[caption id="attachment_53080" align="aligncenter" width="560"] Foto: kp.ru[/caption]
Japonııanyń Kanagava prefektýrasyndaǵy Sagamıhara qalasynda bir adam múgedekter úıine basa-kóktep kirip, pyshaqpen shabýyl jasaǵan. Saldarynan 19 adam qaza taýyp, 20 adam túrli jaraqat aldy. Dárigerler olardyń tórteýiniń jaǵdaıy tym aýyr ekenin málimdedi.
Al NHK telearnasynyń málimetinde zardap shekkender 45 adam ekeni aıtylady.
«Er adam múmkindigi shekteýli jandarǵa arnalǵan mekemege shabýyl jasady. Polısııa 19 adamnyń opat bolǵanyn, sondaı-aq 45-i zardap shekkenin málimdedi», – dep habarlady NHK telearnasy. Oqys oqıǵa Tokıoǵa jaqyn jerdegi «Sýkýıdegi lala gúlder» múgedekter ınternatynda oryn aldy.
Qandy áreketin júzege asyrǵannan keıin kúdikti polısııaǵa qarsylaspaı, óz erkimen berilgen. RIA «Novostı» aqparat agenttiginiń habarlaýy boıynsha, ol – 26 jastaǵy er adam. Dál osy ınternatta úsh jyl qyzmet etip, jarty jyl buryn óz qalaýymen shyǵyp ketken. Búginge deıin jumyssyz júripti.
Aıan ÁBDÝÁLI