Halyqaralyq qujattar qoldaý tapty

Keshe Parlament Senatynyń Tóraǵasy Qasym-Jomart To­qaev­tyń tóraǵalyǵymen palatanyń kezekti plenarlyq oty­rysy boldy. Onda birqatar halyqaralyq zańdyq qujattardy ra­tıfıkasııalaýǵa arnalǵan zań jobalary qaraldy. Aldymen depýtattar Joǵarǵy Sot sýdıasy qyzmetine Saılaýbek Ábildauly Jákishevti saılaý týraly Prezıdent usynysyn qarady. Sýdıalyqtan úmitkerge bir ǵana suraq qoıyldy, oǵan durys jaýap berildi. Sondyqtan da depýtattar onyń kandıda­tý­rasyn laıyq dep tapty. «1968 jylǵy 8 qarashada Venada qol qoıý úshin ashylǵan Jol belgileri men sıgnaldary týraly konvensııany tolyqtyratyn Eý­ro­palyq kelisimdi ratıfıkasııalaý týraly» jáne «1968 jylǵy 8 qarashada Venada qol qoıý úshin ashylǵan Jol belgileri men sıg­naldary týraly konvensııany to­lyq­tyratyn Eýropalyq kelisimge Jol tańbalary týraly hatta­many ratıfıkasııalaý týraly» zań jobalary biraýyzdan qa­byl­dandy. Kelisim maqsaty – jol júrisi qaǵıdalaryn bir izge túsirý, jol júrisi qaýipsizdiginiń joǵary deńgeıi men qorshaǵan ortany qorǵaýdy qamtamasyz etý. Atalǵan zańdyq qujatty bekitý jol júrisin uıymdastyrý sa­lasyndaǵy talaptardy halyq­ara­lyq standarttarǵa sáıkes­ten­di­rý­ge yqpal etýi tıis. Al hattama bolsa, jol tańbalaryna qatysty qaǵıdalardy birdeılendirýge múm­kindik beredi. Keltirilgen málimetterge qaraǵanda, álemde jyl saıyn jol apatynan 1 mıllıonnan astam adam qaza tapsa, 50 mıllıony ár túrli deńgeıdegi dene jaraqattaryn alady eken. Elimizde sońǵy 10 jylda 122 myń jol-kólik oqıǵasy tirkelgeni, onda 25 myń adamnyń ómiri qıylǵany, taǵy 151 myńnan as­tamynyń túrli jaraqattar alǵan­dyǵy da kóldeneń tartyldy. Elimiz ben kórshiles Qyrǵyz­stan úkimetteri arasyndaǵy Astana men Bishkek qalalarynda eki el elshilikteriniń qajettilikteri úshin ǵımarattar men jer ýchaskelerin ózara óteýsiz paıdalanýǵa berýge qatysty kelisimdi ratıfıkasııalaý týraly zań jobasy bir­aýyzdan depýtattar qoldaýyna ıe boldy. Zań jobasy boıynsha qo­symsha baıandama jasaǵan Halyq­aralyq qatynastar, qorǵanys jáne qaýipsizdik komıtetiniń mú­shesi О́mirbek Baıgeldı  endigi jer­de elshilikterge qajetti jer telimderi men ǵımarattardy sa­typ alǵannan góri, olardy aýysý arqyly júzege asyrsa, degen oıyn ortaǵa saldy. Kún tártibindegi sońǵy másele boıynsha Aýyl sharýashylyǵy mı­nıstri Aqylbek Kúrishbaev qys­qasha baıandama jasap ótti. Zań jobasy «2009 jylǵy 11 jel­toq­sandaǵy Keden odaǵynyń veterı­narlyq-sanıtarlyq sharalar jó­nin­degi kelisimine ózgerister engizý týraly hattamany ratıfıkasııalaý týraly» dep atalady. Hattama maqsaty veterınarııalyq ba­qy­laýǵa jatatyn taýarlarmen halyqaralyq saýdadaǵy ákimshilik kedergilerdi joıý, ruqsat berý fýn­ksııalaryn jeńildetý jáne taǵysyn taǵylar. Osy rette ba­qylaýdaǵy taýarlardy óndirýdi, qaıta óńdeýdi jáne saqtaýdy jú­zege asyratyn uıymdar men tul­ǵalarǵa birlesken tekserister júrgizý múmkindigi berilip otyr. Zań jobasy tolyqtaı qabyl­dandy. Asqar TURAPBAIULY.