Reseıdiń belgili prankerleri Vovan men Leksýs Búkilálemdik antıdopıng agenttiginiń (WADA) basshysy Kreıg Rıdı men AQSh antıdopıng agenttiginiń jetekshisi Trevıs Taıgertke telefon shalyp, Reseı sportshylaryn sharpyp jatqan dopıng janjalynyń taza saıası maqsattan týyndaǵanyn anyqtady. Bulardyń sońǵysy osy tekseristiń júrgizilýine ózi tikeleı muryndyq bolǵan eken.
Prankerler atalmysh tulǵalarǵa Ýkraına sport mınıstri Igor Jdanovtyń atynan shyqqan. Áńgime barysynda Kreıg Reseıde 2006-2015 jyldary antıdopıngi ortalyǵyn basqarǵan Grıgorıı Rodchenkovtyń The New York Times gazetine bergen suhbaty osy daýdyń jalǵyz ǵana aıǵaǵy ekenin ashyp aıtqan. Odan basqa eshqandaı derek bolmaǵan. Buǵan qosa, ózin Ýkraına sport mınıstriniń ózimen sóılesip otyrmyn dep oılaǵan Trevıs Taıgart sóziniń basynda Reseı Federasııasy sportshylaryn barlyq jarystardan shyǵaryp tastaý kerek ekenin aıta otyryp, «bul saıasat qoı, dosym» degendi qystyryp qoıǵan.
NTV telearnasy arqyly júrgizilgen prankerlerdiń telefon shalýlary kezinde mıllıondaǵan kórermen dopıng daýynyń osylaısha eshqandaı negizsiz, qoldan uıymdastyryla salǵanyna kóz jetkizdi.
Eske sala keteıik, Reseı sportshylarynyń qatysýlarymen kóterilgen dopıng janjaly ótken jyldyń qarasha aıynan bastaý alady. Ol Kanadaǵa qashyp ketken Rodchenkovtyń atalǵan basylymǵa bergen suhbatynan keıin qozǵaldy. Al bul maman sol suhbatta Sochı Olımpıadasy kezinde Reseıdiń medal alǵan 15 sportshysy dopıng paıdalandy, degendi aıtqan bolatyn. Biraq ol muny naqty derekpen dáleldep bergen joq.
Bul daý-shardyń aıaǵy Qazaqstannyń da birqatar sportshylaryn qamtyp ótti. Sonyń nátıjesinde Beıjiń jáne London Olımpıadalarynda altyn medal alǵan 4 sportshymyz Rıoǵa bara almaıtyn bolyp otyr.
Damır QOJAMQUL
https://youtu.be/cNkWlgTH5Kc