Armenııa astanasy – Erevan qalasynda taǵy da narazy jurttyń sherýleri júrip jatyr. Ol budan eki apta buryn polısııa polkin qarýly toptyń basyp alýynan bastaý aldy.
«Interfaks» aqparynsha, qazir polısııa men narazylar qaqtyǵystary saldarynan zardap shekkender sany 60 adamnan asyp ketti.
Eldiń densaýlyq saqtaý mınıstrliginiń baspasóz hatshysy Anaıt Aıtaıannyń aıtýynsha, «Sýrb Grıgor Lýsavorıch» medısınalyq ortalyǵyna 42 zardap shegýshi, sonyń ishinde aýyr jaraqat alǵan 4 adam jetkizilgen. «Erebýnı» medısınalyq ortalyǵyna 12 adam tússe, olardyń bireýi ólim hálinde jatyr.
Budan buryn sherýshilerdi qýyp taratý barysynda eki polıseıdiń soqqyǵa jyǵylyp, birneshe adamnyń jaraly bolǵandary habarlanǵan edi.
Armenııa quqyq qorǵaý organdarynyń qyzmetkerleri narazy topty 29 shilde, juma kúni keshke munyń aldynda búlikshiler basyp alǵan polısııa polki ǵımaraty mańynan qýyp shyqqany jetkizilgen bolatyn. Sol súrginde 50 adam qamaýǵa alyndy.
Oqıǵanyń basy budan eki apta buryn qarýly adamdardyń Erevandaǵy Erebýnı aýdanynda ornalasqan polısııa polki ǵımaratyna basyp kirgeninen keıin óris alyp ketti. Polısııaǵa shabýyl jasaýshylar 7 táptip saqshyny kepilge aldy. Radıkaldar oppozısıoner Jıraır Sefılıandy qulyp astynan bosatýdy, prezıdent Serj Sargsıannyń otstavkaǵa ketýintalap etti.
Murat AITQOJA