[caption id="attachment_54609" align="aligncenter" width="560"] wordpress.com[/caption]
Oral áýejaıynda Kanadanyń Viking Air kompanııasy «Twin Otter Series 400» áýe laıneriniń tanystyrylymyn ótkizdi. Áýe kemesi Qazaqstannyń klımattyq erekshiligine óte qolaıly. On toǵyz adamǵa laıyqtalǵan bul ushaq jolaýshylardy tasymaldap qana qoımaı, qutqarý operasııalaryn júrgizýge jáne sanavıasııaǵa da asa yńǵaıly. Onyń taǵy bir ereksheligi, ushý-qoný jolaǵyn qajet etpeıdi.
Viking Air kompanııasy marketıng bóliminiń dırektory Devıd Hızdiń aıtýynsha, atalǵan ushaqtyń asfalt tóselmegen qara jerge, tipti, qar men sý ústine de qona berý múmkindigi bar eken. Bul úshin arnaıy qurylǵylar ornatylypty. Onyń joǵary jáne tómengi temperatýralarǵa shydamdylyǵy da óz aldyna bir bólek áńgime. Búginde kompanııa shyǵarǵan 900-ge tarta ushaq túri álemniń 57 elinde qoldanysqa engizilipti.
«Árıne, mundaı úlgidegi ushaqtar biz úshin qajet ekendigi anyq. Degenmen, qazir naqty esepter men taldaýlardyń, qarajatty únemdeý úrdisiniń zamany ekenin eskergenimiz jón. Iаǵnı, sheteldik ushaq bizge ekonomıkalyq jáne qarjylyq turǵydan tıimdi bola ala ma? Máseleniń osy jaǵyna basa nazar aýdarsaq, esh utylmasymyz anyq. Keleshekte mundaı taldaýlar jasalady degen oıdamyn. Bul úshin bıznestiń áleýmettik jaýapkershiligi arqyly ınvestorlar tartý múmkindigin qarastyryp kórýge bolady. Qaıtkende de, bul – keleshegi kemel joba», – dedi tanystyrylý rásimine qatysqan Batys Qazaqstan oblysynyń ákimi Altaı Kólginov.
Aıta keteıik, «Twin Otter Series 400» ushaǵynyń baǵasy 7 mıllıon AQSh dollaryn quraıdy.
Temir QUSAIYN