Egıpet prezıdenti Hosnı Mýbarak Kaırdegi qaqtyǵystardy tergeý boıynsha táýelsiz komıssııa qurý jóninde tapsyrma berdi, dep habarlady «Rossııa-24» telearnasy. Onyń mindeti – ereýilshilerge qarsy qoldanylǵan zańǵa qaıshy degen áreketterdi barynsha obektıvti túrde zertteý.
Sonyń aldynda jańa mınıstrler kabınetiniń birinshi otyrysy ótip, úkimet memlekettik qyzmetshilerdiń eńbekaqylaryn 15 paıyzǵa ósirý jóninde sheshim qabyldady. Onyń syrtynda komendanttyq saǵattyń ýaqytyn qysqartý týraly da sheshim qabyldandy. Kaırdegi narazy toptardyń sany qazir burynǵydaı kóp emes. Adamdar qalypty ómirlerine qaıta oralýda.
Ońtústik Sýdan egemendigin shildede tanymaq
AQSh prezıdenti Barak Obama Ońtústik Sýdannyń egemendigin 2011 jyldyń shildesinde tanıtyndyǵyna ýáde berdi. Ol afrıkalyq eldi referendýmdy tabysty ótkizýimen quttyqtady, dep habarlady «Assosheıted Press» agenttigi.
Eldiń táýelsiz eki memleketke bólinýi 2011 jyldyń 9 shildesine belgilengen. Oǵan deıin taraptar eldi bólýdiń sharttarymen kelisip, atap aıtqanda, shekarany belgilep, sonymen birge Sýdan munaıynyń tórtten birinen astamy óndiriletin Abeı shekaralas aýdanynyń kimge tıetinin anyqtaýlary kerek.
Rýmynııa 5 mıllıard eýro kómek almaqshy
Halyqaralyq valıýta qory men Eýropa odaǵy Rýmynııaǵa 5 mıllıard eýro kóleminde nesıe bólmek nıette, dep habarlaıdy «Assosheıted Press». El prezıdenti Traıan Beseskýdiń aıtýynsha, turaqtandyrý kredıti kútpegen jaǵdaılar týa qalǵan sátter úshin qajet bolmaq.
Rýmynııa HVQ, Búkilálemdik bank jáne Eýroodaqpen 20 mıllıard eýro kredıt alý jóninde 2009 jyldyń mamyrynda ýaǵdalasqan bolatyn. Biraq eldegi saıası daǵdarysqa baılanysty 2010 jyldyń qarashasynda qarjylandyrý toqtatylyp, bıylǵy qańtardan ol qaıta bastalyp otyr.