Osyǵan deıin habarlasýǵa eń qaýipsiz qural sanalyp kelgen WhatsApp mesendjeriniń de álsiz tustary bar bolyp shyqty. Djonatan Zdzıarskıı esimdi zertteýshiniń aıtýynsha, buryn óshirildi delingen dıalogtar atalmysh mesendjerden birjola óshirilmeı, muraǵatta saqtalyp qalady eken.
– Baǵdarlamanyń bir qaltarysynda saqtalǵan habarlamalardy qaıta qaraýǵa bolady. Oǵan arnaıy qyzmet ókilderiniń tolyq múmkindigi bar. Iаǵnı, bizdiń jazysqan qupııa hattarymyzdy basqalardyń oqymaıtynyna, ózimizge qarsy qoldanbaıtynyna eshqandaı kepildik joq. Bul azamattardyń quqyǵyn buzý ǵoı, – deıdi zertteýshi. WhatsApp ókilderi Djonatannyń málimdemesine ázir jaýap bergen joq.
Buǵan deıin WhatsApp Brazılııa polısııasy suratqan habarlamalardy berýden bas tartqan edi.
WhatsApp tegin mobıldi qosymshasy álemdegi eń kóp qoldanylatyn messendjerlerdiń biri sanalady. Búginde telefonyna osy qosymshany ornatqan adamdardyń sany 1 mıllıardtan asyp jyǵylady eken.
Nurtóre SAMARQAN