Jańa bapker jaqsy bastady

9 aqpan kúni fýtboldan ulttyq qurama osydan on kún buryn Chehııadan shaqyrylǵan bapker Mıroslav Beranektiń jetekshiligimen Túrkııanyń Antalıa qalasynda Belarýs komandasymen jańa jyldaǵy alǵashqy oıynyn ótkizdi. Bul joldastyq kezdesý deń­geıinde ótken match eshkimniń paıdasyna sheshilmedi, oıyn 1:1 bolyp aıaqtaldy. Kezdesýde birinshi bolyp esepti qarsylasymyz ashty. Sheteldiń biraz komanda­laryn­da oınap, ábden ysylǵan Aleksandr Gleb bul joly da qazaq qaqpasynyń kiltin taba bildi. Ol quramalardyń Almatydaǵy oıyny 5:1, Brestegi kezdesýi 4:0 bolyp aıaqtalyp, komandalas­tarynyń paıdasyna sheshilgende de jasyl alańnan gol soqpaı ketpegen edi. Osy joly da Bela­rýstiń kóshbasshysy matchtyń birinshi jartysy biter kezde 11 metrlik aıyp dobyn soǵyp úl­gerdi. Al ekinshi taımnyń so­ńyn­da bizdiń abyroıymyzdy árip­tesi­men almasqan Sergeı Ostapenko saqtap qaldy dese bolady. Bernd Shtork kezinde Samat Smaqov, Davıd Lorııa sııaqty komandadan shettetilgen Ostapenko oıynnyń 90-mınótinde qarsylastar qaqpa­syn dál kózdedi. Endi Qazaqstan quramasy kelesi oıynyn 26 naýryz kúni Germanııa komandasymen syr alańda ót­kizedi. Ázirshe jańa bapkerdiń bul kezdesýge qaı qurammen baratyny belgisiz. Al Belarýske qarsy matchta ulttyq qurama jasyl alańǵa mynadaı quram­men shyqty. Qaqpa­da oıyn­nyń birinshi jartysynda Andreı Sıdelnıkov turdy. Ony keıin Davıd Lorııa almastyrdy. Qorǵanysta bir-birin almastyrǵan Anton Chıchýlın, Renat Abdýllın, Vla­dıslav Chernyshev, Samat Smaqov, Qaırat Nurdáýletov, Aleksandr Kıslısyn oınasa, jartylaı qor­ǵanysta Andreı Karpovıch, Mak­­sım Azovskıı, Azat Nur­ǵa­lıev, Ulan Qonysbaev, Sergeı Sko­ryh, Dmıtrıı Shomko, shabýyl­da Nur­bol Jumasqalıev, Sergeı Hıjnıchenko, Sergeı Ostapenko jáne Andreı Fınonchenko óner kór­setti. M.Beranek osylardan basqa ult­tyq quramaǵa qaqpashy Aleksandr Mokın, qorǵaýshy Farhadbek Yrys­metov, Aleksandr Kırov, jar­tylaı qorǵaýshy Qa­zybek Geterıev, Aslan Darabaev, Sergeı Mý­jykov pen Evgenıı Averchen­kony shaqy­ryp otyr­ǵanyn atap ótken jón. Ulttyq quramanyń tizginin ustaǵan Beranek 1957 jyly 24 sáýir kúni Chehııanyń Beneshov qalasynda týǵan. Chehııalyq «Spartak» (Pelgrjımov), «Shkoda» (Plzen), «Slavııa» (Praga) komandalarynda oınaǵan. Bapker retinde «SV Gmund», «Slavııa» (Praga), «Kladno», «Hmel», «Debresen» (Vengrııa), «Ál-Vasl» (Dýbaı, BAÁ) klýbtary men Chehııanyń jastar qura­masyn jattyqtyrǵan. Sońǵy kezderi Chehııanyń ulttyq qura­masy bas bapkeriniń kómekshisi bolǵan.

Oıyndar nátıjeleri:

6 aqpan. Polsha – Moldova 1:0, 8 aqpan. Rýmynııa – Ýkraına 2:2, (penaltı 2:4), Kıpr – Shvesııa 0:2, Irlandııa – Ýels 3:0, 9 aqpan. Iran – Reseı 1:0, Argentına – Portýgalııa 2:1, Ispanııa – Kolýmbııa 1:0, Malta – Shveısarııa 0:0, Polsha – Norvegııa 1:0, Fransııa – Brazılııa 1:0, Horvatııa – Chehııa 4:2, Estonııa –Bolgarııa 2:2, Danııa – Anglııa 1:2, Germanııa – Italııa 1:1, Gollandııa – Avstrııa 3:1, Belgııa – Fınlıandııa 1:1, Makedonııa – Kamerýn 0:1, Lıýksembýrg – Slovakııa 2:1, Armenııa – Grýzııa 1:2, Moldova – Andorra 2:1, Grekııa – Kanada 1:0, Bolıvııa – Latvııa 1:2, Ázirbaıjan – Vengrııa 0:2, Izraıl – Serbııa 0:2, Túrkııa – Ońtústik Koreıa 0:0, Albanııa – Slovenııa 1:2, Ýkraına – Shvesııa 1:1(penaltı 5:4).