«Egemen Qazaqstan» Respýblıkalyq gazeti» AQ basqarmasynyń tóraǵasy Darhan Qydyráli jazýshy, memleket qaıratkeri Ábish Kekilbaıulynyń qara shańyraǵyna arnaıy baryp, Klara apaımen kezdesti.
«Búgin Ábish aǵanyń úıine kirip shyqtyq... Araıly azattyqtyń alǵashqy jyldarynda basylymnyń basshysy bolǵan abyz aǵa "Egemendi" degen sózdi "Egemen" dep ózgertip, gazettiń búgingi ataýynyń qalyptasýyna yqpal etken eken. Abzal aǵa Túrki akademııasyn da jaqsy kórdi, jaqyn tartyp, barlyq irgeli sharalarymyzdyń tórinde otyrdy. Ábish aǵany qatty saǵynyppyz... Aǵamyzdyń arýaǵyna Quran baǵyshtap, aqtyq saparǵa attanǵan kabınetinde tynystap, maýqymyzdy bastyq... Klara apaı aǵyl-tegil áńgime aıtty... Buıyrsa, kezinde ózi basqarǵan ujym retinde Ábish aǵanyń mol muralaryn túgendeý isine barynsha atsalysamyz. Kitapxanasyn ashý, Egemende jaryq kórgen maqalalaryn kitap etip bastyrý, qarymdy pýblısısterge arnaıy syılyq taǵaıyndaý jáne taǵy basqa sharalardy atqarý jaǵyn oılastyryp otyrmyz. Jatqan jerińiz jaıly, máńgilik mekenińiz peıish bolsyn jan aǵa - Alashtyń abyzy...», – dep jazdy Feısbýktegi paraqshasyna D.Qydyráli.