Elbasy qoǵam qaıratkeri, Uly Otan soǵysynyń ardageri Sultan Jıenbaevpen kezdesti, dep habarlady Prezıdenttiń baspasóz qyzmeti.
Nursultan Nazarbaev kezdesý barysynda S.Jıenbaevqa qoǵamdyq jáne etnosaralyq kelisimdi ornyqtyrýǵa, el halqynyń birligin nyǵaıtýǵa qosqan aıryqsha úlesi úshin Memlekettik beıbitshilik jáne progress syılyǵyn tabys etti.
Qazaqstan Prezıdenti S.Jıenbaevqa áskerı erligi men eldiń damýy jolyndaǵy aıanbaı etken eńbegi úshin alǵys aıtyp, alǵan marapatymen quttyqtady.
– Siz ótken ǵasyrdyń qıyn kezeńderiniń kýási boldyńyz. Uly Otan soǵysyn bastan aıaǵyna deıin ótkerdińiz, odan keıin Qazaqstan ekonomıkasyn órkendetý jolynda qyzmet ettińiz. Táýelsizdik jyldarynda elimizge baǵa jetpes qoldaý kórsettińiz. О́tken ómirińizdi aıta otyryp, jastardy tárbıelep kelesiz. Bul týraly barshamyzǵa aıan, az aıtylyp, az jazylǵan joq. Búginde Sizdiń bıik azamattyq qasıetterińiz barsha Qazaqstannyń qurmeti men qoshemetine laıyq, – dedi Memleket basshysy.
Nursultan Nazarbaev Uly Otan soǵysynyń ardagerine zor densaýlyq pen baqyt tiledi.
S.Jıenbaev respýblıkanyń qalyptasýy men damýyndaǵy Qazaqstan Prezıdentiniń jeke eńbegine toqtaldy jáne óz qyzmetin joǵary baǵalaǵany úshin alǵys aıtty.
Sýretterdi túsirgender
S.BONDARENKO, B.OTARBAEV