[caption id="attachment_53489" align="aligncenter" width="560"] inform.kz[/caption]
Búgin Almatydaǵy Esentaı ózeninde, Tımırııazev kóshesiniń tómengi jaǵynda belgisiz adamnyń denesi tabylǵan. Kóp uzamaı ol Safar Shákeevtiń máıiti ekeni anyqtaldy. Osyǵan baılanysty Almaty qalalyq ishki ister departamentinde arnaıy brıfıng ótkizildi, dep habarlady inform.kz.
«Tabylǵan máıittiń ish kıimi jáne shalbary bolǵan. Qaltasynan ámıáni jáne qujattary tabyldy. Sol arqyly onyń Almatyda 16 shildede joǵalyp ketken Safar Shákeevtiń denesi ekeni anyqtaldy. Bul aýmaqta súńgýirler buǵan deıin talaı ret izdeý jumystaryn júgizgen bolatyn. Biraq jıi bolǵan nóser jaýyndar tolyqqandy izdeý sharlaryn júrgizýge kedergi keltirdi. Qazir, boljam boıynsha, Safar Shákeevtiń óli denesi osy ýaqyt ishinde Esentaı ózeniniń baspaldaq tárizdi kaskadtarynyń biriniń astynda tirelip, qalyp qalǵan bolýy múmkin», – dep málimdedi qalalyq ishki ister departamentiniń baspasóz hatshysy Saltanat Ázirbek.
Sonymen qatar, onyń aıtýynsha, Esentaı ózeninde belgisiz adamnyń denesi sý betine qalqyp shyqqany týraly alǵashqy habar búgin shamamen 11.00- de kelip túsken. Sol mezette súńgýirler aıtylǵan jerge kelip, izdeý sharalaryn júrgizedi.
Biraq ózende sý deńgeıiniń bıiktigi jáne aǵysynyń qattylyǵy saldarynan deneni birden tabý múmkin bolmaǵan.
«Qazir Safar Shákeevtiń qandaı sebepten kóz jumǵanyn anyqtaý maqsatynda tıisti sot-medısınalyq saraptamalar taǵaıyndaldy», - dedi S. Ázirbek.
Esterińizge sala ketelik, 16 shilde kúni keshki 22:00-de Medeý aýdandyq ishki ister basqarmasyna 1991 jyly týǵan Safar Shákeevtiń iz-tússiz joǵalǵany jaıly aryz kelip túsken edi.
Sodan beri belgili kompozıtor Erkesh Shákeevtiń uly Safar Shákeevti izdeý sharasyna 170-ten astam adam qatysty.