[caption id="attachment_53020" align="aligncenter" width="560"] Foto: rbc.ru[/caption]
Lıvııanyń jaǵalaýynan ótken aptanyń sońǵy kúnderi 87 adamnyń jansyz denesi tabyldy. Jergilikti sheneýnikterdiń aıtýynsha, bosqyndar 5-6 kún buryn sýǵa batyp ketken.
Osyǵan deıin eriktiler Sabrata qalasyndaǵy jaǵajaıdan 41 mıgranttyń máıitin tapqan edi. rbc.ru aqpary boıynsha, olardyń basym bóligi Italııaǵa úrlengen qaıyq arqyly jetip almaqshy bolǵan eken.
Taıaý Shyǵysta azamat soǵysynyń órshýine baılanysty jan saýǵalap qashqan zańsyz mıgranttar kún sanap artyp keledi. Halyqaralyq kóshi-qon uıymy osyǵan deıin jyl basynan beri 3694 bosqynnyń sýǵa ketkenin habarlady.
Aıta keteıik, ótken aıdyń sońynda Birikken Ulttar Uıymynyń bas hatshysy Pan Gı Mýn Jerorta teńizinde aı saıyn 450 adamnyń opat bolatynyn málimdegen bolatyn.
Aıan ÁBDÝÁLI