jer­lesterimizdiń bul jeńisti jol­dary endi 3 jyldan keıin Re­seıdiń Sochı qalasynda ótetin Aq Olımpııa oıyndarynda jalǵassa degen nıettemiz, – dedi oblys ákimi B.Saparbaev. Budan keıin sahna tórine je­ńimpazdar shaqyryldy. О́ńir bas­shy­sy A.Poltoranın, O.Iаskaıa, E.Kolomına, Iý.Galyshevaǵa sý jańa shetel kólikterine qosa qo­maqty qarjy usyndy. Atap aıtqanda, Alekseıdiń bir ózi 2 mln. 200 myń teńgeniń ser­tı­fı­katyn aldy. Basqa sportshylar men jeńimpazdardyń bapkerleri de syıaqyǵa ıe boldy. Odan keıin túngi О́skemen aspanynda ot shashý shalyqtap, ásem ánge kezek berildi. Ońdasyn ELÝBAI, О́skemen.