Búgin «Egemen Qazaqstan» gazetiniń redaksııasynda Qytaı Halyq Respýblıkasy Szıansý provınsııasynan kelgen delegasııa qonaqta boldy. Bas basylymnyń jumysymen tanysý úshin arnaıy atbasyn burǵan azamattardyń ishinde atalǵan provınsııanyń Ortalyq telearnasy basshysynyń orynbasary Sıý Gran Fen, Szıansý provınsııasyndaǵy Halyq úkimeti baspasóz ortalyǵynyń keńesshisi Tan Szıan, provınsııadaǵy Jazýshylar assosıasııasy tóraǵasynyń orynbasarlary E Chjao Iаn men Chý Fý Szın, sondaı-aq Sınhýa gazetiniń, Lıanıýngan qalalyq telearnasynyń jýrnalısteri bar eken.
Gazet basshylyǵymen kezdesken qytaılyq delegasııa «Egemenniń» aqparat keńistigindegi orny men mańyzyna aıryqsha qyzyǵýshylyq tanytyp, aldaǵy ýaqytta aqparattyq áriptestik ornatýǵa yntaly ekenderin bildirdi. «Qazaqstandaǵy «Nurly jol» men Qytaıdaǵy «Jańa Jibek joly» baǵdarlamalary aıasynda saýda-ekonomıkalyq qarym-qatynas damyp jatyr. Biz sonymen qatar, eki eldiń arasynda mádenı-rýhanı baılanystardy da ilgeriletkimiz keledi. Sol maqsatpen delegasııa quramynda jýrnalıstermen birge tanymal qytaı jazýshylaryn da ala keldik», – dedi Sıý Gran Fen. Ol sondaı-aq eki el basylymdary arasynda bolashaqta tájirıbe almasý máselesin jolǵa qoıýǵa bolatynyna senim bildirdi.
D.Qydyráli kezdesý sońynda Qazaq baspasóziniń qara shańyraǵyna arnaıy bas suqqan sheteldik qonaqtarǵa alǵys aıtyp, shaǵyn syı-sııapat jasady.
Láıla EDILQYZY
Sýret: Erlan OMAROV