Taldyqorǵan qalasynda memleket-jekemenshik áriptestigi aıasynda 125 oryndyq jańa balabaqsha ashyldy. «Elordamyzdyń kámelet jasqa tolýyna oraılastyrylyp ashylǵan bul balabaqsha zaman talabyna saı jabdyqtalyp otyr. Negizi Almaty oblysynyń ortalyǵynda memlekettik saıasatqa saı jańadan ashylýy josparlanǵan 12 balabaqshanyń úshinshisi. Munda barlyq jaǵdaılar jasalǵan. Yńǵaıly da taza bólmelerdiń barlyǵyna beınekameralar ornatylǵan», dedi Taldyqorǵan qalasynyń ákimi Baǵdat Qarasaev.
Búgingi kúnge deıin Taldyqorǵan qalasynda mektepke deıingi 50 mekeme jumys isteýde. Sol mekemelerdiń 16-sy ǵana memlekettik bolyp sanalady. Bul bıznesmenderdiń memleket-jekemenshik áriptestigine erekshe kóńil bólip, qyzyǵýshylyq tanytyp otyrǵanyn bildiredi. Taǵy bir aıta keter jaıt, osy jańa balabaqshany ashýmen birge taldyqorǵandyqtar úshin 37 jumys orny da paıda bolyp otyr. Bıznesmender tarapynan erekshe qarqynmen qolǵa alynǵan bul shara halyqtyń da kóńilinen shyǵýda.
Nurbol ÁLDIBAEV,
«Egemen Qazaqstan»
TALDYQORǴAN