9 aqpanda Aqordada Memleket basshysy Nursultan Nazarbaev «Glencore International AG» kompanııasynyń bas dırektory Aıvan Glaızenbergti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Áńgime barysynda eki jaqty yntymaqtastyqtyń birqatar máseleleri talqylandy.
Kezdesý kezinde biz «Glencore» kompanııasynyń Qazaqstandaǵy ınvestısııalyq jobalaryn, elde bizdiń qyzmetimizdiń aıasyn keńeıtý máselesin talqyladyq. Jaqynda biz «Qazmyrysh» AQ kásipornyna mys qorytý jabdyqtaryn ornatyp, 850 mıllıon AQSh dollary kóleminde ınvestısııa tarttyq. Jabdyqtar osy jyldyń naýryzynda iske qosylady. Budan bólek, biz «Altyntaý» altyn karerin zertteý máselesin talqyladyq. Kompanııa karerge 657 mıllıon dollar kóleminde ınvestısııa salyp otyr. Qazir karerdiń qýaty 70 paıyzdy quraıdy, al sáýirde ol 100 paıyzǵa deıin jetedi, – dedi A.Glaızenberg jýrnalısterge arnalǵan brıfıngte.